2 THYSALAWNIKA 1:4 - Mara Bible RV (BSI)

⁴ Chavâta taolana namâ tyhna nata pasa nama taona zydua liata nama pachyuzie nata nama ngiapâna zy kha, Khazohpa Awnanopazy hry liata eima châ palaikhei kaw tyh.

2 THYSALAWNIKA 1:4 ပူးပေါင်းရင်းမြစ်များ

RAWMA 12:12

Hnabeiseihna liata a ly u la, rietheitaona liata tiama u la, thlahchhâ lylia muh vy.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

RAWMA 8:25

Eima hmô leipa eima hnabei a seih khiahta deikua cha, palôh pasi kawpa ta eima hâ lylia tyh.

1 KAWRINI 7:17

Abeipa ta a raozie hawhta nata Khazohpa ta a awzie hawhta, chyhsa to y mawh ei sy. Cha cha Awnanopa zydua châta ei raopa a châ.

2 KAWRINI 12:10

Cha vâna tlai chata chiehleina liata zy, mohnaona liata zy, rietheina liata zy, taolana liata zy, nôpona liata zy palôhtlâh ei paoh tyh. Ei chiehleina daihti maihta thatlôpa ei châ tyh.

2 KAWRINI 7:14

Ei châ palaikheina ei a hnohta reih tyh na ta, maophyuhpa ta y va na. Nama hnohta bie eima rei tyhpa zydua kha, biedopa a châpa hawhta, Titu hmiakô liata nâmo eima châ palaikheina chhao kha biedopa a châ.

2 KAWRINI 7:4

Nâmo hnohta la, riahpha kawpa ta bie ei reih ngâh. Châ palaikhei ngaita ei na ta, thlalôhna ta ei bie. Eima riethei taona zydua liata alyna ta ei khô pathlah.

2 KAWRINI 9:2

Cha chakaona raihria châta a mâ chiehpa ta nama ypa pahno na ta, Akai râh cha zâkô tawh khata a mâh chiehpa ta ama y tahpa ta Mâsidônia mo hmiakô liata ei châ palaikhei kaw ei. Nama phahnai ngiahna ta chyhsa hluhpi palôh a pahra haw.

2 KAWRINI 9:4

Chataleipatala Mâsidônia mo ta na vaw zi ei sala, namâ mâ leipa ama cha hmô khiahta cha, eima cha ngâpa hawhta a châ leipa vâta, nâmo maophyuh leipa aw ei chi ta, keimo maophyuhna a châ aw.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

1 THYSALAWNIKA 2:14

Unawh saih u, nâmo chhao, Zudia râh liata a ypa Krista Zisu liata Khazohpa Awnanopazy hawhta nama châ ha hih. Zuzy ku liata âmo pasa ama taopa hawhta, nâmo chhao nama râh chyhsazy ku liata pasa nama tao hra.

1 THYSALAWNIKA 2:19

Eima Beipa Zisu â vy tita a hmiakô liata eima hnabeiseihna, eimâ lyna nata eima rônahna lakho a châ awpazy cha khâpa ma a châ aw? Nâmo châ veih ei chi ma?

2 THYSALAWNIKA 3:5

Abeipa ta Khazohpa kyhpachâna nata Krista daotheina lâta nama palôhzy cha chhihtha mawh ei sy.

HEBRAI 10:36

Khazohpa khopa nama tao khai tawhta, bietaipa nama hmô thei nawpa ta, daotheina namâ ngiahpa rai a châ.

HEBRAI 6:12

Chatanachata diathlâ leipa aw ei chi ta, ngiapâna nata hâ hualuana vâta bietai ryu totuhpazy hâlatuhpa tlao nama châ aw.

HEBRAI 6:15

Chatanachata Abarahâ cha palôh pasi ngaitapa ta a hâ tawhta bietaipa cha hmô ha ta.

ZÂMIE 5:11

Pachâ teh u, pasataotuhpazy cha nohlaopa tah pi ta, Zawbâ palôh pasizie kha thei ei chi ta, Abeipa hmochhuahpa chhao hmô ei chi ta, Abeipa cha ngiachhietuhpa nata zawngiahtuhpa a châpa nama hmô haw.

2 PITY 1:6

pahnona liata asohsina a hlao sala, asohsina liata tiamana a hlao sala, tiamana liata Khazohpa pachâna a hlao sala,

BIEPHUAH 14:12

Cha chata mopathaihpa, Khazohpa biepiepazy nata Zisu angiapâna bie a zyhtuhpazy cha tao hualua awpa a byuhzie a palâsa.