2 TIMAWTHY 1:5 - Mara Bible RV (BSI)

⁵ Ngiapâna hmeiseihpa a hneipa na châzie ei pahno. Cha ngiapâna cha na manô Lôisi liata y tua ta, na nô Unisi liata y heih ta, tahmâ nâma liata chhao a y tahpa a siapa ta ei pahno.

2 TIMAWTHY 1:5 ပူးပေါင်းရင်းမြစ်များ

HLAZY 116:16

Hy Abeipa, châ chakaotuhpa châ na ta, Na seichanô sawchapawpa, Châ chakaotuhpa ei châ hih.

HLAZY 17:1

Hy Abeipa, adona bie thei la, Ei cha awna he nathlie mah y! Dôveina a y leipa ei hmao tawhta thlahchhâna lâ Na nah pachôh mah y!

HLAZY 18:44

Ei bie ama theipa nahta ei rei a ngiah ei ta, Chihropazy ta ei ry amâ vaw daoh.

HLAZY 22:10

Ei pi noh tawhta ei pahniena châ chi ta, Ei nô chhi liata ei y no tawhta ei Khazohpa na châ.

HLAZY 66:3

Khazohpa hnohta, “Na hmotaopazy noâh a chhih ta, Na hmotaotheina a rônah kaw dia! Chavâta na chariahpazy a bôhpa ta nâ lâ amâ vy.

HLAZY 77:6

“Zâ ta ei hla a thei sah la, Ei palôh ta pachâ tua sah,” tah na ta, Chatanachata ei thlahpa ta pakhâta ta a tlua:

HLAZY 81:15

Abeipa a haotuhpazy ta ano ry a vaw daoh aw ei ta, Châhrasala ama tovyuh awpa cha chhâzaw hriena a châ aw.

HLAZY 86:16

Kei lâ a vaw heih la, Na ngiachhie mah y; Châ chakaotuhpa he na thatlôna pie la, Châ chakaotuhnô sawchapapawpa he pachha mah y.

ZEREMIAH 3:10

Cha zydua a hmô thlâh hapa chhao ta, a narônô haiphiahnô Zu­dâh cha palôh hmeiseihpa ta kei lâ vaw kua leipa ta, a pakheipa ta a vaw kua tyh,” Abeipa ta a tah.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

HMOTAOPAZY 16:1

Pawla cha Derbe nata Lystâ lâzy chhao sie ta. Cha liata Timawthy ama tahpa pachupa pakha y ta. Timawthy cha Zu chanô ngiapâtuhpa sawchapaw châ ta, a paw deikua cha Krikâh chyhsa a châ.

HMOTAOPAZY 26:26

He bie he abei ta a pahno. Chavâta ano hnohta cha riahphapa ta ei reipa a châ. He hmozy he a chaki chakô liata taopa châ veih ei. Chavâta a abei pahno lei awpa ta phihpa y tlâ vei, tahpa a siapa ta ei pahno.

RAWMA 14:14

Abeipa Zisu liata pathaih leipa khâpa hmah y vei tahpa a siapa ta ei pahno. Pathaih leipa hawhta a pachâpa châta deikua cha, pathaih leipa a châ.

RAWMA 14:5

Chyhsa pakha ta noh kha cha, noh hropa hlâta pasô via ta, chyhsa hropa ta noh zydua he miakha sai ta a pachâ. Chyhsa to ama pachâna chyu liata ama sia awpa a châ.

RAWMA 15:14

Unawh saih u, phana ta bie ei chi ta, sona to hnei ei chi ta, namâ pachu raihrie thei, tahpa keima tlai ta a siapa ta ei pahno.

RAWMA 4:21

Khazohpa cha a bietai hawhta a tao thei tahpa khâchâ a ngiapâ ta.

RAWMA 8:38

Thina nata hrona tlyma, vâlyuhchâpazy nata ahripazy tlyma, hmo y haipa nata a vaw y awpazy tlyma, hmotaotheina tlyma,

2 KAWRINI 6:6

hro pathaihna liata zy, pahnona liata zy, daotheina liata zy, nôphana liata zy, Thlahpa Pathaihpa liata zy, kyhpachâna hmeiseihpa liata zy;

1 TIMAWTHY 1:5

Kha hawhta bie eima cha piena chhâpa cha, palôh pathaihpa, chhie nata pha pahnona pathaihpa nata ngiapâna hmeiseihpa tawhta a vaw puapa kyhpachâna ama hnei thei nawpa ta a châ.

1 TIMAWTHY 4:6

Chazy cha unawhzy na pahnosa khiahta cha, Krista Zisu chakaotuhpa phapa, ngiapâna bie nata biezyhpa phapa pachuna liata a laiseihpa na châ aw.

2 TIMAWTHY 1:12

Cha vâna chata he hmozy chhao he pasa ei tao. Châhrasala ei noza vei. Ei ngiapâpa cha pahno na ta, ano ei pavaosapazy cha, cha noh châta â bohpa ta a vaih thei tahpa a siapa ta ei pahno.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

HEBRAI 11:13

Cha zydua cha ngiapâna hneipa ta thi ha ei ta. Ama hnohta bietaipa hmozy ama to mâh leipa chhao ta, lâhlapi tawhta saipa ta a naoh ei ta, alei liata cha khichhaipa nata khitlyhpa dei ama châ tahpa ama pahno.

HEBRAI 6:9

Châhrasala kho ngaitapa saih u, cha hawhta reih hra sih la, nâmo kyh liata la, hmo pha viapa, pachhana kyh hmozy nama tao aw tahpa eimâ lôh.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.