2 TIMAWTHY 1:7 - Mara Bible RV (BSI)

⁷ Khazohpa ta china thlahpa miah pie leipa ta, hmotaotheina nata kyhpachâna nata pachâna pasohpa hneina thlahpa tlao miah a pie.

2 TIMAWTHY 1:7 ပူးပေါင်းရင်းမြစ်များ

HLAZY 119:80

Maophyuhpa ta ei y lei nawpa ta, Ei palôh he na bieraopazy liata phapakipa ta y mawh sy!

BIESOZY 2:7

Chyhsa dopa châta sona patapa pachôpa ta, Ngâchhihpa ta a ypazy châta ano cha vyhphao a châ.

BIESOZY 8:14

Ryhrao thaina nata sona dopa zy cha kei eih châ ta, Novâhna hnei na ta, thatlôna ei hnei.

ISAI 11:2

Abeipa Thlahpa cha a chô liata a choh aw ta, Cha Thlahpa cha sona nata novâhna Thlahpa châ ta, Ryhraona nata thatlôna Thlahpa chhao châ ta, Abeipa pahnona nata china Thlahpa a châ.

MIKÂ 3:8

Kei deikua cha Zakaw hnohta a paraona phuah ta, Izarei hnohta a moleina phuah nawpa ta, Hmotaotheina ta ei bie; Abeipa Thlahpa ta bie na ta, Adona nata thatlôna ta ei bie.

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

LUKA 10:19

Pachâ teh u, parihzy nata râh cha-iazy tlybai theina nata khakhaipa hmotaotheina zydua chô liata biehneina ei cha pie ei. Khâpa ta hmah cha pasasa aw veih ei.

LUKA 15:17

 vaw pahno pasia nahta, ‘Ei paw o liata hria hlaopa hluhpi y ei ta, nie tiah lei ama hnei thlâh bao na ta, kei deikua cha nodipa ta he liata ei thi aw hih!

LUKA 24:49

Pachâ teh u, ei Paw bietaipa cha nama chô liata vaw tuah aw na ta, chô lâ tawhta hmotaotheina ta tobipa nama châ hlâta deikua cha, khihpi liana heta y thlâh ha muh vy,” tah ta.

LUKA 8:35

Khâpa hmo ma a tlô tahpa mo awpa ta chyhsazy pua ei ta, Zisu kô ama tlô nahta, ahripa ta a puasai hapa chyhsa kha, chysia a tobipa ta palôh pasohpa ta Zisu phei thaby liata â tyu thlâhpa hmô ei ta, chi kaw ei ta.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

HMOTAOPAZY 26:11

Pakhyna o zydua liata âmo cha hrie tyh ei na ta, Khazohpa moh reipachhie awpa ta tao ei na ta, ama chô liata nôchhie ngaitapa ta y na ta, râh hropa khihpi lâzy taihta âmo a taola laihpa ei châ.

HMOTAOPAZY 26:25

Pawla ta, “Festâ zachhih chaipa y, a hrupa châ va na, biedopa nata bie yzie hneipa tlao ei reih.

HMOTAOPAZY 6:8

Stiphana cha ngiachhiena nata hmotaotheina ta bie ta, chyhsazy hry liata ngiana nata hmonoâhpa rônah ngaitapazy tao lymâ ta.

HMOTAOPAZY 9:22

Sawla cha a thatlô via lymâ ta, Zisu cha Mesia a châ tahpa ta chhopasia ta, Dâmaskâ liata Zu chyhsa a ypazy cha cha-ohsa thlâh tyh ta.

RAWMA 5:5

Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

RAWMA 8:15

Chipa ta y heih awpa ta seichâna thlahpa nama topa châ leipa ta, saw châna Thlahpa tlao to ei chi ta, cha Thlahpa vâna chata “Âbâ! Ei paw!” tahpa ta eima aw theipa a châ.

1 KAWRINI 2:4

Ei biereipa nata ei biechhopazy kha, chyhsa sona hmâpa ta pahnie a chhuahpa biezy châ leipa ta, Thlahpa nata hmotaotheina palâsapa ta ei reih tyhpa a châ.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

KAOLAOSÂ 1:8

Thlahpa liata nama kyhpachâna miah a chho.

HEBRAI 2:15

Chatanachata thi riah china sei ta hro chhôh a tâhpa zydua a pachha ha ei.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 ZAWHÂNA 4:18

Kyhpachâna liata la china rai y vei. Kyhpachâna pakipa ta china a papai tyh. Hriena a ypa vâta china y ta, china a hnei thlâh chypazy cha, kyhpachâna liata pakipa ta y mâh veih ei.