2 THÂTIHZYRONA 7:10 - Mara Bible RV (BSI)

¹⁰ Thla sarina, noh kih nata noh thôhna noh ta, zawpizy cha ama o lâ chyu padisa ta. Abeipa ta Dâvi nata Sawlawmaw nata a phopi Izarei sawzy chô liata a phana a palâsapa zydua vâta, alypa nata thaphapa ta ama o lâ chyu a di ha ei ta.

2 THÂTIHZYRONA 7:10 ပူးပေါင်းရင်းမြစ်များ

1 ABEIZY 8:66

A noh chariena noh ta zawpizy cha papaisa ta, abei cha byhnâ awpa ei ta, Abeipa ta a chakaotuhpa Dâvi nata a phopi Izarei chô liata phana a palâsapa zydua vâta, a ly ngaitapa nata palôh tlâh ngaitapa ta ama o chyu lâ amâ di haw.

2 THÂTIHZYRONA 29:36

Ama pangiasa leipa ta, eikhapi ta hmo vaw y ta, Khazohpa ta zawpizy châta â chhuanohpa hmozy vâta, Hezekia nata zawpi zydua cha amâ ly ngaita.

2 THÂTIHZYRONA 30:26

Zerusale khihpi cha thaphana ta bie ta, Dâvi sawchapawpa Izarei bei Sawlawmaw daihti tawhta, cha hawhpa hmo cha Zerusale liata y beih vei.

2 THÂTIHZYRONA 6:41

“Hy Zehôvâh Khazohpa y, Tahmâ thyu la, Na thatlôna Byh chhaota, Nâ pahâna su lâ sie mah y. Hy Zehôvâh Khazohpa y, Na theihthaipazy pachhana ta tobi la, Na mopathaihpazy na phana liata y mawh ei sy.

2 THÂTIHZYRONA 7:11

Sawlawmaw ta Abeipa o nata abei o cha paloh ta. A palôh ta â chhuahpa hawh tlai ta, Abeipa o chhôh lâ nata ano o chhôh lâta tao awpa zydua chhao a phapa ta paloh khai ta.

2 THÂTIHZYRONA 7:9

Maisâh hlâna nata kyhchhina noh sari ama hmâ khai tawhta, a noh chariena noh ta pakhypi pathaihpa hmâh ei ta.

NEHEMIAH 8:10

Nehemiah ta ama hnohta, “Nama o lâ chyu a di u la, sa thawhpa kei nie u la, kresawhti thlôhpa doh u la, a chhuanoh hmâ leipazy hnohta niedozy paphao teh u. Tanoh he eima Beipa châta noh pathaihpa a châ hih. Pachârôhpa ta y khah u. Abeipa alyna cha nama thatlôna châ tlôh ta,” tah ta.

HLAZY 100:2

Alyna chôta Abeipa chakao u la, Hla sana chôta a hmiakô liata a vy teh u!

HLAZY 105:3

A moh pathaihpa parônahsa u la, Abeipa a tluatuhpazy palôh cha, Thaphapa ta y mawh sy!

HLAZY 106:5

Chatanachata nâ tlyhpazy byhnâ topa to hra aw na ta, Na phopi thaphana liata a lypa ta, Na ryuto rônahna liata ei hlao hra aw.

HLAZY 32:11

Hy mosiapazy saih u, Abeipa liata a lypa nata thaphapa ta y u la, Hy nâmo, palôh dopazy saih u, Thaphapa ta rahao teh u!

HLAZY 92:4

Hy Abeipa, na raihria vâta ei thapha ta, Na ku raihriazy vâta alyna hla ei sa.

PUASAINA 18:1

Khazohpa ta a phopi Izarei sawzy nata Mawsi chô liata a hmotaopa zydua nata Abeipa ta Izarei sawzy Izi râh tawhta â kaw chhi papuazie zy cha, Midia theihthaipa, Mawsi puhpa Zetharô ta vaw thei ta.

EZEKIA 45:25

“Thla sarina, noh hrawh hleipangawhna noh ta pathaopa kyhchhina noh sari chhôh zydua ta, cha hawhna chata tao aw ta, moleina hlânazy, raopa hlânazy, niepa hlânazy nata sathaw hlâ awpazy châta â chhuanoh lymâ aw.

HMOTAOPAZY 16:34

Lyuhchâpazy cha a o lâ a chhi ta, âmo châta pati taopa ta, Khazohpa amâ ngiapâ hapa vâta ano nata a chhôhkha zydua ta a ly ngaita ei ta.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 12:18

Nâmo nata nama sawchapawzy, nama sawchanôzy, nama seichapawzy, nama seichanôzy nata Livai chi nama khih liata a ypazy ta, Abeipa nama Khazohpa ta su a rao awpa liata nie aw ei chi ta, nama ku raihria theilâpa cha, Abeipa nama Khazohpa hmiakô liata thaphapa ta nama nie aw.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.

RYHPACHANEINA 16:14

Cha kyhchhi cha, nama sawchapawzy, nama sawchanôzy, nama seichapawzy, nama seichanôzy, Livai chi nama khih liata a ypazy, chihropazy, paw hnei leipazy nata nôhmeizy chhaota thaphapa ta nama hmâh tyh aw.

PHILIPI 4:4

Abeipa liata khâ a ly teh u; ei tah heih aw, a ly teh u.