2 TIMAWTHY 2:22 - Mara Bible RV (BSI)

²² Thyutlia aohraohnazy a râsai la, palôh pathaihpa ta Abeipa padotuhpazy hry liata a hlaopa ta, siana, ngiapâna, kyhpachâna nata thlalôhna zy a chadai lymâ mah y.

2 TIMAWTHY 2:22 ပူးပေါင်းရင်းမြစ်များ

HLAZY 119:9

Thyutliapa ta kheihta a hro a pathaihsa thei aw? Na bie hawhta a hro a vaih khiahta cha, A hro a pathaihsa thei aw.

HLAZY 17:1

Hy Abeipa, adona bie thei la, Ei cha awna he nathlie mah y! Dôveina a y leipa ei hmao tawhta thlahchhâna lâ Na nah pachôh mah y!

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

BIESOZY 6:5

Sakathaipa tawhta sakhi â bohpa hawhta, Nâmasasyh ta a pachha la; Khoheih chôtuhpa ku tawhta pavaw â bohpa hawhta, Nâmasasyh ta a pachha mah y.

BIESOZY 7:8

Chanô yna kiapâh khiliah liata a khie laih ta, A o lâpi a chhihpa ta,

THEIHTHAINA 15:18

Chapaw ta chanô a ziakhei sala, a baoti a papua khiahta cha, ama pano ta ti liata ama ngai a si aw ei ta, zâlâ taih pathaih leipa ama châ aw.

HMOTAOPAZY 7:59

Alô ta ama vaw hai nota, Stiphana cha awh ta, “Abeipa Zisu, ei thlahpa vaw dy mah y,” tah ta.

HMOTAOPAZY 9:14

He lia chhao ta, na moh a padopa zydua chahry theina biehneina theihthai beizy tawhta piepa a châ,” tah ta.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

RAWMA 14:19

Chavâta thlalôhna a tlôkhei awpa nata tha a patlô raihriena a châ awpa hmozy a chadai lymâ suh u.

1 KAWRINI 1:10

Unawh saih u, nama hry liata achhaihna rai a y lei nawpa ta, nama zydua reiraohpa ta, palôh miakha nata pachâna miakha phaopa ta a pôhkha awpa ta, eima Beipa Zisu Krista moh ta ei châ haw ei.

1 KAWRINI 1:2

Kawrini khih liata a ypa, mopathaihpazy châ awpa ta Krista Zisu liata pananopa Khazohpa awnanopa nata su to liata eima Beipa Zisu Krista, âmo Beipa nata keimo Beipa moh a padopa zydua eima châ naoh.

1 KAWRINI 10:14

Chavâta kho ngaitapazy saih u, nothlahpa achhyna a râsai teh u.

1 KAWRINI 14:1

Kyhpachâna a chadai u la, thlahpa hmopiepazy khoh u la, biechho chakaona hmopiepa khoh pachai teh u.

1 KAWRINI 6:18

Apatlana moleina a râsai teh u. Chyhsa ta moleina hropa a taopazy cha pôhpa khôtho lâ a châ, apatlana moleina a taopa deikua cha, ano pôhpa chô lia tlai ta moleina hmo a taopa a châ.

1 TIMAWTHY 1:14

Chatanachata eima Beipa ngiachhiena cha Krista Zisu liata a ypa ngiapâna nata kyhpachâna chhaota ei chô liata lei thlupa ta a y.

1 TIMAWTHY 1:5

Kha hawhta bie eima cha piena chhâpa cha, palôh pathaihpa, chhie nata pha pahnona pathaihpa nata ngiapâna hmeiseihpa tawhta a vaw puapa kyhpachâna ama hnei thei nawpa ta a châ.

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.

1 TIMAWTHY 4:12

Thyutliapa na châpa vâta ahy hmahta cha mohnao khah ei sy. Bie rei kyh liata zy, yzie kyh liata zy, kyhpachâna kyh liata zy, ngiapâna nata pathaihna kyhzy liata ngiapâtuhpazy a mopâ awpa ta tlao y mah y.

1 TIMAWTHY 6:11

Nâ, Khazohpa chyhsa y, cha hmozy cha a râsai la, siana, Khazohpa pachâna, ngiapâna, kyhpachâna, daotheina nata nônaina zy a chadai lymâ mah y.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.

1 PITY 3:11

Moleina a heihsai sala, Hmo pha tao mawh sy; Thlalôhna tlua sala, A chadai lymâ mawh sy.

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.