2 TIMAWTHY 2:7 - Mara Bible RV (BSI)

⁷ Ei biereipa he pachâ la, Abeipa ta kyh to liata novâhna a cha pie aw.

2 TIMAWTHY 2:7 ပူးပေါင်းရင်းမြစ်များ

1 THÂTIHZYRONA 22:12

Abeipa ta Izarei chô liata biehneina a cha pie tita, Abeipa na Khazohpa ryhpa na zyh thei nawpa ta, Abeipa ta sona nata novâhna cha pie mawh sy.

1 THÂTIHZYRONA 29:19

Ei sawchapawpa Sawlawmaw he, na biepiepazy, na ryhpa biezy nata na bieraopazy zyhpa ta, a zydua ta tao khai sala, o rônahpa cha a chhaichhi hmobaohzy ei chhuanoh hapa hawhta a sa thei nawpa ta, palôh phapakipa paphaosa mah y,” tah ta.

HLAZY 119:125

Châ chakaotuhpa châ na ta, Na bieraopazy ei pahno thei nawpa ta, Novâhna na pie mah y!

HLAZY 119:144

Na bieraopazy cha chhâzaw ta a do ta, Ei hro thei nawpa ta, Novâhna na pie mah y.

HLAZY 119:73

Na ku ta na tao chi ta, Eina padua chi; Na biepiepazy ei chu thei nawpa ta, Novâhna na pie mah y.

HLAZY 64:9

Chatanachata chyhsa zydua ta chipa ta, Khazohpa raihria phuah aw ei ta, A hmotaopazy ama pachâ aw.

BIESOZY 24:32

Cha cha ei hmô nahta pachâ na ta, Moh na ta hetana heta pachuna ei dao.

ISAI 1:3

Viahchao tôhpa ta a hneituhpa pahno ta, Alâ ta a puhpa châki a pahno; Izarei deikua ta pahno leipa ta, Ei phopi ta a novâh vei.”

ISAI 28:26

Leipalietuhpa cha a Khazohpa ta a phapa ta pachu ta, A taozie dopa a chho khai hapa a châ.

ISAI 5:12

Ama kyhchhizy liata kresawhti doh ei ta, Totâ, tlaipih, paotlâ nata siaramo zy tôpa ta a ly ei ta, Abeipa hmotaopazy deikua cha pachâ veih ei, A ku raihriazy chhao hmô veih ei.

DÂNIAH 1:17

He satlia papalihpazy he achuna nata thaina kyh to liata Khazohpa ta sona nata novâhna pie ta. Dâniah chhochhi cha aluahna nata mâ zydua taih chhao chhopasia thei ta.

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

LUKA 24:45

Biehrai biezy ama pahno thei nawpa ta, ama palôh pahy ta,

LUKA 9:44

“He biezy he nama nakhaoh liata a ngia mawh sy: Chyhsa Sawchapawpa he chyhsazy ku ta patusapa ta a y aw,” tah ta.

ZAWHÂNA 14:26

Thlapalôhtuhpa, Paw ta ei moh ta a vaw tua awpa Thlahpa Pathaihpa chata, ato cha pachu aw ei ta, nama hnohta ei reipa zydua kha a cha patheisa heih aw ei.

ZAWHÂNA 16:13

Biehmeiseihpa Thlahpa a vaw tlô tita, biehmeiseihpa zydua liata a châ chhi aw ei. Ano biehneina ta bie reih leipa aw ta, bie a theipa maih a cha chho aw ei. Hmo a vaw tlô awpazy chhao a cha pahnosa aw ei.

HMOTAOPAZY 7:10

a riethei taona zydua liata pachha lymâ ta, Izi bei Phiraoh hmiakô liata khokheina patosapa ta, sona ta tobi ta. Chatanachata Phiraoh ta Zawsi cha Izi râh chô liata ryureituhpa nata ano chhôhkha zydua chô liata ryureituhpa ta tao ta.

1 KAWRINI 12:8

Chyhsa pakha hnohta Thlahpa liata sona bie piepa châ ta, chyhsa hropa hnohta Thlahpa lia lilaw ta pahnona bie piepa a châ.

RYHPACHANEINA 32:29

Ama so mawh sala, Cha kyh cha ama novâh aw ta, Ama chhâ nawpa ama pahno awpa tlai!

RYHPACHANEINA 4:39

Chavâta tanoh he Abeipa cha chô lâ avâ liata nata ry lâ alei liata Khazohpa châ ta, Khazoh hropa rai y veih ei, tahpa nama pathipalôh liata khâchâ a vao teh u.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

KAOLAOSÂ 1:9

Cha vâna chata, nama thâtih eima thei noh tawhta, nâmo châta thlahchhâ bâh beih ma pi. Thlahpa lâ sona nata novâhna zydua hneipa ta, ano khopa pahnona ta pabiepa nama châ thei nawpa ta, eima cha hiapa tyh.

1 TIMAWTHY 4:15

Chyhsa zydua ta na hmasiena ama hmô thei nawpa ta, hmopiepazy cha hmâh la, cha chakaona liata a hmâh khai mah y.

2 TIMAWTHY 2:6

Lyutaopa hriapasapa cha a thei a nie tua awpa a châ.

2 TIMAWTHY 2:8

Ei thâtihpha reipa hawhta, athihpa hry tawhta a thyu heihpa, Dâvi pathla Zisu Krista a thei thlâh ha mah y.

HEBRAI 12:3

Nama palôh thazei leipa ta, nama tha a chhâ lei nawpa ta, moleipazy ta amâ dyuhna vâta pasa a taopa Zisu thâtih pachâ tyh muh vy.

HEBRAI 13:7

Khazohpa bie châ chhotuhpa nama hyutuhpazy a thei thlâh ha u la, ama hro liata hmo phapazy pachâ u la, amâ ngiapâna hâ a la teh u.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

HEBRAI 7:4

Cha chyhsa rônahzie cha pachâ tua u! Pathlatuhpa Abarahâ chhao khata hraona sôh tawhta su hrawh su kha a piepa kha a châ.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

ZÂMIE 3:15

Cha sona cha chô lâ tawhta a za tlôpa sona châ leipa ta, khizaw sona châ ta, thlahpa tawhta châ leipa ta, ahripa tawhtapa tlao a châ.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.