2 THÂTIHZYRONA 9:29 - Mara Bible RV (BSI)

²⁹ Sawlawmaw thâtih hropazy cha âthaona tawhta achhâna taihta, hrohsopa Nâthâ châbu liata zy, Silô chyhsa Ahiza hrohsona châbu liata zy, Nebâ sawchapawpa Zerôbaw kyh liata hrohsopa Idô aluahna châbu liata zy ropa a châ.

2 THÂTIHZYRONA 9:29 ပူးပေါင်းရင်းမြစ်များ

2 SAMUELA 12:1

Abeipa ta Dâvi lâ Nâthâ tuah ta. Nâthâ cha Dâvi lâ vawh ta, a hnohta, “Khih miakha liata chyhsa pano y ei ta, pakha cha chyhsa hneirôhpa cha ta, pakha deikua cha sipasapa a châ.

2 SAMUELA 12:25

Hrohsopa Nâthâ hnohta Abeipa bie vaw tlô ta, “Abeipa vâta a châ” tahpa ta, hrohsopa Nâthâ ta a moh Zedidiah a bi.

1 ABEIZY 1:8

Theihthaipa Zadô, Zehôdâ sawchapawpa Benai, hrohsopa Nâthâ, Simei, Rei nata Dâvi pasaiphazy deikua cha Adôniza chhâh a châ leipa ei ta.

1 ABEIZY 11:26

Zerôbaw chhao ta abei chô liata a ku hy hra ta. Ano cha Zeredâ khihpa Epharai chyhsa Sawlawmaw chakaotuhpa Nebâ sawchapawpa a châ. A nô moh cha Zerua châ ta, nôhmeipa a châ.

1 ABEIZY 11:29

Cha daihti liata, Zerôbaw Zerusale tawhta a puapa cha Silôni chyhsa hrohsopa Ahiza ta lâpi liata vaw hmô ta. Ahiza cha chysia thiehpa a tobi ta, ama pano deita ta lyurâhpa liata y ei ta.

1 ABEIZY 14:2

Zerôbaw ta a lapinô hnohta, “Thyu la, Zerôbaw lapinô a châ tahpa ama cha pahno lei nawpa ta a panano la, Silô lâ vawh teh. Cha liata hrohsopa Ahiza y ta, ano cha he phopi chô liata bei ta ei y awpa ei thâtih a reituhpa kha a châ.

1 THÂTIHZYRONA 29:29

Bei Dâvi hmotaopazy cha âthaona tawhta achhâna taihta hrohsopa Samuela châbu liata zy, hrohsopa Nâthâ châbu liata zy, hrohsopa Kâdâ châbu liata zy ropa a châ.

2 THÂTIHZYRONA 10:2

Cha thâtih cha Nebâ sawchapawpa Zerôbaw ta a theipata nahta, Izi râh tawhta a kaw lie ta. Zerôbaw cha Bei Sawlawmaw riahchi ta â râna Izi râh liata a y thlâh hapa châ ta.

2 THÂTIHZYRONA 12:15

Rehôbaw thâtih cha âthaona tawhta achhâna taihta, hrohsopa Semiah nata hmôtheituhpa Idô zy ropa thyutôna châbuzy liata ropa a châ. Rehôbaw nata Zerôbaw likawh liata adyuhna y lymâ ta.

2 THÂTIHZYRONA 13:22

Abizah thâtih hropazy nata a yziezy nata a bie reipazy cha hrohsopa Idô châbu liata ropa a châ.