2 THYSALAWNIKA 2:13 - Mara Bible RV (BSI)

¹³ Abeipa kyhpachâpa unawh kho ngaitapa saih u, Thlahpa Pathaihpa pathaisana nata biehmeiseihpa ngiapâna vâta pachha châna liata thei hmiatuapazy châ awpa ta, Khazohpa ta â tlyhpa nama châpa vâta, nâmo vâta Khazohpa lâ alyna bie khâ a reih awpa eima châ.

2 THYSALAWNIKA 2:13 ပူးပေါင်းရင်းမြစ်များ

ÂTHAONA 1:1

Âthaona liata Khazohpa ta alei nata avâ tao ta.

2 SAMUELA 12:25

Hrohsopa Nâthâ hnohta Abeipa bie vaw tlô ta, “Abeipa vâta a châ” tahpa ta, hrohsopa Nâthâ ta a moh Zedidiah a bi.

BIESOZY 8:23

Tlyzaw ta a ypa châ na ta, Leilô y hlâta taopa châ na ta, Tao tuachaipa ei châ.

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

DÂNIAH 10:11

Ano ta ei hnohta, “Hy Dâniah, chyhsa pasâhsa a chhih ngaitapa y, na hnohta bie ei rei awpazy he pakhâta ta pachâ mah y; a kaw duah teh, na hnohta tuapa ei châ hih,” tah ta. He bie he ei hnohta a reih khai nahta, a chalyuna chôta a kaw duah na ta.

DÂNIAH 10:19

Ano ta ei hnohta, “Hy chyhsa pasâhsa a chhih ngaitapa y, chi kha, thlalôhna na hnohta y mawh sy. Thatlôpa ta y la, riahphapa ta y teh,” na tah ta. Ei hnohta bie a rei khai nahta, thapatlôpa ta vaw y ha na ta, a hnohta, “Ei zibeipa ta bie reih mawh sy, tha eina patlô ha chi,” tah na ta.

DÂNIAH 9:23

Thlahchhâ nâ thaopa nah kha ta, bie pua ha ta, cha kyh cha cha chho awpa ta ei vy, pasâhsa a chhih ngaitapa na châpa vâta. Chavâta bie he pachâ la, aluahna cha pahno mah y.

LUKA 1:75

Chavâta chi leipa ta ano chakao aw pi ta, Eima hro chhôh zydua ta, Pathaihpa nata siapa ta a hmiakô liata eima y thei aw.

ZAWHÂNA 1:1

Âthaona liata Bie y ta, Bie cha Khazohpa hnohta y ta, Bie cha Khazohpa a châ.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

HMOTAOPAZY 13:48

Cha biezy cha Zenitaizy ta ama thei nahta, a ly ngaita ei ta, Khazohpa bie cha parônahsa ei ta; chhâzaw hrona hnei awpa ta raopa hluhpizy cha a ngiapâ ha ei ta.

HMOTAOPAZY 15:9

Keimo nata âmo likah panano leipa ta, ngiapâna ta ama pathipalôh a pathaisa ha ei.

RAWMA 6:17

Châhrasala Khazohpa cha reithaipa ta y mawh sy! Nâmo, eikhano ta moleina sei a châ tyhpazy chi kha, ama pachunazy palôh hmeiseihpa ta a zyhtuhpazy nama vaw châ haw.

RAWMA 8:33

Khazohpa a tlyhpazy cha ahy a leih aw? Thai pachâsatuhpa cha Khazohpa châ tlôh ta.

RAWMA 9:11

hawsaihzy ama pi hlâta, hmo phapa tlyma, hmo chhiepa tlyma ama tao hlâta, hmotaopa vâta châ leipa ta, atlyhna kyh liata Khazohpa hmochhuahpa cha a sie pazao lymâ thei nawpa ta,

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

KALATIA 3:1

Hy Kalatia mo ahrupa saih u! Ahy ma châ dyu ei? Nama mohmô lia tlai ta, Zisu Krista cha khaipâpa ta a ypa a siapa ta palâsapa a châ.

EPHESI 2:8

Ngiachhiena vâta ngiapâna ta pachhapa nama châ. Cha chhao cha nâmo tawhta a puapa châ leipa ta, Khazohpa hmosaipiepa a châ.

RYHPACHANEINA 33:12

Benzami châta byhnâ awna: “Abeipa kho ngaitapa cha, A hnohta â bohpa ta pahrâ mawh sy; Abeipa ta noh y ta vaih sala, A ngiatlâhzy likawh liata pahrâ mawh sy.”

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

KAOLAOSÂ 3:12

Chavâta Khazohpa chyhsa atlyhpa, mopathaihpa nata kho ngaitapazy nama châpa hawhta, thapasana palôh, nôphana, areisina, nônaina nata daotheina zy ta a tobi teh u.

1 THYSALAWNIKA 1:4

Unawh kyhpachâ ngaitapa saih u, Khazohpa ta a châ tlyh ei tahpa eima pahno.

1 THYSALAWNIKA 2:12

A khinarâh nata a rônahna lâta nâmo châ awtuhpa Khazohpa chyhsa tlâh nama châ thei nawpa ta, cha pasyu pi ta, nama tha cha patlô pi ta, bie eima cha pie.

1 THYSALAWNIKA 4:7

Apuapa ta y awpa ta Khazohpa ta miah aw leipa ta, pathaih awpa ta miah a aw.

1 THYSALAWNIKA 5:9

Khazohpa ta hiehâhna pasa tao awpa ta miah rao leipa ta, eima Beipa Zisu Krista zawhzi ta pachhana hmô awpa ta tlao miah a rao.

2 THYSALAWNIKA 1:3

Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

2 THYSALAWNIKA 2:10

Leidia haipazy cha pachha châ nawpa biehmeiseihpa khoh leipa ta ama dythapa vâta, ryhpa paraotuhpa cha dôveina pha leipa to chhaota âmo lâ â vy aw.

2 THYSALAWNIKA 2:12

Chatanachata biehmeiseihpa zo leipa ta, sialeina liata a lypa zydua cha, thailei pachâsapa ama châ khai aw.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

2 TIMAWTHY 2:15

Biehmeiseihpa â do ngaitapa ta a siekheipa raihriatuhpa cha, noza awpa a châ leipa hawhta, a pyh tlâhpa ta Khazohpa hmiakô liata nâ duah thei nawpa ta, na theina zydua papua mah y.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

HEBRAI 1:10

“Hy Abeipa, nâ cha Âthaona liata leilô abôna a bôtuhpa châ chi ta, Avâzy khi na kuzô a châ.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

1 ZAWHÂNA 4:10

He he kyhpachâna cha a châ: Keimo ta Khazohpa kyh eima pachâpa vâta châ leipa ta, ano ta kyh miah pachâ ta, eima moleinazy reihpha chei nawpa ta a Sawchapawpa a vaw tuapa hih.

1 ZAWHÂNA 4:19

Ano ta kyh miah a pachâ tuapa vâta a kyh eima pachâ hra.