2 THÂTIHZYRONA 8:14 - Mara Bible RV (BSI)

¹⁴ A paw Dâvi ta a vaw rao hapa hawhta, theihthaina rai hria awpa ta theihthaipazy cha a py py ta pachhaih ta, Livai pathlazy chhao theihthaipazy hmiakô liata reithaina hla sa awpa ta noh chareih ta â ngiahnazie hawhta a py py ta pachhaih ta, chhikao vaituhpazy chhao ama chhikao vai awpa chyu ta a py py ta a pachhaih ei. Cha hawhta tao awpa ta, Khazohpa chyhsa Dâvi ta bie a vaw pie hapa a châ.

2 THÂTIHZYRONA 8:14 ပူးပေါင်းရင်းမြစ်များ

2 SAMUELA 23:2

“Abeipa Thlahpa ta keima hmâpa ta reih ta, A bie cha ei paleih liata a y.

1 ABEIZY 13:1

Abeipa biepiepa hawhta, Zudâh tawhta Khazohpa chyhsa pakha Bethel lâ a vy ta. Zerôbaw cha maisâh kiapâh liata hmo hlâ awpa ta a duah ta.

1 THÂTIHZYRONA 16:37

Chatanachata Abeipa Biehrai Byh hmiakô liata â ngiahna hawhta noh chareih chakaona rai hria awpa ta, Bei Dâvi ta Asâpha nata a unawhzy soh ta.

1 THÂTIHZYRONA 16:42

Hemâ nata Zeduthu cha pyungiapa châta chiahmiezy nata paotlâzy hnei ei ta, Khazohpa hla sa nawpa ta chhaichhizy ama hnei. Chhikao vaituhpazy châta Zeduthu sawchapawzy rao­pa ama châ.

1 THÂTIHZYRONA 23:1

Dâvi cha hroh pareih kaw ta, chhâ â palo nawpa daihti â hnia nahta, a saw­chapawpa Sawlawmaw cha Izarei bei ta tao ta.

1 THÂTIHZYRONA 24:1

Arawna pathlazy cha he hawhta a py py ta pachhaihpa ama châ. Arawna sawchapawzy cha Nâdâ, Abihu, Eliaza nata Ithamâ zy châ ei ta,

1 THÂTIHZYRONA 24:3

Dâvi ta theihthaipazy cha ama maophaohna chyu hria awpa ta, a py py ta pachhaih ta, Eliaza pathla Zadô nata Ithamâ pathla Ahimele ta Dâvi cha ama bao.

1 THÂTIHZYRONA 25:1

Dâvi nata pheisaih hyutuhpazy ta Asâpha, Hemâ nata Zeduthu pathlazy cha totâzy, tlaipihzy, paotlâzy tô ta, hrohsona hlazy sa awpa ta panano ei ta. Hezy he pyungiapa chakaona rai a hriapazy ama châ:

1 THÂTIHZYRONA 26:1

Hezy he chhikao vaituhpa ta raopazy ama châ: Kôrâ pathla tawhta Asâpha sawchapawzy hry liata Kôre sawchapawpa Meselemiah raopa a châ.

1 THÂTIHZYRONA 28:19

Dâvi ta, “He zydua he, Abeipa ta ano ku tlai ta a ropa na pie ta, â chhuahna nata a taozie awpa zydua eina pahnosapa a châ,” tah ta.

1 THÂTIHZYRONA 9:17

Chhikao vaituhpazy cha Sâluh, Aku, Talmaw, Ahimâ nata ama heinawhzy châ ei ta, Sâluh cha hyutuhpa a châ.

1 THÂTIHZYRONA 9:24

Chhikao vaituhpazy cha nochhi, notla, maw nata chho, kao palih liata ama y tyh.

2 THÂTIHZYRONA 23:19

Zehôdâ ta pathaih leina kheihawhpa rai a hneipazy ta Abeipa o lâ amâ ngia lei nawpa ta, Abeipa o chhikao vaituhpazy soh ta.

2 THÂTIHZYRONA 23:4

Hetana heta nama tao aw. Pahânoh ta a pahâpa theihthaipa nata Livai pathlazy hry liata su thôh su kha chhikao vaih aw ei chi ta,

2 THÂTIHZYRONA 29:25

Abeipa o liata paotlâzy, tlaipihzy, totâzy tô awpa ta, Livai pathlazy soh ta. Cha cha Dâvi nata abei hrohsopa Kâdâ nata hrohsopa Nâthâ zy biepiepa hawhta taopa châ ta, cha biepiepa cha, a hrohsopazy hmâpa ta Abeipa ta a piepa a châ.

