2 THÂTIHZYRONA 9:8 - Mara Bible RV (BSI)

⁸ Na chô liata a ly ta, ano châta bei châ awpa ta a beidyuchhai liata châ patyutuhpa Abeipa na Khazohpa cha reithaipa ta y maw sy! Na Khazohpa ta Izarei he kyhpachâ ta, chhâzaw châta a padua khohpa vâta, ryureina dopa nata siana ta ryu na reih thei nawpa ta, ama chô liata bei ta a cha tao hih,” tah ta.

2 THÂTIHZYRONA 9:8 ပူးပေါင်းရင်းမြစ်များ

2 SAMUELA 23:3

Izarei Khazohpa ta reih ta, Izarei Lôpanô ta eina chho: Adona ta chyhsazy chô liata ryureihpa ta, Khazohpa china ta ryu a reihpa cha,

2 SAMUELA 8:15

Chatanachata Dâvi cha Izarei saw zydua chô liata ryureih ta. Dâvi cha a phopi zydua châta adona nata siana ta ryureih ta.

1 ABEIZY 10:9

Na chô liata a ly ta, Izarei beidyuchhai liata châ patyutuhpa Abeipa na Khazohpa cha reithaipa ta y maw sy! Abeipa ta Izarei he chhâzaw ta kyhpachâ ta, chavâta adona nata siana ta ryu na reih thei nawpa ta bei ta a cha tao hih,” tah ta.

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

1 THÂTIHZYRONA 17:22

Chatanachata na phopi Izarei cha, chhâzaw ta nâma phopi châ awpa ta tao chi ta, nâma tlai cha, Hy Abeipa y, ama Khazohpa na vaw châ haw.

1 THÂTIHZYRONA 28:5

Abeipa ta sawchapaw hluhpi na pie ta, ei sawchapawpa Sawlawmaw cha Abeipa khinarâh beidyuchhai liata a tyuh ta, Izarei chô liata ryureih awpa ta a tlyh ta.

1 THÂTIHZYRONA 29:10

Chavâta Dâvi cha zawpi zydua hmia­kô liata Abeipa reithai ta. “Hy Abeipa, miah pathlatuhpa Izarei Khazohpa y, chhâzaw nata tlyzaw ta reithaipa ta y mah y.

1 THÂTIHZYRONA 29:20

Dâvi ta zawpi zydua hnohta, “Abeipa nama Khazohpa cha reithai teh u,” tah ta. Zawpi zydua ta Abeipa, ama pathlatuhpazy Khazohpa cha reithai ei ta, a bôh ei ta, Abeipa nata abei cha a naoh ei ta.

1 THÂTIHZYRONA 29:23

Chatana­chata Sawlawmaw cha a paw Dâvi su liata bei châ awpa ta Abeipa beidyuchhai liata a tyuh ta. Vânoh thata to ta, Izarei saw zydua ta a rei amâ ngiah lymâ.

2 THÂTIHZYRONA 13:8

“Tahmâ chhao he pheisaih hluh ngaita ei chi ta, Zerôbaw ta nama châta ngôh viahchaotaw khazoh nothlahpa a taopa nama hneipa vâta, Dâvi sawchapawzy ku liata Abeipa khinarâh cha toh thei namâ pangiasa.

2 THÂTIHZYRONA 2:10

Na chyhsa tho thlutuhpazy cha âtâ viahdie bai 20,000, bâli sâh bai 20,000, kresawhti rahô 20,000 nata sathaw rahô 20,000 ei pie aw ei,” tah ta.

2 THÂTIHZYRONA 2:11

Tyre bei Hirâ ta châpaphaopa ta Sawlawmaw cha a chhy ta, a hnohta, “Abeipa ta a phopi kyh a pachâ vâta, nâ cha ama chô liata bei ta y awpa ta a cha tao,” tah ta.

2 THÂTIHZYRONA 9:7

Na lapinôzy ama nohlao kaw dia! Na hmiakô liata a duah ta, na sona bie a thei tyhpa châ chakaotuhpazy he ama nohlao kaw na!

2 THÂTIHZYRONA 9:9

Chatanachata Sebâ Beinô ta Bei Sawlawmaw cha ngôh talent 120 nata ia-ô hluhpi nata lôsôhpazy pie ta. Sebâ Beinô ta Bei Sawlawmaw a piepa ia-ô tlu ta a hluhpa y beih vei.

HLAZY 18:19

Ei chô liata â lypa vâta, Na pachha ta, Su kawhpa lâ einâ chhi haw.

HLAZY 22:8

“Ano cha Abeipa ngâ tlôh ta, Ano ta pachha sala; Ano liata a ly tlôh ta, Ano ta bao mawh sy,” ama tah.

HLAZY 72:2

Na phopi chô liata siana ta ryureih sala, Dyhchhiepazy chô liata adona ta ryureih mawh sy!

HLAZY 99:4

Hy Bei thatlôpa, adona pasô chi ta, Thlua hlei hnei leina ryureina na padua haw; Adona ta ryureih chi ta, Siana ta Zakaw chô liata ryu na reih.

BIESOZY 21:3

Abeipa châta cha siana nata adona ta hmo taopa he, Atheihna hlâta a pyh tlâh a châ via.

BIESOZY 29:4

Abei ta adona ta râh padua ta, Hmopiepa a latuhpa deikua ta cha a parao tyh.

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 62:4

Azubâ cha tah khao leipa aw ei ta, Na râh chhao Semâmâ tah khao aw veih ei. Hephazibâ tlao cha tah aw ei ta, Na râh cha Beulâ râh ama tah aw. Na chô liata Abeipa a ly ta, Na râh cha dyh a châ aw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

RYHPACHANEINA 7:8

Abeipa ta kyh cha pachâ ei ta, châ pathlatuhpazy hnohta bie â taihpa a patlô khohpa vâta, Abeipa ta seichâna o tawhta ku thatlôpa ta cha pachha ei ta, Izi bei Phiraoh ku tawhta a cha pachha ei.