2 THYSALAWNIKA 1:3 - Mara Bible RV (BSI)

³ Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

2 THYSALAWNIKA 1:3 ပူးပေါင်းရင်းမြစ်များ

ZAWBÂ 17:9

Mosiapa cha a lâpi khâchâ patu ta, Ku pathaihpa cha a thatlô rili tyh.

HLAZY 84:7

Sie ei ta ama thatlô via rili ta, Zaio liata Khazohpa hnohta amâ luah hlâlei ama sie lymâ.

HLAZY 92:13

Âmo cha Abeipa o liata lopazy châ ei ta, Eima Khazohpa o dôhpachhôh tlyhmia liata lochopa ta ama y.

BIESOZY 4:18

Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ.

LUKA 15:32

Kyhchhi tao ta thapha ngaitapa ta y awpa cha â phuhpa rai a châ. He na nawhta he cha thi ha ta, a vaw hroh ha heih hih. Lei ha ta, eima hmô ha heih hih,’ a tah aw,” tah ta.

LUKA 17:5

Lyuhchâpazy ta Abeipa hnohta, “Eimâ ngiapâna papôhsa mah y,” tah ei ta.

ZAWHÂNA 15:2

Ei chiah a pathei leipa maih thy ta, a patheipa maih a pathai tyh, a pathei hluh rili nawpa ta.

RAWMA 1:8

A hmiatua chai ta, namâ ngiapâna kyh Khizaw zydua liata a pathâhpa vâta, nama zydua châta Zisu Krista moh ta ei Khazohpa lâ alyna bie ei reih.

1 KAWRINI 1:4

Krista Zisu liata Khazohpa ngiachhiena piepa nama châpa vâta, Khazohpa hnohta alyna bie khâ ei reih tyh.

2 KAWRINI 10:15

Eima hriana su khô lâta mohropazy hriapa a palaikhei beih ma pi. Namâ ngiapâna laiseih lymâ aw ta, nama hry liata eima chakaona chhao a kawh via lymâ aw tahpa hnabeiseihna tlao eima hnei.

EPHESI 5:20

Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

PHILIPI 1:7

Bâlia ei kypa liata nata thâtihpha a duakheipa ta ei pa-ina kyhzy liata Khazohpa ngiachhiena ei tolâhpazy nama châpa vâta, ei palôh liata khâ nama y. Chavâta nama zydua chô liata cha hawhpa palôh ei phaopa cha, kei châta tao awpa dopa a châ.

PHILIPI 1:9

Nama kyhpachâna pôh via rili sala, novâhna nata pahnona zydua liata nama laiseih thei nawpa ta thlah ei chhâ tyh.

1 THYSALAWNIKA 3:12

Kyh eima cha pachâpa hawhna heta, nâmo chhao chyhsa to kyh nama pachâ thei nawpa nata nâmo nata nâmo kyh namâ pachâ raihrie thei nawpa ta, Abeipa ta nama kyhpachâna papôhsa sala, kyhpachâna liata cha pahneirôhsa mawh ei sy.

1 THYSALAWNIKA 3:6

Chatanachata tahmâ Timawthy cha vaw tlô ta, namâ ngiapâna nata kyhpachâna thâtih lychhihpa miah a vaw tlôkhei. Khâ miah a thei ei chi ta, cha hmô awpa eima byuh kawpa hawhta, nâmo chhao miah hmô awpa nama byuh kawna thâtihzy miah a chho.

1 THYSALAWNIKA 3:9

Nâmo vâta eima Khazohpa hmiakô liata eimâ lyna zydua vâna heta, Khazohpa lâta alyna bie rei tiah lei eimâ bâh.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

2 THYSALAWNIKA 2:1

Unawh saih u, eima Beipa Zisu Krista avyna nata a hnohta lapakhypa ta eima y nawpa kyh liata, nâmo lâta ahawna ei tao.

2 THYSALAWNIKA 2:13

Abeipa kyhpachâpa unawh kho ngaitapa saih u, Thlahpa Pathaihpa pathaisana nata biehmeiseihpa ngiapâna vâta pachha châna liata thei hmiatuapazy châ awpa ta, Khazohpa ta â tlyhpa nama châpa vâta, nâmo vâta Khazohpa lâ alyna bie khâ a reih awpa eima châ.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

2 PITY 1:13

Sapa pôhpa ta ei y chhôh zydua cha, cha pahnosa chanei tyh ta, nama tha cha pathyu awpa cha, hmo phapa a châpa ta ei pahno.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.