2 THÂTIHZYRONA 7:5 - Mara Bible RV (BSI)

⁵ Bei Sawlawmaw ta atheihna hlâna châta viahchao tôhpa 22,000 nata mietaku 120,000 hlâ ta. Cha hawhna chata abei nata zawpi zydua ta Khazohpa o cha hlâ ei ta.

2 THÂTIHZYRONA 7:5 ပူးပေါင်းရင်းမြစ်များ

1 THÂTIHZYRONA 29:21

Abeipa lâ atheihnazy hlâ ei ta. A mylâ ta Abeipa lâ raopa hlânazy hlâ ei ta, viahchao tôhpa 1,000, mietaku tôhpa 1,000, mietakutaw 1,000, niepa hlânazy chhaota hlâ ei ta, Izarei saw zydua châta atheihna hluhpi ama hlâ.

2 THÂTIHZYRONA 1:6

Sawlawmaw ta ahmaohna poh o kiapâh liata dawh maisâh yna lâ khy ta, cha liata Abeipa hmiakô ta raopa hlâna sâh kha hlâ ta.

2 THÂTIHZYRONA 15:11

Cha noh ta, hraona sôh ama vaw phaopa tawhta viahchao tôhpa 700 nata mietaku 7,000 ta Abeipa lâ atheihna hlâ ei ta.

2 THÂTIHZYRONA 2:4

Pachâ teh, Abeipa ei Khazohpa moh châta o sa awpa ei chhuah. Cha o cha Zehôvâh Khazohpa hmiakô liata ropahâhpa rao nawpa châta zy, viahchhâ chaluahpa so tyh nawpa châta zy, Izarei châta chhâzaw châta raopa Pahânoh, thla thiehpa nata Abeipa eima Khazohpa kyhchhi nohzy liata, my nata zâ ta raopa hlânazy hlâ nawpa châta a châ.

2 THÂTIHZYRONA 30:24

Zudâh bei Hezekia ta zawpi ahmaohpakhypazy châta viahchao tôhpa 1,000 nata mietaku 7,000 thyu ta, beimachâzy ta zawpi châta viahchao tôhpa 1,000 nata mietaku 10,000 thyu hra ei ta. Theihthaipa hluhpi a pathai ei ta.

2 THÂTIHZYRONA 5:6

Bei Sawlawmaw nata a hmiakô liata Izarei zawpi a hmaohpakhypa zydua cha, Byh hmiakô liata y ei ta, mietaku nata viahchao tôhpa hluhpi ta atheihna hlâ ei ta, a hluhzie cha paki tiah awpa nata rei tiah awpa châ vei.

2 THÂTIHZYRONA 7:4

Chatawhcha abei nata zawpi zydua ta Abeipa hmiakô liata atheihna hlâ ei ta.

2 THÂTIHZYRONA 7:6

Theihthaipazy nata Livai pathlazy cha ama su chyu liata a duah ei ta, Abeipa lâ alyna bie reina, “A zawngiahna chhâzaw ta a y,” tahpa hla cha pyungiapa chhaichhizy nata patlapa ta sa ei ta. Âmo dady liata theihthaipazy ta chiahmie tô ei ta, Izarei saw zydua cha a duah thlâh ha ei ta. Cha hla nata pyungiapa chhaichhizy cha Bei Dâvi ta Abeipa reithai nawpa ta a hmâ tyhpa, pyungiapa chhaichhizy chhaota theihthaipazy a pasasa tyhpa hla a châ.

EZEKIA 45:17

Chatanachata kyhchhi liatazy, thla thiehpa liatazy, Pahânohzy liata nata Izarei pathlazy châta kyhchhi raopazy liata, Izarei pathlazy vyuhpa ta chatlaina tao awpa ta, raopa hlânazy, niepa hlânazy nata dopa hlânazy châta a ngiahpazy cha abei ta a pachâ tyh aw. Izarei pathlazy vyuhpa ta chatlaina tao awpa ta, moleina hlânazy, niepa hlânazy, raopa hlânazy nata aryhna hlânazy châta a ngiahpazy cha, abei ta a pachâ tyh aw.

MIKÂ 6:7

Mietaku tôhpa sâh hluhpi cheih aw sah la, Abeipa cha a palysa aw ma? Sathaw chavah thy hluhpi ta Abeipa cha a palysa aw ma? Ei sawchapaw uhtheipa he ma, Ei paraona ngiahthai nawpa ta ei hlâ aw? Ei pôhpa thei he ma, Ei thlahpa moleina ngiahthai nawpa ta ei hlâ aw?”

MALUHREINA 7:10

Maisâh sathawthu noh liata, chhituhpazy ta maisâh hlâna châta hmohlâpazy hlâ ei ta. Chhituhpazy ta ama hmohlâpazy cha maisâh hmiakô liata ama hlâ.

ZAWHÂNA 10:22

Cha daihti liata, Ahlâna Kyhchhi Zerusale liata y ta. Chasipaw daihti châ ta,