2 THYSALAWNIKA 3:15 - Mara Bible RV (BSI)

¹⁵ Khakhaipa hawhta deikua moh leipa u la, unawh hawhta zikyu a râ muh vy.

2 THYSALAWNIKA 3:15 ပူးပေါင်းရင်းမြစ်များ

HLAZY 141:5

Mosiapa ta cha na tu mawh sy, Cha cha eina khokheipa vâta a châ; Na chhorei mawh sy, Ei luh châta sathaw châ ta, Ei luh ta dytha khah sy. Chatanachôta hmo moleipa ama taopazy a dyuh na ta, Thlah ei chhâ lymâ.

BIESOZY 25:12

Ngôh rahy nata ngôh suapa atobina kho â chhihpa hawhta, Chyhsa sopa chhoreina chhao, Reingiahpa nakhaoh liata kho â chhih.

BIESOZY 9:9

Chyhsa sopa cha pachu la, So via rili aw ta; Chyhsa siapa chhao na pachu khiahta cha, A thaina a pôh rili aw.

MATHAI 18:15

“Na unawhpa ta na chô liata hmo a parao khiahta cha, ano lâ charei la, ano nata nâma deita pahnopa ta â do leina cha chho mah y. A cha nathlie khiahta cha, na unawhpa cha na pahnie hapa a châ.

1 KAWRINI 4:14

Nama noza nawpa ta he biezy he ei ropa châ vei, ei saw kho ngaitapazy hawhta cha chhorei nawpa ei ta ei ropa a châ.

1 KAWRINI 5:5

Cha chyhsa cha, Abeipa Noh liata a thlahpa pachhapa a châ nawpa ta, a sapa cha pahleipadia awpa ta Sâtâ hnohta pie muh vy.

2 KAWRINI 10:8

Nama rao nawpa châ leipa ta, nâmo taopathi nawpa ta Abeipa ta biehneina eina piepa he ei palaikhei pathlei hapa chhao ta, ei noza aw vei.

2 KAWRINI 13:10

Cha vâna chata nama hnohta ei y vei nota, he biezy he ei ropa a châ. Chatanachata ei vy tita, Abeipa ta biehneina eina piepa ei hmâna kyh liata, pasa kawpa ta hmâh leipa ta ei y thei aw. Parao nawpa châta châ leipa ta, padua nawpa châta Abeipa ta biehneina eina pie.

KALATIA 6:1

Unawh saih u, chyhsa ta moleina a tao hai nota pachhaipa a châ khiahta cha, nâmo, thlahpa chyhsazy ta nônai kawpa ta paduapathi heih teh u. A vaih teh u, chataleipatala nâmo chhao reipasaopa ta nama y pathlei aw.

1 THYSALAWNIKA 5:14

Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.

2 THYSALAWNIKA 3:13

Unawh saih u, nâmo deikua cha, hmo pha tao ai khuh vy.

2 THYSALAWNIKA 3:6

Unawh saih u, keimo tawhta pachuna bie nama daopa hawhta y leipa ta, thathipa ta a ypa unawh tawhta a panano awpa ta eima Beipa Zisu Krista moh ta bie eima cha pie.

TITU 3:10

Achhaihna a papuatuhpa cha, ei kha ei no zikyu a râ la, a ro khoh vei khiahta cha, ano nata azaona khâpa hmah hnei khao khah y.