2 THÂTIHZYRONA 6:6 - Mara Bible RV (BSI)

⁶ Tahmâ deikua cha, ei moh y nawpa châta Zerusale a tlyh ha na ta, ei phopi Izarei chhituhpa châta Dâvi ei tlyh haw,’ tahpa ta reih ta.

2 THÂTIHZYRONA 6:6 ပူးပေါင်းရင်းမြစ်များ

2 ABEIZY 21:4

Abeipa ta, “Zerusale liata ei moh ei paysa aw,” a tahna su, Abeipa o liata khazoh hropa maisâhzy padua ta.

2 ABEIZY 21:7

Abeipa ta Dâvi nata a sawchapawpa Sawlawmaw hnohta, “He o nata Zerusale khihpi, Izarei chi zydua tawhta ei tlyhpa liana heta ei moh chhâzaw ta ei paysa aw,” a tahna su Achhyna o liata Aseri tôh nothlâhpa a taopa soh ta.

1 THÂTIHZYRONA 17:5

Izi râh tawhta Izarei ei kaw chhi papua noh tawhta tanoh taihta, o liata pahrâ leipa na ta, poh o miakha tawhta miakha lâ a pasie na ta, achhyna byureih miakha tawhta miakha lâ ei pasie lymâ.

1 THÂTIHZYRONA 17:7

Chavâta tahmâ nâ chakaotuhpa Dâvi hnohta hetana heta kei chho teh, ‘Pheisaihzy Abeipa ta hetana heta a tah, ei phopi Izarei chô liata ryureituhpa châ awpa ta, sibiepa su tawhta nata mietakuzy na vaina tawhta cha la papua na ta,

1 THÂTIHZYRONA 28:4

Chatahrasala Abeipa Izarei Khazohpa ta, kei he Izarei bei ta chhâzaw ta y awpa ta, ei paw chhôhkha zydua hry tawhta nâ tlyh ta. Zudâh cha chhituhpa châta a tlyh ta, Zudâh chi tawhta ei paw chhôhkha a tlyh ta, ei paw sawchapawzy hry tawhta kei cha Izarei zydua chô liata bei châ awpa ta a ly kawpa ta nâ tlyh ta.

2 THÂTIHZYRONA 12:13

Bei Rehôbaw cha Zerusale liata liahsa a pa-i ta, ryureih lymâ ta. Rehôbaw cha â bei pathao nota kô sypalih nata kô khapa a châ. Abeipa ta a moh y nawpa ta Izarei chi zydua tawhta â tlyhpa khihpi Zerusale liata kô hrawh hleisari a bei ta. A nô moh cha Amawna zuah Nâmâh a châ.

2 THÂTIHZYRONA 20:8

He râh liata pahrâ ei ta, he liata na moh châta supathaihpa padua ei ta,

2 THÂTIHZYRONA 30:8

Châ pathlatuhpazy hawhta palôh kuhchhapa ta y leipa u la, Abeipa lâta tlao a ngiarih u la, chhâzaw châta a pathaisapa a supathaihpa liata a ngia u la, Abeipa nama Khazohpa cha chakao muh vy. Chatanachata a hiehâhna ru ngaitapa chata a cha kuasai aw ei.

2 THÂTIHZYRONA 33:4

Abeipa ta, “Zerusale liata chhâzaw ta ei moh a y aw,” a tahna Abeipa o liata khazoh hropa maisâhzy padua ta.

2 THÂTIHZYRONA 6:20

Chatanachata he su lâ he a vaw heih la, châ chakaotuhpa ta he su lâ a heihpa ta a thlahchhâna he nathlie la, ‘Cha liata ei moh a y aw,’ na tahna su, he o lâ tlai he chhô nah zâ ta na mo tawpâ thlâh ha mah y.

2 THÂTIHZYRONA 6:5

Abeipa ta, ‘Izi râh tawhta ei phopi Izarei sawzy ei chhi papua noh tawhta, Izarei chizy hry liata kheihawhpa khih hmahta ei moh y nawpa o sa nawpa ta a tlyh beih leipa na ta, ei phopi Izarei chhituhpa châta ahy hmah a tlyh bei hra va na.

2 THÂTIHZYRONA 7:16

He o liata ei moh chhâzaw ta a y thei nawpa ta, he o he a tlyh na ta, ei pathaisa haw. He liana heta ei mo nata ei palôh chhâzaw ta a y thlâh ha aw.

EZRÂ 7:16

Babylaw râh zydua liata tâkâ nata ngôh na hmôpazy nata zawpi nata theihthaipazy ta Zerusale liata ama Khazohpa o châta âmo lôhthai ta ama piepazy na phaoh khai aw.

HLAZY 122:2

Hy Zerusale, eima pheizy cha, Na chhikaozy thaby liata â duah thlâh hih!

HLAZY 132:13

Abeipa ta Zaio a tlyh ta, A pahrâ nawpa su châta a khoh.

HLAZY 48:1

Abeipa cha rônah ta, Eima Khazohpa khihpi tlâh pathaihpa liata, Rônah ngaitapa ta reithai awpa a châ.

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

ISAI 14:32

Râh vyuhpa lyuhchâpazy cha, Kheihta a chhy awpa ma a châ aw? “Abeipa ta Zaio padua ha ta, A phopi saw pasa a taopazy cha, Cha liata amâ chhai aw,” Tahpa ta a chhy awpa a châ.

ZEKARIA 2:12

Abeipa ta Zudâh cha Râh Pathaihpa liata a ryu patosa aw ta, Zerusale cha â tlyh heih aw.”

ZEKARIA 3:2

Abeipa ta Sâtâ hnohta, “Nâ Sâtâ, Abeipa ta a cha ra! Zerusale a tlyhtuhpa Abeipa ta a cha ra! Kha chyhsa kha mei tawhta thothu a daophipa châ vei ma?” tah ta.

1 SAMUELA 16:1

Abeipa ta Samuela hnohta, “Sawla cha Izarei chô liata bei châta ei khoh khao leipa châ ta, ano vâta khachâ ma pachârôhpa ta na y aw? Na saki ôh liata sathaw pabie la, sie teh. Bethlehe khihpa Zese lâta ei cha tuah aw. A sawchapawzy hry liata pakha keima châta bei ta ei rao haw,” tah ta.