2 THÂTIHZYRONA 31:2

Hezekia ta theihthaipazy nata Livai pathlazy cha Abeipa o liata raopa hlâna nata aryhna hlâna chakaona rai hria awpa ta zy, chhikao vaih awpa ta zy, alyna bie rei awpa nata reithaina hla sa awpa zy ta a py py ta pachhaih ta, ama chakao awpazy rairuah ta.

2 THÂTIHZYRONA 35:10

Chakaona a chhuanoh khaipa a châ nahta, abei biepiepa hawhta, theihthaipazy cha amâ dua nawpa su chyu liata a duah ei ta, Livai pathlazy chhao ama py chyu liata a duah ei ta.

2 THÂTIHZYRONA 35:15

Dâvi biepiepa hawhta, Asâpha pathla hlasathaipazy cha ama châta su raopa liata y ei ta, Asâpha, Hemâ nata abei hrohsopa Zeduthu zy chhao ama châta su raopa liata y hra ei ta, chhikao vaituhpazy chhao ama chhikao chyu liata y ei ta. Ama unawh Livai pathlazy ta ama châta amâ chhuanoh hapa vâta, ama chakaona raihria siesai awpa byuh vei.

2 THÂTIHZYRONA 35:4

Izarei bei Dâvi ropa hawhta nata a sawchapawpa Sawlawmaw ropa hawhta, a chhôh chhôh ta py a pachhaih aw ei chi ta, namâ chhuanoh aw.

2 THÂTIHZYRONA 5:11

Cha liata a ypa theihthaipazy cha, py to ta amâ pathai khai hapa vâta, Su Pathaihpa tawhta vaw pua ei ta.

2 THÂTIHZYRONA 8:15

Abei ta theihthaipazy nata Livai pathlazy bie a piepa cha, khâpa kyh lia hmahta tleisai leipa ei ta, sôh kyh liata chhao tleisai cheita veih ei.

EZRÂ 6:18

Mawsi Châbu liata ropa hawhta, Zerusale liata Khazohpa chakao awpa ta theihthaipazy nata Livai pathlazy cha âmo py chyu liata y awpa ta raopa ama châ.

NEHEMIAH 12:24

Livai pathla pawhrâhpazy cha, Hâsabiah, Serebiah, Kâdamie sawchapawpa Zesua nata âmo dady ta a duahpa ama unawhzy ama châ. Âmo cha Khazohpa chyhsa Dâvi biepiepa hawhta, reithaina hla sa awpa nata alyna bie reih awpa ta, a py py ta daihti raipa ama châ.

NEHEMIAH 12:25

Mâtaniah, Bâbukiah, Ôbadia, Mesulâ, Talmô nata Aku zy cha chhikao vaituhpazy châ ei ta, chhikao kiapâh liata hmo sona ozy vaituhpa ama châ.

NEHEMIAH 12:36

Zekaria heinawhzy chhao sie hra ei ta, chazy cha Semiah, Azare, Milâlai, Kilâlai, Mâai, Nethane, Zudâh nata Hânani zy ama châ. Khazohpa chyhsa Dâvi tô tyhpa pyungiapa chhaichhizy chhaota sie ei ta, chârohtuhpa Ezrâ ta hmia â sah.

LUKA 1:5

Zudia bei Herawda daihti liata, Abizah py liata theihthaipa pakha, a moh Zekaria ama tahpa y ta. Cha chyhsa chata Arawna pathla hry liatapa Elizabe cha lapinô ta hnei ta.

LUKA 1:8

Chatawhcha hetana heta vaw châ ta. Noh kha cha ano py chakao daihti liata, Zekaria chhao Khazohpa hmiakô liata theihthaipa chakaona rai hria hra ta.

HMOTAOPAZY 13:22

Sawla a thy tawhta, Khazohpa ta Dâvi cha ama bei châta padua ta, Khazohpa ta, ‘Zese sawchapawpa Dâvi liata, ei palôh a phaohpa, ei khopa zydua a tao awpa ei hmô haw,’ tah ta.

HMOTAOPAZY 13:36

“Dâvi cha Khazohpa hmochhuahpazy ano chhâ liata a chakao khai tawhta, a mô ta, a pathlatuhpazy hnohta paziapa châ ta, a thuzao khai haw.

RYHPACHANEINA 33:1

He byhnâ awnazy he Khazohpa chyhsa Mawsi ta a thi hlâta Izarei sawzy châta byhnâ a awna a châ.