2 TIMAWTHY 2:21 - Mara Bible RV (BSI)

²¹ Chavâta chyhsa ta hmobaoh sôh lei viapazy tawhta anosasyh â pathaisa khiahta cha, hmobaoh sôhpa vaw châ aw ta, hmobaoh pathaihpa châ awpa ta pananopa, Abeipa hmâ tlâhpa nata raihria phapa to châta a mâ chiehpa ta a ypa a châ aw.

2 TIMAWTHY 2:21 ပူးပေါင်းရင်းမြစ်များ

HLAZY 119:9

Thyutliapa ta kheihta a hro a pathaihsa thei aw? Na bie hawhta a hro a vaih khiahta cha, A hro a pathaihsa thei aw.

ISAI 1:25

Na chô liata ei ku pathla aw na ta, Na saiiepa cha lôiah ta pasi aw na ta, Na thua chhiepa cha ei pathaisa aw.

ISAI 52:11

Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

ZEREMIAH 15:19

Chavâta Abeipa ta hetana heta a tah: “Na vaw kua khiahta cha, Cha paduapathi aw na ta, Ei hmiakô liata nâ duah heih aw. Hmo sôhpa kyh reih la, Hmo phahnai leipa na reih leipa khiahta cha, Ei pakah hawhta na châ aw. Nâ lâ a vaw heih aw ei ta, Nâ deikua cha âmo lâ a heih aw va chi.

MALAKHAI 3:3

Tâkâ pathaituhpa nata a thlipasohtuhpa hawhta a tyuh aw ta, Livai pathlazy cha pathaisa aw ta, ngôh nata tâkâ a thlipasohpa hawhta âmo cha a thlipasoh aw ta, siana ta Abeipa lâta hmohlâpazy ama hlâ aw.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

1 KAWRINI 5:7

Thinô pahlao leipa nama châpa hawhta, viahdie thiehpa nama châ thei nawpa ta, thinô parohpa cha pathai ha muh vy, Krista, Zawpakhô mietakutaw cha, keimo atheihna châta hlâpa châ tlôh ta.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

2 KAWRINI 9:8

Khazohpa ta ngiachhiena hluhpi nama chô liata vaohei thei ta, chatanachata khati no rai ta hmo to namâ ngiahpa hawhta hnei aw ei chi ta, raihria phapa hluhpi nama hria thei aw,

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

1 TIMAWTHY 6:11

Nâ, Khazohpa chyhsa y, cha hmozy cha a râsai la, siana, Khazohpa pachâna, ngiapâna, kyhpachâna, daotheina nata nônaina zy a chadai lymâ mah y.

2 TIMAWTHY 2:16

Khazohpa a hlao leipa bie sisaw leipa reipazy a hneisai mah y. Cha hawhpa biezy chata chyhsazy Khazohpa pachâ leina lâ a chhi via rili aw ta,

2 TIMAWTHY 2:20

O rônahpa liata tâkâ nata ngôh ta taopa hmobaohzy dei y leipa ta, tho nata beihlei ta taopazy chhao a y. Thokha sôh via ta, thokha a sôh lei via.

2 TIMAWTHY 3:17

Chatanachata Khazohpa chyhsa cha pakipa ta y aw ta, raihria phapa to châta tobipa ta a y aw.

2 TIMAWTHY 4:11

Luka deita ei hnohta a y. Mâka kha hrua la, a vaw chhi mah y. Ano cha chakaona liata ei châta phahnai ngaitapa a châ.

TITU 3:1

Ngiapâtuhpazy cha ryureituhpazy nata biehneituhpazy liata a ngiarih ei sala, reingiahpa ta, hmo pha tao a mâ awpa ta chho chanei mah y.

TITU 3:14

Eima chyhsazy cha pathei leipa ta ama y lei nawpa ta, bao ngiahpazy bao ei sala, hmo pha taona liata a hmâ lymâ awpa ta a chu mawh ei sy.

TITU 3:8

Khazohpa a ngiapâpazy cha hmo pha taona liata a hmâh lymâ mawh ei sy, tahpa bie cha ngâ tlâhpa châ ta, cha bie cha na reih lymâ awpa ei khoh. Cha cha hmo phapa châ ta, chyhsazy ta amâ thôkhei aw.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

1 ZAWHÂNA 3:3

Ahy rai ano liata hnabeiseihna a hneipa maih cha, ano a pathaihpa hawhta, anosasyh ta â pathaisa tyh.