2 THÂTIHZYRONA 9:9 - Mara Bible RV (BSI)

⁹ Chatanachata Sebâ Beinô ta Bei Sawlawmaw cha ngôh talent 120 nata ia-ô hluhpi nata lôsôhpazy pie ta. Sebâ Beinô ta Bei Sawlawmaw a piepa ia-ô tlu ta a hluhpa y beih vei.

2 THÂTIHZYRONA 9:9 ပူးပေါင်းရင်းမြစ်များ

ÂTHAONA 43:11

Ama paw Izarei ta ama hnohta, “Cha hawhta a châ khiahta cha, hetana heta tao muh vy: He râh liata theilâpa pahâh chaipazy he a chyhta sai ta nama sykhaozy liata pasâ u la, cha chyhsa châta kuhria, thochathli thohna, kheihti, ropahâhpa, myrâ, theilâ hyhkua châpa nata kuasâh theizy phaopa muh vy.

1 ABEIZY 10:10

Chatanachata Sebâ Beinô ta Bei Sawlawmaw cha ngôh talent 120 nata ia-ô hluhpi nata lôsôhpazy pie ta. Sebâ Beinô ta Sawlawmaw a piepa ia-ô tlu ta a hluhpa a ngia beih khao vei.

1 ABEIZY 9:14

Hirâ ta abei hnohta ngôh talent 120 a vaw paphao hapa kha châ ta.

2 THÂTIHZYRONA 9:1

Sawlawmaw moh pathâhnazie Sebâ beinô ta a thei nahta, Sawlawmaw cha bie khiakhi ngaitapazy ta pasia awpa ta Zerusale lâ a khy ta. Zituhpa hluhpi nata ia-ôzy nata ngôh nata lôsôhpa hluhpi phaoh ta, râraoseihpazy chhaota khy ta. Sawlawmaw kô a tlô nahta, a palôh liata bie a ypa zydua chho ta.

2 THÂTIHZYRONA 9:10

Ôphi tawhta ngôh a vaw phaoh tyhpa Hirâ chakaotuhpazy nata Sawlawmaw chakaotuhpazy ta alku tho nata lôsôhpazy chhao vaw phaoh ei ta.

2 THÂTIHZYRONA 9:24

Ano a tlypa bei maihta kuhriazy phaopa tyh ei ta, tâkâ nata ngôh hmobaohzy, chysiazy, myrâzy, ia-ôzy, arâzy, sabaituzy kô chareih ta ama vaw phaopa tyh.

2 THÂTIHZYRONA 9:8

Na chô liata a ly ta, ano châta bei châ awpa ta a beidyuchhai liata châ patyutuhpa Abeipa na Khazohpa cha reithaipa ta y maw sy! Na Khazohpa ta Izarei he kyhpachâ ta, chhâzaw châta a padua khohpa vâta, ryureina dopa nata siana ta ryu na reih thei nawpa ta, ama chô liata bei ta a cha tao hih,” tah ta.

HLAZY 72:10

Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

HLAZY 72:15

Abei cha hroh pareih sala, Sebâ ngôh piepa châ mawh sy! Ano châta khâ thlahchhâ ei sala, Noh y ta byhnâ awpa mawh ei sy!

PUASAINA 30:34

Abeipa ta Mawsi hnohta, “Ropahâhpa pahâh ngaitapa stâti, ônichâ nata kâbanu zy cha deiryh pasoh ngaitapa chhaota khopathliahna â khopa sai ta la aw chi ta,