2 TIMAWTHY 2:15 - Mara Bible RV (BSI)

¹⁵ Biehmeiseihpa â do ngaitapa ta a siekheipa raihriatuhpa cha, noza awpa a châ leipa hawhta, a pyh tlâhpa ta Khazohpa hmiakô liata nâ duah thei nawpa ta, na theina zydua papua mah y.

2 TIMAWTHY 2:15 ပူးပေါင်းရင်းမြစ်များ

MATHAI 13:52

Zisu ta ama hnohta, “Chavâta vârâh khinarâh châta pachusapa ryhpa pachutuhpa maih cha, o hneituhpa ta a ryubyh tawhta hmo thiehpa nata hmo parohpa a thao papuapa hawhta a châ,” tah ta.

MÂKA 4:33

Ama pahno thei nawpa ta, cha hawhpa pakhona biezy hmâpa ta ama hnohta bie reih tyh ta.

LUKA 12:42

Abeipa ta, “A daihtita ta chhôhkha nie awpa pachhuahpanoh lymâ awpa ta, a zibeipa ta a o liata hyutuhpa châta a raopa, sôh mokhâhtuhpa ngâchhihpa nata sopa cha ahy ma a châ?

HMOTAOPAZY 2:22

“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

RAWMA 14:18

Cha hawhta Krista chakaotuhpazy cha, Khazohpa ta a pyh ta, chyhsa reithaina chhao ama hlao tyh.

RAWMA 16:10

Krista liata chyhsa hmeiseihpa Apele kha nâ naohpa muh vy. Aristôbulâ chhôhkhazy kha nâ naohpa muh vy.

RAWMA 6:13

Nama pôhpa pachiahpazy cha, sialeina chhaichhi châta moleina lâta hlâ leipa u la, thina tawhta hrona lâ chhihthapazy nama châpa hawhta, Khazohpa lâta a hlâ u la, nama pôhpa pachiahpazy cha siana chhaichhi châta Khazohpa lâta hlâ teh u.

1 KAWRINI 2:6

Pitlohpazy hry liata deikua cha, biesozy eima pachu tyh. Châhrasala he khizaw biesozy châ leipa ta, he khizaw ryureituhpa a leidia awpazy bieso châ hra vei.

2 KAWRINI 10:18

Anosasyh a reipaphapa ta reithaina hlao hlei leipa ta, Abeipa ta a reipaphapa ta reithaina a hlao tyh.

2 KAWRINI 3:6

Khazohpa ta biehrai thiehpa chakaotuhpazy châ awpa ta miah patlohsa ta, ryhpa vâta châ leipa ta, Thlahpa vâta a châ. Ryhpa ta thie ta, Thlahpa deikua ta a pahro tyh.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

2 KAWRINI 5:9

Chavâta pôhpa o liata eima y tlyma, y vei tlyma, ano palysa awpa eimâ chhuah tyh.

KALATIA 1:10

Tahmâ he chyhsa apykheina ma ei tlua, Khazohpa apykheina maw? Chyhsa palysa a chhuahpa ma ei châ? Chyhsa palysa ei chhuah khiahta la, Krista chakaotuhpa châ aw va na.

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

1 THYSALAWNIKA 2:4

Thâtihpha pavaosa tlâhpa ta Khazohpa ta miah a raopa hawh tlai ta, chyhsa palysa a chhuah leipa ta, eima pathipalôh a pasiatuhpa Khazohpa palysa a chhuahpa ta, bie eima chho tyh.

1 THYSALAWNIKA 5:14

Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.

1 TIMAWTHY 4:6

Chazy cha unawhzy na pahnosa khiahta cha, Krista Zisu chakaotuhpa phapa, ngiapâna bie nata biezyhpa phapa pachuna liata a laiseihpa na châ aw.

HEBRAI 4:11

Chavâta reingiah leina vâta ama paopa hawhna khata ahy hmah ama pao lei nawpa ta, cha apahâna liata a ngia awpa ta tei ei suh u.

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

2 PITY 1:10

Chavâta unawh saih u, a cha awna ei nata a châ tlyhna ei cha, pa-i awpa ta tiama papua rili teh u. Chazy nama tao khiahta cha pao beih aw veih ei chi.

2 PITY 1:15

Ei sie tawh chhao ta, cha hmozy cha khâ namâ thei thlâh nawpa ta ei tei lylia aw.

2 PITY 3:14

Chavâta kho ngaitapa saih u, cha hmozy a hâtuhpa nama châpa vâta, apuapa a bai leipa nata seina hnei leipa ta, thlalôhpa ta nama ypa a cha hmô thei nawpa ei ta, tiama papua teh u.