2 THÂTIHZYRONA 7:17 - Mara Bible RV (BSI)

¹⁷ Nâ chhao, na paw Dâvi hawhta ei mohmô liata y la, bie ei cha piepa zydua tao la, ei bieraopazy nata ei pachianazy na zyh khiahta cha,

2 THÂTIHZYRONA 7:17 ပူးပေါင်းရင်းမြစ်များ

1 ABEIZY 11:38

Bie ei cha piepa zydua nathliepa ta, ei lâpizy a chhihpa ta, nâ chakaotuhpa Dâvi taopa hawhta, ei bieraopazy nata ei biepiepazy zyhpa ta, ei mohmô liata hmo dopa na tao khiahta cha, na hnohta y aw na ta, Dâvi pathla ei paduapa hawhta, na pathla chhao padua aw na ta, Izarei he ei cha pie aw.

1 ABEIZY 2:3

Na hmotaopa maih nata nâ heina lâ maihta thlaochhipa ta na y lymâ thei nawpa ta, Mawsi Ryhpa liata ropa hawhta, Abeipa na Khazohpa ta bie a cha piepazy a pyh la, a lâpizy a chhih la, a bieraopazy, a biepiepazy, a ryhpazy nata a pahnokheinazy zyh mah y.

1 ABEIZY 3:14

Na paw Dâvi ta ei lâpizy â chhihpa hawhta, nâ chhao ta ei lâpizy a chhihpa ta, ei bieraopazy nata ei biepiepazy na zyh khiahta cha, na hro ei pasisa aw,” tah ta.

1 ABEIZY 8:25

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei lâpi amâ chhih lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 6:16

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei ryhpa ama zyh lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

2 THÂTIHZYRONA 7:16

He o liata ei moh chhâzaw ta a y thei nawpa ta, he o he a tlyh na ta, ei pathaisa haw. He liana heta ei mo nata ei palôh chhâzaw ta a y thlâh ha aw.

2 THÂTIHZYRONA 7:18

na paw Dâvi hnohta, ‘Izarei chô liata ryu a reih awpa na pathla tawhta chie aw veih ei,’ tahpa ta bie ei hrai hapa hawhna khata, nâ beina beidyuchhai cha ei pa-i lymâ aw.

HLAZY 105:45

Chatanachata a bieraopazy a vao aw ei ta, A ryhpazy ama zyh lymâ aw. Abeipa cha reithai teh u!

HLAZY 119:5

Na bieraopazy zyh awpa ta, Ei hroziezy a i sala ei tah kaw dia!

EZEKIA 36:27

Nama chhôh liata ei Thlahpa soh aw na ta, ei bieraopazy a chhih awpa nata ei biepiepazy zyh awpa ta ei cha tao aw ei.

ZEKARIA 3:7

“Pheisaihzy Abeipa ta hetana heta a tah: Ei lâpizy a chhihpa ta, ei biepiepazy na zyh khiahta cha, ei o liata ryurei aw chi ta, ei dôhpachhôh tlyhmia liata chhao biehnei aw chi ta, he liata chakaotuhpazy hry liata su ei cha pie aw.

ZAWHÂNA 14:21

Ahy rai ei biepiepazy hnei ta, a zyhpa cha, ano cha kyh nâ pachâtuhpa a châ. Ahy rai kyh nâ pachâpa cha ei Paw ta a kyh a pachâ aw. Kei chhao ano kyhpachâ aw na ta, a hnohta ei luah aw,” tah ta.

ZAWHÂNA 15:10

Paw biepiepazy zyh na ta, a kyhpachâna liata ei y thlâhpa hawhna heta, nâmo chhao ei biepiepazy nama zyh khiahta cha, ei kyhpachâna liata nama y thlâh ha aw.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.