2 THÂTIHZYRONA 7:13 - Mara Bible RV (BSI)

¹³ Avâzy ei khawpa vâta khihti a y lei tita tlyma, khawsuzy bie ei piepa vâta râh a nie khai tita tlyma, ei phopi liata potlana ei chareisa tita tlyma,

2 THÂTIHZYRONA 7:13 ပူးပေါင်းရင်းမြစ်များ

ZAWBÂ 11:10

A vaw chapia khiahta tlyma, Patâhna o liata a cha khô khiahta tlyma, Ryureina a aw khiahta tlyma, Ahy a pakhâ thei aw?

ZAWBÂ 12:14

A phie ha khiahta cha, Ahy hmah paduapathi thei leipa aw ei ta; Chyhsa a khawhlôh ha khiahta cha, Ahy hmah pahy thei aw vei.

HLAZY 105:34

Abeipa ta bie reih ta, Khawsuzy vaw pua ei ta; Khawsu chi to rei tiah leizy ama vaw pua.

HLAZY 107:34

Râh phapa chhao râh chhiepa a pachâsa haw, A chhôh liata a pahrâpazy paraona vâta.

ZÔELA 2:25

Khawsu zaw ta a nie khai hapa nama kôveizy kha, Ei cha thô aw ei; Tykâ nata kurizy ta ama nie khai hapazy chhao, Cha thô aw ei na ta; Khawthlôhraihpa nata chângyuzy ta ama nie khai hapazy Ei cha thô aw ei.

AMÔSÂ 4:7

“Sâh hria daihti thla thôh a y chy nota, Vâsua cha pakhâpa ei na ta; Khihpi miakha liata avâ pasuasa na ta, Khihpi hropa liata avâ ei pakhâ; Lyu miakha ta avâ hmô ta, Avâ a hmô leipa lyu cha a chawh tyh.

MALUHREINA 14:12

Hri ta hrie aw ei na ta, ei pamua aw ei; chatanachata nâma liana heta âmo hlâta rônah viapa nata thatlô viapa phopi ei padua aw,” tah ta.

LUKA 4:25

Châhrasala biedopa ei cha chho ei. Elaizâh hro nota, kô thôh nata thla charu avâ a khaw ta, râh zydua liata chakâhna thata a tlô nona kha, Izarei liata nôhmei hluhpi ama y.

RYHPACHANEINA 11:17

Chata a châ khiahta cha, Abeipa pathi nama chô liata ia aw ta, avâ khaw aw ta, avâ sua leipa aw ta, alei ta thei pathei leipa aw ta, Abeipa ta râh phapa a cha piepa tawhta thlai nama leidia aw.

BIEPHUAH 11:6

Hrohsona bie ama rei chhôh noh zydua avâ suah lei awpa ta avâ khaw theina hmotaotheina ama hnei. Ama khona daihti maihta thisaih lâta pachâsa awpa ta tizy chô liata chhao biehnei ei ta, khizaw he potlana to ta hrie awpa ta bie ama hnei hra.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.