2 TIMAWTHY 2:14 - Mara Bible RV (BSI)

¹⁴ He biezy he âmo pahnosa heih la, phahnaina hnei tlôh leipa ta nathlietuhpazy a parao tyhpa biezy liata a eichhia lei awpa ta biepie mah y.

2 TIMAWTHY 2:14 ပူးပေါင်းရင်းမြစ်များ

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 2:11

Phopi ta a khazohzy cha, Khazohzy ama châ leipa chhao ta a thla beih ma? Ei phopi deikua ta ama rônahna cha, Hmo phahnai leipa ta tlao ama thla haw.

ZEREMIAH 2:8

Theihthaipazy ta, ‘Abeipa khataih liata a y?’ Tah leipa ei ta; Ryhpa a hmâhtuhpazy chhao ta, Na pahno veih ei. Ryureituhpazy ta nâ dyuh ei ta, Hrohsopazy ta Bâlâ moh ta hrohsona bie phuahpa ta, Hmo phahnai leipazy amâ chadai.

ZEREMIAH 23:32

“Mâ phichhyhpazy reipa ta hrohsona bie a phuahpazy ei dyuh ei,” Abeipa ta a tah. “Âmo cha ei tua leipa pi tlai ei nata bie ei pie leipa pi tlai ei ta, ama haipa biezy nata amâ palaina biezy ta ei phopi a paviasapazy châ ei ta, he phopi châta phahnaina rai a hnei leipazy ama châ,” Abeipa ta a tah.

ZEREMIAH 23:36

Chyhsa to châta âmo bie cha âmo phaohri châ ta, Khazohpa hrohpa, Pheisaihzy Abeipa eima Khazohpa biezy anoleipa lâta nama hmâpa vâta, ‘Abeipa phaohri,’ tahpa deikua reih khao aw veih ei chi.

ZEREMIAH 7:8

“Pachâ teh u, phahnaina a hnei leipa haipa biezy tlao nama ngâ he zaw.

HABAKU 2:18

“Chyhsapa tao chhyhpa nothlahpa cha, Khâpa phahnaina ma a hnei? Nothlahpa deita châ ta, Haipa bie pachutuhpa a châ. A taotuhpa ta ano kuzô ta tao ta, Bie a reih thai leipa nothlahpazy cha, A ngâ kaw cha!

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

HMOTAOPAZY 13:10

a hnohta, “Nâ, ahripa sawchapawpa, nâ, siana khakhaipa, dôveina nata nôchhiena ta a biepa, Abeipa lâpi palâpa na pakosapa he bâh aw va chi mâ?

HMOTAOPAZY 15:24

“Eima hry liata chyhsa thokha ta keimo biepie leipa ta nâmo lâ a zu ei ta, ama bie reipa ta cha patypamâ ei ta, noraihpa ta ama cha paysapa thâtih eima vaw thei.

RAWMA 14:1

Ngiapâna liata chiehleipa chyhsa cha a pyh thai u la, â lôhleina kyh liata sei khuh vy.

KALATIA 1:7

Thâtihpha hropa y vei. Krista thâtihpha panano ta, cha patypamâ a chhuahpazy ama châ.

EPHESI 4:17

He he Abeipa liata reih na ta, ei cha chho ei: Pachâna hraoleipa a hneipa Zenitaizy hawhta nama y khao awpa châ vei.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

2 THYSALAWNIKA 3:6

Unawh saih u, keimo tawhta pachuna bie nama daopa hawhta y leipa ta, thathipa ta a ypa unawh tawhta a panano awpa ta eima Beipa Zisu Krista moh ta bie eima cha pie.

1 TIMAWTHY 1:4

Phôhpa nata thyutôna kyh a laichadai tiah leipazy reina liata ngosiah thlâh lei awpa ta biepie awpa ta ei châ haw hra. Cha hawhpa biezy reipa cha ngiapâna kyh liata Khazohpa raihria thapatlôtuhpa châ leipa ta, aeichhiana a taotuhpa tlao a châ.

1 TIMAWTHY 1:6

Chyhsa thokha cha, chazy vâta pavia ei ta, hraoleipa biezy reina lâta ama tlei tyh.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

1 TIMAWTHY 5:21

He ryhpazy he thailei pachâsa chhieliena y leipa ta, khokhei eih viapa hnei hra leipa ta hmâh awpa ta, Khazohpa nata Krista Zisu nata vâlyuhchâpa atlyhpazy mohmô liata bie ei cha pie.

1 TIMAWTHY 6:13

Hmo to hrona a pietuhpa Khazohpa nata Pawtia Pilâ hmiakô liata biedopa a duakheituhpa Krista Zisu mohmô liata bie ei cha pie.

2 TIMAWTHY 1:6

Cha vâna chata na chô liata ei ku pahniehpa ta Khazohpa hmopiepa nâ liata a ypa kha, pa-ia awpa ta ei cha pahnosa heih.

2 TIMAWTHY 2:16

Khazohpa a hlao leipa bie sisaw leipa reipazy a hneisai mah y. Cha hawhpa biezy chata chyhsazy Khazohpa pachâ leina lâ a chhi via rili aw ta,

2 TIMAWTHY 2:23

Aeichhiana hrupa nata phahnai leipazy cha ahryusina a papua tyh tahpa pahno chi ta, chavâta cha hawhpa liata a hlaohli khah y.

2 TIMAWTHY 4:1

Khazohpa nata Krista Zisu, ahrohpa nata athihpa a pachiatuh awpa mohmô liata, â vaw luahna nata a khinarâh reipa ta bie ei cha pie.

TITU 3:1

Ngiapâtuhpazy cha ryureituhpazy nata biehneituhpazy liata a ngiarih ei sala, reingiahpa ta, hmo pha tao a mâ awpa ta chho chanei mah y.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

2 PITY 1:13

Sapa pôhpa ta ei y chhôh zydua cha, cha pahnosa chanei tyh ta, nama tha cha pathyu awpa cha, hmo phapa a châpa ta ei pahno.

1 SAMUELA 12:21

Khâpa châta hmahta a phahnai lei awpa nata châ pachha thei lei awpazy zipa ta tleisai khuh vy, âmo cha hraoleipazy ama châ.