2 THYSALAWNIKA 2:2 - Mara Bible RV (BSI)

² Abeipa Noh cha a vaw tlô ha na, tahpa ta thlahpa ta reipa tlyma, bie ta reipa tlyma, keimo tawhta châpaphaopa hawhta reipa tlyma a y khiahta cha, nama palôh thlai a chalyu leipa sala, nama thlazoh hra khah sy.

2 THYSALAWNIKA 2:2 ပူးပေါင်းရင်းမြစ်များ

ISAI 26:3

Hy Abeipa, a palôh nâ liata a sohpa cha, Nâ a cha ngâpa vâta, Vaih chi ta thlalôhpa ta na paysa tyh.

ISAI 7:2

Aramia ta Epharai nata azaona a taopa kyh Dâvi pathlazy ama chho nahta, Ahâza nata a chyhsazy palôh cha lyurâhpa thokôzy thlih ta a chalyupa hawhta a chalyu ta.

MIKÂ 2:11

Chyhsa ta a khiekhâpa ta, Ziza nata haipa biezy reih sala, “Kresawhti nata sahma kyh ei cha chho aw ei,” A tah khiahta cha, Cha phopi hrohsopa a châ aw.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

MÂKA 13:7

Adyuhnazy nata adyuhna bie pathâhpazy nama thei tita, nôpopa ta y khuh vy. Chazy cha a vaw tlô awpa rai a châ, châhrasala chhâna la châ mâh vei.

LUKA 21:19

Riethei nama tao hualuana ta nama hrona nama pabohsa aw.

LUKA 21:9

Adyuhna nata tyhreihna kyhzy nama thei tita, chi khuh vy. Chazy cha a tlô tua awpa rai a châ, chhâna deikua thlai tlô mâh aw vei,” tah ta.

ZAWHÂNA 14:1

“Nama pathipalôh nôpo khah sy. Khazohpa namâ ngiapâ na, kei chhao nâ ngiapâ hra teh u.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

1 KAWRINI 1:8

Eima Beipa Zisu Krista noh liata, seina hnei leipa ta nama y thei nawpa ta, ano ta a chhâna taihta tha a cha patlô aw ei.

1 KAWRINI 14:32

Hrohsopazy thlahpa cha hrohsopazy biehneina ry liata a y.

1 KAWRINI 7:26

Tahmâhlâ riethei rairuna vâta, chyhsa to ama y ualua ta ypa pha ei tah.

EPHESI 5:6

Ahy hmahta hraoleipa bie ta cha dôvei khah ei sy. Cha hmozy vâna chata Khazohpa pathiiana cha ngiapâleipa sawzy chô liata a tlô tyh.

1 THYSALAWNIKA 3:3

Pasa taonazy vâna heta ahy hmah a chalyu khuh vy. He hawhta pasa tao awpa ta raopa eima châ tahpa nâmo chhao ta nama pahno.

1 THYSALAWNIKA 4:15

Cha cha Abeipa bie tawhta nama hnohta eima reipa kha a châ. Keimo Abeipa â vyna taihta ahrohpa ta a ypazy pi heta, a môpazy cha chhao cheita aw ma pi.

1 THYSALAWNIKA 5:2

Abeipa Noh cha zâ ta parutuhpa hawhta a vaw tlô aw tahpa nâmo tlai ta a sia kawpa ta nama pahno.

2 THYSALAWNIKA 2:15

Chavâta unawh saih u, â ipa ta a duah u la, biereipa ta tlyma, châpaphaopa ta tlyma, hrozie awpa eima cha pachupa zydua kha khâchâ patu ha muh vy.

2 THYSALAWNIKA 3:17

Kei, Pawla ta, keima ku tlai ta, he anaohna châ he ei ropa a châ. He he ei châpaphaopa to liata ngiana châ ta, he he ei ro tyhzie a châ.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.