2 THYSALAWNIKA 1:7 - Mara Bible RV (BSI)

⁷ Eima Beipa Zisu, a vâlyuhchâpa thatlôpazy chhaota meipaleih hry liata â vaw luah tita, keimo hawhta pasa a taopazy a cha pahâsa aw ei.

2 THYSALAWNIKA 1:7 ပူးပေါင်းရင်းမြစ်များ

PUASAINA 19:18

Abeipa ta Sinai Tlâh liata mei ta a za chôpa vâta, tlâh cha meikhuh ta pahly khai ha ta. Cha meikhuh cha patina meikhuh hawh tlai ta avâ lâ kiah ta, a tlâh duata thata a chalyu ta.

PUASAINA 3:2

Abeipa vâlyuhchâpa ta meipaleih ta a hnohta a vaw luah ta, meipaleih cha thobuh hry tawhta kaw pua ta, kei moh ta, thobuh liata meipaleih ia ta, a thobuh deikua cha kâ leipa ta.

ISAI 57:2

Thlalôhna liata â ngia hapa tlao a châ. Â dopa ta a hrohpazy cha, Ama rakhô liata thlalôhpa ta amâ zia tyh.

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.

EZEKIA 1:13

Amâ lânazie kyh liata, hmohrohneipazy cha lôiatheipa a kâ ngâpa tlyma, meirei tlyma ama lyu. Mei cha hmohrohneipazy hry liata vawh heih a vy heih tahpa ta y ta, mei cha khaih ngaita ta, mei tawhna chata dôhla a pathlie lymâ.

DÂNIAH 7:9

“Ei moh thlâh ha nota, Beidyuchhaizy vaw patyu ei ta, Hlôthlâhpa cha a dyuchhai liata a vaw tyuh ta; A chysia dâhaw hawhta ngyuh ta, A luh sâ chhao sahmi naipa hawhta a châ. A beidyuchhai cha meipaleih châ ta, A tiakizy chhao mei kâ ngâpa a châ.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 16:28

Hmeiseihta ta ei cha chho ei, he liata a duahpazy hry liana heta, Chyhsa Sawchapawpa he a khinarâh liata â zupa ama hmô hlâlei cha, thina a padi lei awpa ama y,” tah ta.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 26:64

Zisu ta a chhy ta, “Na reipa hawhta ei châ. Châhrasala ei cha chho ei, he tawhta la, Chyhsa Sawchapawpa he Atotaotheipa ku chachâh lâta a tyuhpa ta, vâ meihdo chô liata â vypa nama hmô aw,” tah ta.

MÂKA 14:62

Zisu ta, “Ei châ na, Chyhsa Sawchapawpa he Hmotaotheina chachâh lâta a tyuhpa ta, vâ meihdo hry liata â zupa nama hmô aw,” tah ta.

MÂKA 8:38

Ahy rai, he apheihmâhpa nata moleipa chhâ liana heta, kei nata ei biezy a zakheipa maih cha, Paw rônahna nata vâlyuhchâpa pathaihpazy chhaota Chyhsa Sawchapawpa â zu tita, ano cha a zakhei hra aw,” tah ta.

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.

LUKA 17:30

Chyhsa Sawchapawpa chaluahpa ta a yna noh liata chhao, cha hawhta a châ hra aw.

ZAWHÂNA 1:3

Ato zydua ano hmâpa ta taopa châ ta, hmotaopa zydua ano a hlao leipa ta khâpa hmah taopa y vei.

ZAWHÂNA 1:51

Chatawhcha a hnohta, “Hmeiseihta ta ei cha chho ei, avâ a pahypa hmô aw ei chi ta, Chyhsa Sawchapawpa chô liata Khazohpa vâlyuhchâpazy ama za chôpa nata ama kiapa nama hmô aw,” tah ta.

