2 TIMAWTHY 2:20 - Mara Bible RV (BSI)

²⁰ O rônahpa liata tâkâ nata ngôh ta taopa hmobaohzy dei y leipa ta, tho nata beihlei ta taopazy chhao a y. Thokha sôh via ta, thokha a sôh lei via.

2 TIMAWTHY 2:20 ပူးပေါင်းရင်းမြစ်များ

EZRÂ 1:6

Chyhsazy ta lôhthai sôh ama thyupazy hleikhô ta, ama chheipâh liata chyhsa zydua ta tâkâ hmobaoh­zy, ngôhzy, hmozy, sahrohzy nata hmo sôhpazy piepa ta, ama ku tha patlô ei ta.

EZRÂ 6:5

Khazohpa o liata ngôh nata tâkâ hmobaohzy Nebukaneza ta Zerusale Achhyna o tawhta la ta, Babylaw lâ a phao hapazy chhao, kuakheipa châ sala, Zerusale liata Achhyna o liata âmo su chyu liata so heihpa châ mawh sy. Chazy cha Khazohpa o liata nama soh awpa a châ.

PUASAINA 27:3

Maisâh buchâh thyna beihzy, buchâh linazy, rahôzy, sa thaona thuakuzy nata mei lanazy tao aw chi ta, maisâh chhaichhi zydua cha dawh ta na tao khai aw.

CHAPHÔHTUNA 4:2

Zaio sawchapawzy cha, Ngôh suapa hawhta a sôhpazy ama châ; Tahmâ deikua cha alei beih hawhta pachâpa châ ei ta, Beihvituhpa ku ta taopa hawhta pachâpa ama châ ha bâ!

DÂNIAH 5:2

Belsâza ta kresawhti cha doh ta, ano nata a beimachâzy, a lapinôzy nata a nôthozy kresawhti do nawpa ta, a paw Nebukaneza ta Zerusale Achhyna o tawhta a lapa ngôh nata tâkâ nyuzy vaw chei awpa ta biepie ta.

ZAWHÂNA 8:49

Zisu ta, “Ahripa azopa châ va na, ei Paw ei palyupalihpa tlao a châ. Nâmo deikua ta ei moh nama pachhie.

RAWMA 9:20

Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?

1 KAWRINI 3:9

Keimo he Khazohpa hrialâhpazy châ pi ta, nâmo Khazohpa lyu châ ei chi ta, Khazohpa o sapa nama châ.

2 KAWRINI 4:7

Châhrasala hmotaotheina rônah ngaitapa he, keimo tawhta a puapa châ leipa ta, Khazohpa eih a châpa eima palâsa thei nawpa ta, cha ryu cha alei beihzy liata eimâ vao.

EPHESI 2:22

Ano liana chata nâmo chhao Khazohpa pahrâ nawpa ta paryh pakhypa châ ei chi ta, cha liata Khazohpa cha Thlahpa ta a pahrâ.

1 TIMAWTHY 3:15

vaw hawh pathlei mawh sah la, Khazohpa chhôhkha liata kheihta y awpa ma a châ tahpa na pahno thei nawpa ta ei vaw ropa a châ. Khazohpa chhôhkha cha Khazohpa hrohpa Awnanopa châ ta, cha cha bie hmeiseihpa tôh nata abôna a châ.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.