2 THÂTIHZYRONA 7:1 - Mara Bible RV (BSI)

¹ Sawlawmaw ta thlah a chhâ khaipata nahta, avâ tawhta mei za tla ta, raopa hlâna nata atheihna sazy kâ khai ta, Abeipa rônahna ta Achhyna o cha bie ha ta.

2 THÂTIHZYRONA 7:1 ပူးပေါင်းရင်းမြစ်များ

ÂTHAONA 15:17

Noh tla ta a vaw zoh nahta, lômathu tawhta meikhuh nata meirei tawhta meipaleih ia ngâpa a vaw luah ta, sa patlawpazy likawh liata vaw sie pahlie ta.

1 ABEIZY 18:24

Nâmo ta nama khazoh moh pado aw ei chi ta, kei chhao Abeipa moh ei pado aw. Chatanachata mei ta a vaw chhytuhpa Khazohpa cha, ano tlai cha Khazohpa cha a châ,” tah ta. Zawpi zydua ta a chhy ei ta, “Cha bie cha a pha na,” tah ei ta.

1 ABEIZY 18:38

Chatanachata Abeipa mei cha vaw tla ta, raopa hlâna nata thozy nata alôzy nata dohlei zy cha kâ patlô khai ha ta, khaohtlô liata ti chhao palie khai ha ta.

1 ABEIZY 9:1

Sawlawmaw ta Zehôvâh Khazohpa o nata abei o cha sa khai ta, o a sa khohpa zydua a paloh khaipa nahta,

1 THÂTIHZYRONA 21:26

Dâvi ta cha liata Abeipa châta maisâh tao ta, raopa hlânazy nata aryhna hlânazy hlâ ta. Abeipa pado ta, Abeipa ta avâ tawhta mei ta a zâ chhy ta, raopa hlâna chô liata mei za tla ta.

HLAZY 26:8

Hy Abeipa, na yna o tlaichhai kaw na ta, Na rônahna pahrâna su ei tlaichhai ngaita.

PUASAINA 19:18

Abeipa ta Sinai Tlâh liata mei ta a za chôpa vâta, tlâh cha meikhuh ta pahly khai ha ta. Cha meikhuh cha patina meikhuh hawh tlai ta avâ lâ kiah ta, a tlâh duata thata a chalyu ta.

PUASAINA 29:43

Cha liata Izarei sawzy chhao a tyh tyh hra aw ei na ta, chatanachata poh o cha ei rônahna ta pathaisapa a châ aw.

ISAI 65:24

Eina aw hlâ ei ta chhy aw ei na ta, Bie ama rei hai nota ei thei aw ei.

EZEKIA 43:5

Thlahpa ta na chalo ta, dôhpachhôh tlyhmia chhôh lâ nâ chhi ta. Abeipa rônahna ta Achhyna o cha pabie khai ha ta.

EZEKIA 44:4

Chatawhcha maw lâ a heihpa chhikao lâ tawhta Achhyna o tlyhmia lâ nâ chhi ta. Moh na ta, Abeipa Achhyna o cha Abeipa rônahna ta a bie khai hapa ta hmô na ta. Â khu lâta pao na ta.

DÂNIAH 9:20

Keima moleina nata ei phopi Izarei sawzy moleina palâhâhpa ta, reihpha cheipa ta thlahchhâ na ta, Abeipa ei Khazohpa hmiakô liata ei Khazohpa tlâh pathaihpa châta hiana ei tlôkhei ngâ nota,

MALAKHAI 3:4

Chatanachata Zudâh nata Zerusale hmohlâpazy cha, hlâno nohzy nata hlâno kôzy hawhna khata Abeipa châta palôhtlâh chhihpa hmo a châ heih aw.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.

RYUREITUHPAZY 6:21

Abeipa vâlyuhchâpa ta a chôchahrei chabapa pawhmao ta sa nata viahchhâ cha kei saoh ta, lôpanô tawhta mei vaw pua ta, sa nata viahchhâ thinô pahlao leipa cha a kâ khai haw. Chatawhcha Abeipa vâlyuhchâpa ta Kidia cha siesai ha ta.