HMOTAOPAZY 1:11

Cha chyhsazy chata, “Kâlili mo saih u, khazia vârâh lâ mopa ta namâ duah thlâh haw? Zisu, nâmo tawhta vârâh lâ a chhipa ta a ypa kha, vârâh lâ a kiapa nama hmôpa hawhna heta â vy heih aw,” tah ei ta.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

RAWMA 8:17

Sawzy eima châ khiahta cha, ryutotuhpazy eima châ. Khazohpa ryu totuhpazy châ pi ta, Krista ryutolâhpazy eima châ. A hnohta riethei eima tao khiahta cha, a hnohta palyupalihpa ta eima y hra aw.

1 KAWRINI 3:13

mei ta pasia aw ta, Noh ta a palâhâh awpa vâta, o sapazy cha ama châna dopa â vaw lâ chyu aw. Kheihta ma ama hria tahpa mei ta a pasia aw.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

EPHESI 1:2

Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

KAOLAOSÂ 1:16

Ano ta ato tao ta, avâ liata a ypazy, alei liata a ypazy, hmô theipazy, hmô thei leipazy, beidyuchhaizy, biehneinazy, ryureituhpazy nata biehneituhpazy a tao. Ato ano vâta taopa châ ta, ano châta taopa a châ.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

2 TIMAWTHY 2:12

Pasa eima tao khiahta cha, A hnohta ryu eima reih hra aw; Ano eimâ paphasai khiahta cha, Ano chhao ta miah â paphasai hra aw;

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

HEBRAI 10:27

Ryureina rarôh ypa nata ano dyuhtuhpazy a kâ patlô awpa hiehâhna mei tlao a y aw.

HEBRAI 12:29

eima Khazohpa he a kâ patlô theipa mei châ tlôh ta.

HEBRAI 4:1

Chavâta â pahâna liata a ngia awpa bietai y thlâh ha tlôhpa ta, nama hry liata a ngia tlâh leipa nama y pathlei lei nawpa ta, chi ei suh u.

HEBRAI 4:11

Chavâta reingiah leina vâta ama paopa hawhna khata ahy hmah ama pao lei nawpa ta, cha apahâna liata a ngia awpa ta tei ei suh u.

HEBRAI 4:9

Chavâta Khazohpa phopi châta cha, a pahâ nawpa Pahânoh a y thlâh ha aw.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

2 PITY 3:7

Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 14:10

Khazohpa hiehâhna kresawhti patapa, a hiehâhna nyu liata khâpa hmah pahlao leipa ta patlaipa cha doh aw ei ta, vâlyuhchâpa pathaihpazy mohmô ta nata Mietakutaw mohmô liata mei nata kaih ta pasa pataosapa ama châ aw.

BIEPHUAH 14:13

Chatawhcha avâ tawhta ao ta, “Hetana heta roh teh: Tahmâ tawhta la, Abeipa liata athipazy ama nohlao aw,” a tahpa thei na ta. Thlahpa ta, “A châ na, ama hriapasanazy a pahâsai aw ei ta, ama hmotaopazy ta a zi aw ei!” tah ta.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

BIEPHUAH 21:4

Ama mo liata mothlih zydua a hru khai aw. Hmo parohpazy a lei hapa vâta, thina y khao leipa aw ta, mâchhiesana, chana nata pasana zy y khao aw vei,” tahpa ta a reipa thei na ta.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.

BIEPHUAH 22:6

Chatawhcha vâlyuhchâpa ta, “He biezy he ngâchhih ta â do. Abeipa, hrohsopazy thlahpa Khazohpa ta hmo thlai a vaw tlô awpazy cha a chakaotuhpazy pahmô awpa ta a vâlyuhchâpa a vaw tuah,” tahpa ta na chho ta.

BIEPHUAH 22:9

Châhrasala ano ta ei hnohta, “Khata tao khah y! Kei cha nâ nata na unawhpa hrohsopazy nata he châbu biezy a pyhtuhpazy chakaolâhpa mah ei châ tâh. Khazohpa tlao a chhy teh,” na tah ta.

BIEPHUAH 6:11

Ama hnohta poh diehpa pie chyu ei ta, ama chakaolâhpazy nata ama unawhzy âmo hawhta thie khaipa ama châ hlâlei, bohpi leipa chhôh a pahâ chy awpa ta chhopa ama châ.