2 THYSALAWNIKA 1:9 - Mara Bible RV (BSI)

⁹ Chhâzaw leidiana ta hriepa châ aw ei ta, Abeipa mohmô tawhta nata a thatlôna rônahpa tawhta papuapa ama châ aw.

2 THYSALAWNIKA 1:9 ပူးပေါင်းရင်းမြစ်များ

ÂTHAONA 3:8

Zâlâ noh nai râhsâ ta Zehôvâh Khazohpa cha sadô liata a chareipa pyu thei ei ta, Âdâh nata a lapinô cha sadô liata tho hry liata Zehôvâh Khazohpa cha a nyusai ei ta.

ÂTHAONA 4:16

Chatawhcha Kainâ cha Abeipa mohmô tawhta pua ta, Idâh nochhi lâta Nawdâ râh liata pahrâ ta.

ZAWBÂ 21:14

Khazohpa hnohta, ‘Miah siesai teh! Na lâpizy pahno khoh ma pi.

ZAWBÂ 22:17

Khazohpa hnohta, ‘Maniah siesai teh, Atotaotheipa ta eima chô liata khâpa ma a tao thei tly?’ tah ei ta.

HLAZY 16:11

Hrona lâpi na pahmôsa chi ta, Na yna liata lyna kipa y ta, Na ku chachâh lâta tlyzaw thaphana a y.

HLAZY 51:11

Na hmiakô tawhta na thy leipa la, Na Thlahpa Pathaihpa na lapa khah y.

ISAI 1:28

Hmoparaopazy nata moleipazy deikua cha, Hmaohkha ta pahleipadiapa châ aw ei ta, Abeipa a siesaipazy chhao ama leidia aw.

ISAI 2:10

Abeipa chichhihna nata â beina rônahna tawhta a râ u la, Lôpanô liata a ngia u la, Dohlei liata a nyu teh u.

ISAI 2:19

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 2:21

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

DÂNIAH 12:2

Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 22:13

Abei ta a chakaotuhpazy hnohta, ‘A ku nata phei chahry u la, khôtho lâ zohna liata thy teh u. Cha liata chana nata hâh chariehna a y aw,’ tah ta.

MATHAI 24:30

Chatawhcha Chyhsa Sawchapawpa ngiana avâ liata a vaw lâ aw ta, alei liata chi to mâchhiesapa ta y aw ei ta, Chyhsa Sawchapawpa cha hmotaotheina nata rônah ngaitapa ta vâ meihdo chô liata â zupa ama hmô aw.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 25:46

Chazy cha chhâzaw hriena lâ sie aw ei ta, mosiapazy deikua cha, chhâzaw hrona lâ ama sie aw,” tah ta.

MATHAI 26:24

Chyhsa Sawchapawpa he, a thâtih ropa hawh tlai ta a sie aw. Châhrasala Chyhsa Sawchapawpa a patusatuhpa chyhsa cha a hu a po na! Cha chyhsa cha pih leipa sala, a châta a pha via awpa tlai,” tah ta.

MATHAI 7:23

Cha tina chata ama hnohta, ‘Nâmo, moleina hmo a taopazy saih u, cha pahno beih veih ei na, na siesai teh u,’ ei tah aw ei.

LUKA 13:27

Châhrasala ano ta, ‘Ei cha chho ei, khataih tawhta a vypa ma nama châ, cha pahno veih ei na. Nâmo, hmo moleipa a taopa zydua saih u, kei tawhta sie syulyu ha teh u!’ a tah aw.

ZAWHÂNA 5:14

A noh hropa ta Zisu ta ano cha Achhyna o liata hmô ta, a hnohta, “Moh teh, na tlâh ha hih! Molei khao khah y. Chataleipatala hmopha lei viapa na chô liata a vaw tlô pathlei aw na,” tah ta.

RYHPACHANEINA 33:2

Hetana heta byhnâ a awpa ei: “Sinai tawhta Abeipa a vy ta, Seirâ tawhta noh hawhta vaw chhipa ta, Pârâ Tlâh tawhta a vaw khaih; Mopathaihpa thysâh hry tawhta a vy ta, A ku chachâh lâta mei paleih â chaba.

PHILIPI 3:19

Cha sahlao chhâna cha leidiana châ ta, ama khazoh cha ama py châ ta, ama rônahna cha ama maophyuhna a châ. Khizaw hmozy liata palôh a sohpa ama châ.

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

2 PITY 2:17

Cha chyhsazy cha ti a y leipa vahtiezy châ ei ta, thlihpipa ta a phao pahaipa ameihzy ama châ. Zohna chhakaluhpa nôpona cha âmo châta sopa a châ.

2 PITY 3:7

Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.

ZUDÂH 1:13

Tilaipi chatlaopa a pathluahpa, âmo maophyuhna buchaphy a papuapazy châ ei ta, awhsi viavipa, zoh kaluhpa liata chhâzaw ta a y awpazy ama châ.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

BIEPHUAH 20:14

Chatawhcha Thina nata Athihkhih cha mei tipo liata thypa châ ta. Cha mei tipo cha thina einona a châ.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.