2 THYSALAWNIKA 3:2 - Mara Bible RV (BSI)

² Chyhsa zydua ngiapâtuhpa ama châ khai leipa vâta, chyhsa chhorupa nata moleipazy tawhta eimâ boh thei nawpa ta thlah miah chhâpa hra muh vy.

2 THYSALAWNIKA 3:2 ပူးပေါင်းရင်းမြစ်များ

MATHAI 17:17

Zisu ta a chhy ta, ama hnohta, “Hy ngiapâleipa nata chhorupa chhâ saih u, khachâ ma nama hnohta ei y aw? Khachâ ma ei cha pachâ thai aw ei? Kei lâ a vaw chhi teh u,” tah ta.

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

LUKA 18:8

Ei cha chho ei, ama châta hmo dopa thlai a taopa aw ei. Anodeikua cha Chyhsa Sawchapawpa â vy tita, khizaw liana he ngiapâna a vaw hmô aw tly ma?” tah ta.

HMOTAOPAZY 13:45

Zuzy ta zawpizy cha ama hmô nahta, hiatliana ta bie ei ta, Pawla bie reipa cha chakhiapa ta, reipachhie ei ta.

HMOTAOPAZY 13:50

Zuzy ta chanô zachhihpa Khazohpa pachâpazy nata khih machâzy pasyu ei ta, Pawla nata Bânabâ cha pataolasa ei ta, ama râh tawhta papua ei ta.

HMOTAOPAZY 14:2

Ngiapâ khoh leipa Zuzy ta Zenitaizy pasyu ei ta, unawhzy cha pahaosa ei ta.

HMOTAOPAZY 17:5

Zuzy deikua cha ama hiatlia ta, sôhdaohna su liata moleipa thathipazy pakhy ei ta, zawpi pahmaohpa ta khihpi zydua patypamâ ei ta. Lyuhchâpazy cha zawpi lâ a chhi a chhuahpa ta, Zasaw o liata a ngiahnao ei ta.

HMOTAOPAZY 25:27

Atâhpa paphao tlôh ta, biepeipa a hneipa palâsa leipa cha, yzie a hneipa ta pahno leipa na ta,” tah ta.

HMOTAOPAZY 28:24

A bie reipa ta thokha cha pahnie ta, ahropazy deikua ta zo leipa ei ta.

RAWMA 10:16

Isai ta, “Abeipa, eima bie reipa ahy ma a ngiapâ?” a tahpa hawhta, thâtihpha cha ama zydua ta zyh khai veih ei.

RAWMA 15:31

Zudia râh liata ngiapâleipazy tawhta ei boh thei nawpa nata Zerusale liata ei chakaona cha mopathaihpazy châta a pyh tlâh a châ thei nawpa ta thlah na chhâkhei teh u.

1 KAWRINI 15:32

Chyhsapa lâ tawhta reipa ta la, Ephesi khih liata sahrâhpazy nata eimâ tupa kha, ei châta khâpa a phahnai aw? Athihpazy pathyupa ama châ vei khiahta cha, “Mylâ thi tlôh aw pi ta, Chavâta nie sih la, doh suh u.”

RYHPACHANEINA 32:20

Chavâta Abeipa ta, ‘Ei hmia nyusai aw ei na ta, Ama chhâna ei moh tua aw. Chhâ moleipa châ ei ta, Ngâchhih leipa sawzy ama châ.

1 THYSALAWNIKA 2:18

Nâmo lâ a vy awpa khoh kaw pi ta, kei, Pawla tlai chhao he a chhuah tyh na ta, châhrasala Sâtâ ta miah a pakhâ ha tyh.

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.