2 THÂTIHZYRONA 7:6 - Mara Bible RV (BSI)

⁶ Theihthaipazy nata Livai pathlazy cha ama su chyu liata a duah ei ta, Abeipa lâ alyna bie reina, “A zawngiahna chhâzaw ta a y,” tahpa hla cha pyungiapa chhaichhizy nata patlapa ta sa ei ta. Âmo dady liata theihthaipazy ta chiahmie tô ei ta, Izarei saw zydua cha a duah thlâh ha ei ta. Cha hla nata pyungiapa chhaichhizy cha Bei Dâvi ta Abeipa reithai nawpa ta a hmâ tyhpa, pyungiapa chhaichhizy chhaota theihthaipazy a pasasa tyhpa hla a châ.

2 THÂTIHZYRONA 7:6 ပူးပေါင်းရင်းမြစ်များ

1 THÂTIHZYRONA 13:8

Dâvi nata Izarei saw zydua cha hlasapa ta, totâzy, tlaipihzy, khoh chyhpazy, paotlâzy, chiahmiezy tôpa ta Khazohpa hmiakô liata ama theina zydua papuapa ta palyupalihna tao ei ta.

1 THÂTIHZYRONA 15:24

Theihthaipa sahlao, Sebaniah, Zehôsaphâ, Nethane, Amasai, Zekariah, Benai nata Elieze zy cha Kha­zohpa Byh hmiakô liata chiahmie tôtuhpazy ama châ. Obededô nata Zehiah cha Byh châta chhikao vaituhpazy ama châ.

1 THÂTIHZYRONA 16:34

Abeipa lâ alyna bie hlâ teh u; Ano cha pha ta, A kyhpachâna a tleih beih leipa a châ.

2 THÂTIHZYRONA 23:18

Chatawhcha Zehôdâ ta theihthaipazy nata Livai pathlazy chhihthana ry liata Abeipa o vaituhpazy rao ta. Âmo cha Mawsi ryhpa châbu liata ropa hawhta, Abeipa lâta raopa hlânazy hlâ awpa ta, Dâvi ta Abeipa o mohôhtuhpa ta a raopazy châ ei ta, Dâvi biepiepa hawhta, cha rai cha thaphapa nata hlasana chôta a hria awpazy ama châ.

2 THÂTIHZYRONA 29:25

Abeipa o liata paotlâzy, tlaipihzy, totâzy tô awpa ta, Livai pathlazy soh ta. Cha cha Dâvi nata abei hrohsopa Kâdâ nata hrohsopa Nâthâ zy biepiepa hawhta taopa châ ta, cha biepiepa cha, a hrohsopazy hmâpa ta Abeipa ta a piepa a châ.

2 THÂTIHZYRONA 29:27

Hezekia ta raopa hlâna cha maisâh liata hlâ awpa ta biepie ta. Raopa hlâna hlâ pathaopa a châpa nahta, chiahmiezy nata Izarei bei Dâvi pyungiapa chhaichhizy tôpa ta, Abeipa lâta hla sa pathao ei ta.

2 THÂTIHZYRONA 5:12

Livai pathla hlasatuhpa zydua, Asâpha, Hemâ, Zeduthu nata ama sawchapawzy nata ama chiheihzy cha lini poh rih dipa ta a tobipa ta, paotlâzy, tlaipihzy, totâzy chhaota maisâh nochhi lâchhâh liata a duah ei ta. Chiahmie tôtuhpa theihthaipa 120 chhao ama hnohta a duah hra ei ta.

2 THÂTIHZYRONA 5:13

Chiahmie tôtuhpazy nata hlasatuhpazy cha â raohpa ta, ao kha hawhta ao papuapa ta, Abeipa reithaipa ta alyna hla sa ei ta. Hla a vaw puapa nahta, chiahmie pyu, paotlâ pyu nata pyungiapa chhaichhi pyu hropazy vaw pua ta, “Ano cha pha ta, A zawngiahna cha chhâzaw ta a y aw,” tahpa ta Abeipa ama reithai nahta, Abeipa o cha meihdo ta vaw bi ha ta;

2 THÂTIHZYRONA 7:3

Izarei saw zydua ta avâ tawhta mei a za tlapa nata Achhyna o chô liata Abeipa rônahna cha ama hmô nahta, lôphia phawpa siphiah chô liata ama hmia alei lâ a khupa ta a bôh ei ta, “Abeipa cha pha ta, A zawngiahna chhâzaw ta a y aw,” tahpa ta Abeipa cha a chhy ei ta, ano lâ alyna bie ama reih.

2 THÂTIHZYRONA 7:5

Bei Sawlawmaw ta atheihna hlâna châta viahchao tôhpa 22,000 nata mietaku 120,000 hlâ ta. Cha hawhna chata abei nata zawpi zydua ta Khazohpa o cha hlâ ei ta.

EZRÂ 6:18

Mawsi Châbu liata ropa hawhta, Zerusale liata Khazohpa chakao awpa ta theihthaipazy nata Livai pathlazy cha âmo py chyu liata y awpa ta raopa ama châ.

HLAZY 106:1

Abeipa cha reithai u la, Alyna bie hlâ teh u! Ano cha pha ta, A kyhpachâna a tleih beih leipa a châ.

HLAZY 107:1

Abeipa cha pha ta, A kyhpachâna tlyzaw ta a tleih beih leipa a châpa vâta, Alyna bie hlâ teh u!

HLAZY 138:8

Abeipa ta ei châta â chhuahpa cha a patlô aw; Hy Abeipa, na kyhpachâna cha tlyzaw châta châ ta, Nâma ku tlai ta na taopazy he a heihsai khah y.

HLAZY 87:7

Hlasathaipazy nata lâhthaipazy ta â lyupa ta, “Ei byhnâ hnawh zydua Zaio liata a y,” ama tah aw.

ISAI 52:6

Chavâta ei phopi ta ei moh pahno aw ei ta, Bie a reihtuhpa kha keima ei châzie Cha noh liata ama pahno aw. Keima tlai he ei châ,” Abeipa ta a tah.

AMÔSÂ 6:5

Totâ patlapa ta thathina hlazy sa ei ta, Dâvi hawhta pyungiapa tô thaipa ta â pachâpazy;

ZAWSUA 6:4

Theihthaipa pasari ta Byh hmia lâta mietaku tôhpa ki chiahmie miasari chaba aw ei ta, noh sarina noh ta khihpi cha ei sari chahlô aw ei chi ta, theihthaipazy ta chiahmie cha ama tô aw.