2 THYSALAWNIKA 3:5 - Mara Bible RV (BSI)

⁵ Abeipa ta Khazohpa kyhpachâna nata Krista daotheina lâta nama palôhzy cha chhihtha mawh ei sy.

2 THYSALAWNIKA 3:5 ပူးပေါင်းရင်းမြစ်များ

1 ABEIZY 8:58

Chatanachata miah pathlatuhpazy bie a vaw pie hapa hawhta, a biepiepazy, a bieraopazy nata a ryureinazy zyh ta, a lâpi zydua a chhih awpa ta, eima palôh ano lâta a paheisa thei aw.

1 THÂTIHZYRONA 29:18

Hy Abeipa, miah pathlatuhpa Abarahâ, Aisika nata Izarei Khazohpa y, he hawhpa achhuahnazy nata pachânazy he na phopi palôh liata khâ paysa la, ama pathipalôhzy nâ lâ khâ paheisa mah y.

HLAZY 119:36

Ei palôh he keimasasyh athôhna lâta paheisa leipa la, Na biepiepazy lâta tlao paheisa mah y.

HLAZY 119:5

Na bieraopazy zyh awpa ta, Ei hroziezy a i sala ei tah kaw dia!

HLAZY 40:1

Abeipa cha hâ hualua na ta, Kei lâta a nah pachôh ta ei awna a thei.

BIESOZY 3:6

Na lâpi zydua ano pahnosa lymâ la, Na lâpizy a patlâsa lymâ aw.

ZEREMIAH 10:23

Hy Abeipa, chyhsapa hrona he, Ano chyhsapa eih châ vei tahpa ei pahno; A siena lâpi liata chhao, Anosasyh ta a chhihtha thei vei tahpa ei pahno.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

CHAPHÔHTUNA 3:26

Abeipa pachhana hmô awpa ta, A chalihpa ta hâpa cha hmo phapa a châ.

RAWMA 5:5

Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

RAWMA 8:25

Eima hmô leipa eima hnabei a seih khiahta deikua cha, palôh pasi kawpa ta eima hâ lylia tyh.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

1 KAWRINI 8:3

Khazohpa kyh a pachâpa deikua cha, Khazohpa ta ano cha a pahno.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

RYHPACHANEINA 30:6

Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

1 THYSALAWNIKA 3:11

Eima Paw Khazohpa nata eima Beipa Zisu ta nâmo lâ eimâ vy thei nawpa lâpi miah taopa mawh sy.

2 TIMAWTHY 4:8

Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

1 PITY 4:1

Krista cha sapa ta pasa a taopa a châpa vâta, nâmo chhao, cha hawhpa pachâna chata a tobi hra teh u. Sapa ta pasa a tao hapa cha moleina a bâhsaipa a châ.

2 PITY 3:12

Cha hawhta yna chôta Khazohpa Noh cha hâ aw ei chi ta, a vaw tlô nawpa daihti nama chatliesa aw. Cha Noh a vaw tlôpa chata avâzy khi kâpa ta pahleipadia aw ta, avâ liata a ypazy cha mei ta a pazao khai aw.

1 ZAWHÂNA 4:19

Ano ta kyh miah a pachâ tuapa vâta a kyh eima pachâ hra.

BIEPHUAH 1:9

Kei, Zawhâna, nama unawhpa nata Zisu liata rietheina nata khinarâh nata tao hualuana kyh liata châ taokheituhpa ei he, Khazohpa bie nata Zisu pahnokheina bie vâta Pâtamô liahpahlô ama tahpa liata y na ta.

BIEPHUAH 13:10

Seichâna lâ a sie awpa chyhsa cha, Seichâna lâ sie aw ta; Zaozi ta thie awpa chyhsa cha, Zaozi ta thiepa a châ aw. Cha chata mopathaihpazy cha tao hualuana nata ngiapâna hnei awpa a byuhzie a palâsa.