2 THÂTIHZYRONA 7:21 - Mara Bible RV (BSI)

²¹ He o rônahpa he, a chapiapa maihta noâh tahpa ta, ‘Khazia ma Abeipa ta he râh nata he o he, he hawhta a tao ha tly?’ tah aw ei ta,

2 THÂTIHZYRONA 7:21 ပူးပေါင်းရင်းမြစ်များ

2 THÂTIHZYRONA 29:8

Chavâta Abeipa pathiiana cha Zudâh nata Zerusale chô liata vaw tlô ta, nama mo ta nama hmôpa hawhna heta, chichhihpa nata noâhpa nata hmaotô chie awpa ta a tao ha ei.

ZEREMIAH 13:22

Na palôh liata, ‘Khâpa vâta ma, He hmozy he ei chô liata a vaw tlô tly?’ Na tah khiahta cha, Na moleina rarôh ypa vâta, Na hnorâh typa châ chi ta, Taochhiepa ta na ypa a châ.

ZEREMIAH 19:8

He khihpi he roryhrapa ta paysa aw na ta, hmaotô chie awpa ta ei tao aw. A chapiapa maihta rarôh y tah aw ei ta, a hmah zydua vâta ama hmao ama tô chie aw.

ZEREMIAH 22:28

He Kôniah he beih keipa mohnaochhihpa, Ahy hmahta ama khoh khao leipa kha châ vei ma? Chavâta ano nata a pathlazy cha, Ama pahno leipa râh lâ thypa ta ama ypa châ vei ma?

ZEREMIAH 22:5

He biezy he nama zyh leipa khiahta deikua cha, keima sasyh moh a reipa ta bie ei taih, he o he roryhrapa ta a y aw, Abeipa ta a tah.

ZEREMIAH 49:17

“Edômâ cha roryhrapa ta y aw ta, a chapiapa maihta rarôh y tah aw ei ta, chhiena â tyhpa zydua vâta ama hmao ama tô chie aw.

ZEREMIAH 5:19

Chyhsazy ta, “‘Khazia ma Abeipa eima Khazohpa ta he hmo zydua he eima chô liata a tao tly?’ ama tah tita, ‘Na siesai ei chi ta, chihropa khazohzy nama râh liata nama chakaopa hawhta, nâmo chhao nama râh a châ leipa liata chihropazy nama chakao aw,’ Abeipa ta a tah,” na tah aw.

ZEREMIAH 50:13

Abeipa hiehâhna vâta râh cha, Pahrâpa châ khao leipa aw ta; Tlokhuh roryhrapa ta y aw ta, Babylaw a chapiapa maihta rarôh y ama tah aw; A hmah zydua vâta Ama hmao ama tô chie aw.