2 THÂTIHZYRONA 8:13 - Mara Bible RV (BSI)

¹³ Cha raopa hlânazy cha Mawsi biepiepa hawhta noh chareih ta â ngiahna lymâ hawh ta hlâ tyhpa a châ. Pahânoh nata thla thieh nohzy liata hlâ tyhpa châ ta, kô chareih ta taopa kyhchhi miathôhpa, viahchhâ thinô pahlao leipa kyhchhi, Hâta Kyhchhi nata Byureih Kyhchhi lia zy ta hlâ tyhpa a châ.

2 THÂTIHZYRONA 8:13 ပူးပေါင်းရင်းမြစ်များ

1 ABEIZY 9:25

Sawlawmaw ta Abeipa châta maisâh a taopa liata kô kha ta ei thôh raopa hlâna nata aryhna hlâna hlâ tyh ta. Abeipa hmiakô liata maisâh liana chata ropahâhpazy chhao rao tyh ta. Chatanachata Achhyna o cha a paloh haw.

2 THÂTIHZYRONA 2:3

Sawlawmaw ta Tyre bei Hirâ lâ chyhsa tuah ta, a hnohta, “Ei paw Dâvi chô liata hmo pha tao chi ta, a pahrâ nawpa o sa nawpa ta sidy thozy, na vaw paphaopa hawhna khata, kei chhao na taopa hra mah y.

NEHEMIAH 8:17

Seichâna tawhta a vaw kuapa zawpi zydua ta byureihzy tu ei ta, byureihzy liana cha pahrâ ei ta. Nunâ sawchapawpa Zawsua daihti tawhta, cha noh taihta, Izarei sawzy ta byureih kyhchhi vaw hmâh khao leipa ei ta. Chavâta byureih kyhchhi ama hmâ theipa cha amâ ly ngaita.

PUASAINA 34:22

Hâta Kyhchhi chay aw chi ta, cha cha sâh hria a daih tua chaipa kyhchhi a châ. Kô châhdi sâh pakhy khai tawhta Peihtla Kyhchhi chhao na chay tyh aw.

PUASAINA 34:23

Chapaw zydua kô kha ta ei thôh Abeipa Khazoh, Izarei Khazohpa hmiakô liata amâ lâ tyh awpa a châ.

EZEKIA 45:17

Chatanachata kyhchhi liatazy, thla thiehpa liatazy, Pahânohzy liata nata Izarei pathlazy châta kyhchhi raopazy liata, Izarei pathlazy vyuhpa ta chatlaina tao awpa ta, raopa hlânazy, niepa hlânazy nata dopa hlânazy châta a ngiahpazy cha abei ta a pachâ tyh aw. Izarei pathlazy vyuhpa ta chatlaina tao awpa ta, moleina hlânazy, niepa hlânazy, raopa hlânazy nata aryhna hlânazy châta a ngiahpazy cha, abei ta a pachâ tyh aw.

RYHPACHANEINA 16:16

“Chapaw zydua ta Abeipa nama Khazohpa ta â tlyh awpa su liata kô kha ta ei thôh a hmiakô liata namâ luah tyh awpa a châ. Viahchhâ thinô pahlao leipa kyhchhi liata zy, hâta kyhchhi liata zy, byureih kyhchhi liata zy, Abeipa hmiakô liata ku ruapa ta namâ luah awpa châ vei.