2 TIMAWTHY 1:3 - Mara Bible RV (BSI)

³ Ei thlahchhânazy liata chhô nah zâ ta khâ châ thei tyh na ta, nâ pathlatuhpazy taozie hawhta, chhie nata pha pahnona siapa ta ei chakaopa Khazohpa hnohta nâma vâta alyna bie ei reih tyh.

2 TIMAWTHY 1:3 ပူးပေါင်းရင်းမြစ်များ

LUKA 2:37

nôhmei châpa ta kô sycharie nata kô palih chhôh a ypa a châ. Achhyna o puasai leipa ta, chhô nah zâ ta kâhvileipa ta thlahchhâpa ta Khazohpa â chhy tyh.

HMOTAOPAZY 22:3

“Kei he Zu chyhsa châ na ta, Silisia râh Tarsâ khih liata a pihpa ei châ. Châhrasala Kâmalia phei thaby lia a chu na ta, he khihpi liata a laiseihpa ei châ. Miah pathlatuhpazy ryhpa â i ngaitapa ta pachupa châ na ta, tanoh nâmo zydua hawhna heta Khazohpa châta phahnai a ngiah ngaitapa ei châ tyh.

HMOTAOPAZY 23:1

Pawla ta ryureituhpazy cha a mo tawpâ ta, ama hnohta, “Unawh saih u, chhie nata pha pahnona hmâpa ta, tanoh taihta Khazohpa mohmô ta a phapa ta ei hroh lymâ,” tah ta.

HMOTAOPAZY 24:14

Châhrasala he bie he na hnohta ei phuah aw. Âmo ta py ama tahpa Lâpi zyhna siezie hawhta miah pathlatuhpazy Khazohpa a chhypa châ na ta, ryhpa nata hrohsopazy châbu liata ropa zydua a ngiapâtuhpa ei châ.

HMOTAOPAZY 24:16

Chavâta Khazohpa nata chyhsapa lâta chhie nata pha pahnona pathaihpa hnei awpa khâ ei chhuah tyh.

HMOTAOPAZY 26:4

“Ei thyutlia tawhta ei chiheihzy hry liata nata Zerusale liata ei hroziezy cha, Zu chyhsa zydua ta âthaona tawhta ama pahno.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

RAWMA 9:1

Krista liata biehmeiseihpa ei reih, haih va na. Ei chhie nata pha pahnona ta Thlahpa Pathaihpa liata eina pahnokhei.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

KALATIA 1:14

Zuzy zyhna kyh liata, ei chiheihzy hry liata ei richâhkha hluhpizy hlâta hmasie viapa châ na ta, nâ pathlatuhpazy taozietyhpa châta phahnai a ngiah ngaitapa ei châ.

EPHESI 1:16

ei thlahchhânazy liata nama moh reipa ta, nâmo châta alyna bie rei bâh va na.

1 THYSALAWNIKA 3:10

Nama hmia hmô heih ta, ngiapâna liata namâ phahlanazy cha pazao awpa ta, chhô nah zâ ta phahnai khoh ngaitapa ta thlah eima chhâ lymâ.

1 TIMAWTHY 1:19

Ngiapâna nata chhie nata pha pahnona pathaihpa khâchâ patu mah y. Chyhsa thokha ta chazy cha dytha ei ta, balyh raopa hawhta, amâ ngiapâna ama parao haw.

1 TIMAWTHY 1:5

Kha hawhta bie eima cha piena chhâpa cha, palôh pathaihpa, chhie nata pha pahnona pathaihpa nata ngiapâna hmeiseihpa tawhta a vaw puapa kyhpachâna ama hnei thei nawpa ta a châ.

1 TIMAWTHY 5:5

Nôhmei hmeiseihpa, ano dei ta a ypa cha, Khazohpa chô liata hnabeiseihna a sohpa châ ta, chhô nah zâ ta hiapa nata thlahchhâpa ta a y tyh.

2 TIMAWTHY 1:5

Ngiapâna hmeiseihpa a hneipa na châzie ei pahno. Cha ngiapâna cha na manô Lôisi liata y tua ta, na nô Unisi liata y heih ta, tahmâ nâma liata chhao a y tahpa a siapa ta ei pahno.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

HEBRAI 13:8

Zisu Krista cha zâhia nata tanoh nata chhâzaw ta a ualua ta a y thlâhpa a châ.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.