2 THYSALAWNIKA 2:1 - Mara Bible RV (BSI)

¹ Unawh saih u, eima Beipa Zisu Krista avyna nata a hnohta lapakhypa ta eima y nawpa kyh liata, nâmo lâta ahawna ei tao.

2 THYSALAWNIKA 2:1 ပူးပေါင်းရင်းမြစ်များ

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 16:28

Hmeiseihta ta ei cha chho ei, he liata a duahpazy hry liana heta, Chyhsa Sawchapawpa he a khinarâh liata â zupa ama hmô hlâlei cha, thina a padi lei awpa ama y,” tah ta.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

MATHAI 25:32

a hmiakô liata phopi zydua a vypakhy aw ei ta, mietaku vaituhpa ta miezy hry tawhta mietakuzy a pahruapa hawhta, chyhsazy a pahrua aw ei.

MÂKA 13:27

A vâlyuhchâpazy tuah aw ta, â tlyhpazy cha kaokih miapalih tawhta, alei chy chhâna tawhta avâ chy chhâna taihta a pakhy aw.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

EPHESI 1:10

Chatanachata daihti â ki tita, hmo to, avâ liata a ypa nata alei liata a ypa zydua, Krista liata syhpahmaoh khaipa a châ aw.

1 THYSALAWNIKA 2:19

Eima Beipa Zisu â vy tita a hmiakô liata eima hnabeiseihna, eimâ lyna nata eima rônahna lakho a châ awpazy cha khâpa ma a châ aw? Nâmo châ veih ei chi ma?

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

2 THYSALAWNIKA 1:3

Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

2 TIMAWTHY 4:1

Khazohpa nata Krista Zisu, ahrohpa nata athihpa a pachiatuh awpa mohmô liata, â vaw luahna nata a khinarâh reipa ta bie ei cha pie.