2 THYSALAWNIKA 3:6 - Mara Bible RV (BSI)

⁶ Unawh saih u, keimo tawhta pachuna bie nama daopa hawhta y leipa ta, thathipa ta a ypa unawh tawhta a panano awpa ta eima Beipa Zisu Krista moh ta bie eima cha pie.

2 THYSALAWNIKA 3:6 ပူးပေါင်းရင်းမြစ်များ

MATHAI 18:17

Âmo chhao cha a nathlie khoh vei khiahta cha, Awnanopa chho mah y. Awnanopa chhao taihta a nathlie khoh vei khiahta cha, ano cha na châta Zenitai nata chhiekheituhpa hawhta pachâ mah y.

RAWMA 16:17

Unawh saih u, biezyhpa eima cha pachupa chakhiapa ta, achhaihna taopa ta, paona châ sokhâhtuhpazy tawhta a vaih awpa ta ei châ haw ei. Âmo cha a kâsai teh u.

1 KAWRINI 11:2

Ato liata nâ thei ei chi ta, pachuna ei cha piepazy nama zyh lymâpa vâta ei cha reithai ei.

1 KAWRINI 5:4

Eima Beipa Zisu moh ta namâ pakhy tita, eima Beipa Zisu hmotaotheina ta, ei thlahpa chhao nama hnohta â hlao tyh hra.

1 KAWRINI 5:9

Ei châpaphaopa liana khata apatlana moleina a taopazy a pahlao lei awpa ta ei roh haw.

2 KAWRINI 2:10

Namâ ngiahthaipa maih kei chhao ei ngiahthai hra aw. Ei ngiahthai khiahta cha, nâmo vâta Krista hmiakô liata ei ngiahthaipa a châ.

EPHESI 4:17

He he Abeipa liata reih na ta, ei cha chho ei: Pachâna hraoleipa a hneipa Zenitaizy hawhta nama y khao awpa châ vei.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

1 THYSALAWNIKA 4:11

Eima cha chho hapa hawhta, a chalihpa ta hro a chhuah u la, nama rai chyu hriapa ta, nama ku tlai ta hria a chhuah teh u.

1 THYSALAWNIKA 5:14

Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.

2 THYSALAWNIKA 2:15

Chavâta unawh saih u, â ipa ta a duah u la, biereipa ta tlyma, châpaphaopa ta tlyma, hrozie awpa eima cha pachupa zydua kha khâchâ patu ha muh vy.

2 THYSALAWNIKA 3:7

Nama hnohta eima y nona kha, thathipa ta y beih ma pi. Chavâta eima hâ miah namâ lanazie awpa cha nâmo tlai ta nama pahno.

1 TIMAWTHY 5:21

He ryhpazy he thailei pachâsa chhieliena y leipa ta, khokhei eih viapa hnei hra leipa ta hmâh awpa ta, Khazohpa nata Krista Zisu nata vâlyuhchâpa atlyhpazy mohmô liata bie ei cha pie.

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.

2 TIMAWTHY 3:5

Khazohpa chyhsa hawhta a lâ aw ei ta, châhrasala a hmotaotheina deikua zo aw veih ei. Cha hawhpa chyhsazy cha a heihsai mah y.

2 TIMAWTHY 4:1

Khazohpa nata Krista Zisu, ahrohpa nata athihpa a pachiatuh awpa mohmô liata, â vaw luahna nata a khinarâh reipa ta bie ei cha pie.

2 ZAWHÂNA 1:10

Ahy rai Krista pachuna bie a phao leipa ta nâmo lâ â vy khiahta cha, nama o liata patlôsa leipa u la, reikah phapa chhao hlâ khuh vy.