2 TIMAWTHY 2:2 - Mara Bible RV (BSI)

² Pahnotuhpa hluhpi hmiakô liata ei bie reipa na theipazy kha, mohropazy a pachu pachhuah thei awpa chyhsa ngâchhihpazy ku liata pavaosa mah y.

2 TIMAWTHY 2:2 ပူးပေါင်းရင်းမြစ်များ

EZRÂ 7:10

Ezrâ cha Abeipa Ryhpa a chu ta, â chupazy cha hrokhei ta, Abeipa bieraopazy nata pachianazy cha, Izarei liata pachu awpa ta a palôh liahsa tao ta.

EZRÂ 7:25

“Chatawhcha nâ, Ezrâ y, na ku liata a ypa Khazohpa sona hawhta, Chavah Haosâ lâta a ypa râh zydua pachia awpa ta, na Khazohpa ryhpa a pahnopazy cha, pachiatuhpazy nata ryureituhpazy ta na rao aw ei. Na Khazohpa ryhpa a pahno leipazy cha na pachu aw ei.

NEHEMIAH 7:2

ei unawhpa Hânani cha Zerusale avaotuhpa ta rao na ta. Hânaniah cha chyhsa hluhpi hlâta ngâchhih viapa nata Khazohpa a chi viapa a châpa vâta, thokhy mohôhtuhpa ta ei raopa a châ.

HLAZY 101:6

Râh chyhsa ngâchhihpazy Ei hnohta ama pahrâ thei nawpa ta, Âmo cha khokheipa ta moh aw ei na ta; Phapakipa chyhsa ta eina chakao aw.

BIESOZY 13:17

Lyuhchâpa moleipa cha tymâna a tyh ta, Vyuhtuapa ngâchhihpa deikua cha tlâhna a tlôkhei tyh.

ZEREMIAH 23:28

Mâsapa a hneipa hrohsopa ta a mâsapa cha reih sala, ei bie a hneipa ta ei bie cha ngâchhihpa ta reih mawh sy. Sâh kô nata sâh hmô zy khâpa alyuna ma ama hnei?” Abeipa ta a tah.

THEIHTHAINA 14:42

Alô hropazy la aw ei ta, alô ama thy hapa suzy liata soh aw ei ta, beihlei hropa la aw ei ta, o cha ama pamih pathi aw.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALUHREINA 12:7

Nâ chakaotuhpa Mawsi deikua cha, cha hawhta châ vei. Ano cha ei o liata ngâchhihpa a châ.

MATHAI 13:52

Zisu ta ama hnohta, “Chavâta vârâh khinarâh châta pachusapa ryhpa pachutuhpa maih cha, o hneituhpa ta a ryubyh tawhta hmo thiehpa nata hmo parohpa a thao papuapa hawhta a châ,” tah ta.

MATHAI 24:25

Nathlie teh u, ei cha chho chhielie ei hih.

LUKA 12:42

Abeipa ta, “A daihtita ta chhôhkha nie awpa pachhuahpanoh lymâ awpa ta, a zibeipa ta a o liata hyutuhpa châta a raopa, sôh mokhâhtuhpa ngâchhihpa nata sopa cha ahy ma a châ?

1 KAWRINI 4:2

Cha dei châ vei, mokhâhtuhpa cha chyhsa ngâchhihpa a châ awpa a byuh.

2 KAWRINI 2:14

Krista liata pahniena ta khâ miah a chhituhpa nata keimo hmâpa ta su to liata ano pahnona ropahâhpa a patheisatuhpa Khazohpa cha reithaipa ta y mawh sy.

2 KAWRINI 3:5

Keimo liata tlohna hnei leipa pi ta, keimo tawhta a puapa rei awpa khâpa hmah hnei ma pi. Eima tlohna cha Khazohpa tawhta a châ.

KAOLAOSÂ 1:7

Eima chakaolâhpa kho ngaitapa Epâpharâ tawhta thâtihpha thei ei chi ta, ano cha keimo vyuhpa ta Krista chakaotuhpa ngâchhihpa a châ.

1 TIMAWTHY 1:12

Ngâchhihpa ta na pachâ ta, ano chakao awpa ta na rao ta, thatlôna nâ pietuhpa eima Beipa Krista Zisu hnohta alyna bie ei reih.

1 TIMAWTHY 1:18

Ei saw Timawthy y, nâma kyh liata hrohsona bie phuah chhieliepa hawhna khata, adyuhna phapa ta nâ dyuh thei nawpa ta, he biepiepa he na chô liata ei pahnieh.

1 TIMAWTHY 4:14

Hmopiepa na hneipa kha uasa leipa ta y khah y. Kha hmopiepa kha, hrohsona bie hawhta, machâzy ta na chô liata ama ku ama pahnieh nota piepa na châ.

1 TIMAWTHY 4:6

Chazy cha unawhzy na pahnosa khiahta cha, Krista Zisu chakaotuhpa phapa, ngiapâna bie nata biezyhpa phapa pachuna liata a laiseihpa na châ aw.

1 TIMAWTHY 5:22

Chyhsa chô liata ku pahnieh awpa ta a para leipa la, mohropazy moleina liata a hlao leipa la, pathaihpa ta y mah y.

1 TIMAWTHY 6:12

Ngiapâna ta adyuhna phapa a dyuh la, chhâzaw hrona patu mah y. Cha cha to awpa ta awpa châ chi ta, pahnotuhpa hluhpi hmiakô liata a phapa ta nâ duakheipa kha a châ.

2 TIMAWTHY 3:10

Nâ deikua cha, ei pachuna, ei yzie, ei hmochhuahpa, ei ngiapâna, ei daotheina, ei kyhpachâna nata tiamana zy pahno chi ta,

2 TIMAWTHY 3:14

Nâ deikua cha, ahy tawhta a chupa ma na châ tahpa pahnopa ta, nâ chupa nata â ipa ta nâ ngiapâpa liana khata y lymâ mah y.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

1 SAMUELA 2:35

Chatawhcha ei châta theihthaipa ngâchhihpa padua aw na ta, ano chata ei palôh liata nata ei pachâna liata hmo a ypa hawhta tao aw ta, chipathla a ipa ei paduapa awpa vâta a chi lei leipa aw ta, ei sathawthupa hmiakô liata chhâzaw ta a y aw.