2 TIMAWTHY 1:12 - Mara Bible RV (BSI)

¹² Cha vâna chata he hmozy chhao he pasa ei tao. Châhrasala ei noza vei. Ei ngiapâpa cha pahno na ta, ano ei pavaosapazy cha, cha noh châta â bohpa ta a vaih thei tahpa a siapa ta ei pahno.

2 TIMAWTHY 1:12 ပူးပေါင်းရင်းမြစ်များ

HLAZY 25:2

Hy ei Khazohpa, nâ ei cha ngâ. Maophyuhpa ta na paysa leipa la, Ei chariahpazy ta eina pahnie awpa ei pasaih khah y.

HLAZY 31:5

Na ku liata ei thlahpa cha pavaosa na ta, Hy Abeipa, Khazoh ngâchhihpa y, Nâ ta eina chatlai ha chi.

HLAZY 56:9

Ei cha padona noh liata, Ei chariahpazy hnôh a sy aw ei ta, Khazohpa cha ei chhâh a châ tahpa ei pahno aw.

HLAZY 9:10

Na moh a pahnopazy ta châ ngâchhâ ei ta, Hy Abeipa, nâ cha châ tluatuhpazy a heihsai beih va chi.

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 50:7

Châhrasala Abeipa Zehôvâh ta na bao ta, Chavâta nohzaopa ta y va na. Chavâta pachielô hawhta ei hmia pachâ na ta, Maophyuh aw va na tahpa ei pahno.

ISAI 54:4

“Chi khah y, Maophyuh khao aw va chi; Na no za khah sy, Hmiachhiepa ta y khao aw va chi. Na thyutlia nota na maophyuhna kha my aw chi ta, Na nôhmeina moh chhiena a thei khao aw va chi.

NÂHU 1:7

Abeipa cha pha ta, Nôpona noh ta thokhy a châ; Ano liata chhaipazy a pahno ei.

MATHAI 12:21

Ano moh liata Zenitaizy ama hnabei a seih aw,” tahpa ta a reipa a vaw tlô thei nawpa ta a châ.

MATHAI 24:36

“Châhrasala cha noh nata dawh cha, Paw dei leipa ta cha ahy hmahta pahno veih ei. Vârâh liata vâlyuhchâpazy chhao ta pahno leipa ei ta, Sawchapawpa chhao ta pahno vei.

MATHAI 7:22

Cha noh liata chyhsa hluhpi ta ei hnohta, ‘Abeipa, Abeipa, na moh ta hrohsona bie phuah ma pi ma, na moh ta ahripazy papua ma pi ma, na moh ta hmonoâhpa hluhpi tao ma pi ma?’ ama tah aw.

LUKA 10:12

Ei cha chho ei, cha noh liata, cha khih pasa tao awpa hlâta Sawdawmâ khih pasa tao awpa a zie a y via aw.

LUKA 23:46

Zisu cha ao paro ngaitapa ta awh ta, “Ei Paw, na ku liata ei thlahpa ei cha pavaosa!” tah ta. Cha bie cha a rei khai nahta, a thlahpa pathlie ha ta.

ZAWHÂNA 17:15

Âmo cha khizaw tawhta la awpa ta châ haw va na, moleipa tawhta hrôbieh awpa ta ei châ haw.

ZAWHÂNA 6:44

Nâ tuahtuhpa Paw ta a sy vei khiahta la, ahy hmah kei lâ a vy thei aw veih ei. Kei lâ a vypa cha noh chhâna noh liata ei pathyu aw.

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

HMOTAOPAZY 13:50

Zuzy ta chanô zachhihpa Khazohpa pachâpazy nata khih machâzy pasyu ei ta, Pawla nata Bânabâ cha pataolasa ei ta, ama râh tawhta papua ei ta.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

HMOTAOPAZY 7:59

Alô ta ama vaw hai nota, Stiphana cha awh ta, “Abeipa Zisu, ei thlahpa vaw dy mah y,” tah ta.

HMOTAOPAZY 9:16

Ei moh vâta riethei khatlu ta ma a tao aw tahpa ei pahmôsa aw,” tah ta.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 9:33

“Pachâ teh, Zaio liata achapiana lô soh na ta, Moleina lôpanô ei soh; Ahy rai ano a ngiapâpa cha, Maophyuh aw vei,” tahpa ta ropa hawhta.

1 KAWRINI 1:8

Eima Beipa Zisu Krista noh liata, seina hnei leipa ta nama y thei nawpa ta, ano ta a chhâna taihta tha a cha patlô aw ei.

1 KAWRINI 3:13

mei ta pasia aw ta, Noh ta a palâhâh awpa vâta, o sapazy cha ama châna dopa â vaw lâ chyu aw. Kheihta ma ama hria tahpa mei ta a pasia aw.

PHILIPI 1:20

Maophyuhpa ta y leipa aw na ta, ei pôhpa liata Krista palyupalihpa ta a y tyhpa hawhta, thina ta tlyma, hrona ta tlyma, Krista cha ei pôhpa liata palyupalihpa ta a y aw tahpa cha, tahmâ chhao riahpha ngaitapa ta ei saduthliepa nata ei hnabeiseihpa a châ.

PHILIPI 3:10

Chatanachata Krista nata a thyuheihna hmotaotheina cha pahno aw na ta, a rietheitaona liata a hlao hrapa ta, a thina liata ano hawhta thi hrapa ta,

PHILIPI 3:21

Ato ano rei sai ta a paysa theipa Krista ta eima pôhpa nawh ngaitapazy he ano pôhpa rônahpa hawhta y awpa ta, a hmotaotheina hmâpa ta a taopathi aw.

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

1 THYSALAWNIKA 2:16

Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.

1 THYSALAWNIKA 5:4

Châhrasala unawh saih u, cha noh liata parutuhpa hawhta pachhai awpa ta, nâmo la zohna liata y veih ei chi.

1 TIMAWTHY 6:20

Hy Timawthy, na mohôh awpa ta nâ liata pavaosapa kha a phapa ta vaih mah y. Â doleipa ta “pahnona” ama tahpa Khazohpa a hlao leipa bie sisaw leipa reipa nata saizie a lyu leipa hmozy liata aeichhianazy a hneisai tyh mah y.

2 TIMAWTHY 1:14

Keimo liata a pahrâpa Thlahpa Pathaihpa hmâpa ta, na hnohta pavaosapa hmo phapa kha vaih mah y.

2 TIMAWTHY 1:16

Abeipa ta Ônesiphôrâ chhôhkhazy hnohta zawngiahna pie mawh sy. Ano cha ei hro na pathieh heih tyh ta, ei bâlia a kypazy he na zakhei vei.

2 TIMAWTHY 1:18

Ephesi khih liata kyh to liata eina chakaozie chhao kha a siapa ta nama pahno. Cha noh liata Abeipa tawhta zawngiahna hmô awpa ta, Abeipa ta ano cha pasai mawh sy!

2 TIMAWTHY 1:8

Chavâta eima Beipa bie pahnotuhpa châpa cha zakhei khah y. Kei ano vâta atâhpa chhao he na zakhei hra leipa la, Khazohpa hmotaotheina ta thâtihpha châta pasa tlao na taokhei mah y.

2 TIMAWTHY 2:9

Cha thâtihpha vâna chata pasa tao na ta, moleipa hawhta bâlia ta chahrypa ei châ. Châhrasala Khazohpa bie cha chahry theipa châ vei.

2 TIMAWTHY 4:8

Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

TITU 3:8

Khazohpa a ngiapâpazy cha hmo pha taona liata a hmâh lymâ mawh ei sy, tahpa bie cha ngâ tlâhpa châ ta, cha bie cha na reih lymâ awpa ei khoh. Cha cha hmo phapa châ ta, chyhsazy ta amâ thôkhei aw.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 2:18

Ano tlai ta reipasaona a tyh ta, pasa a vaw tao hapa vâta, reipasaona a tyhpazy a bao thei ei.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.

1 PITY 4:16

Krizyhpa a châpa vâta pasa a taopa cha, a noza leipa sala, Krista moh ta Khazohpa tlao palyupalih mawh sy.

1 PITY 4:19

Chavâta Khazohpa khozie hawhta pasa a taopazy cha, hmo pha taona chôta, Taotuhpa ngâchhihpa liata ama thlahpa pavaosa mawh ei sy.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,