2 THÂTIHZYRONA 6:5 - Mara Bible RV (BSI)

⁵ Abeipa ta, ‘Izi râh tawhta ei phopi Izarei sawzy ei chhi papua noh tawhta, Izarei chizy hry liata kheihawhpa khih hmahta ei moh y nawpa o sa nawpa ta a tlyh beih leipa na ta, ei phopi Izarei chhituhpa châta ahy hmah a tlyh bei hra va na.

2 THÂTIHZYRONA 6:5 ပူးပေါင်းရင်းမြစ်များ

1 ABEIZY 8:16

Abeipa ta, ‘Izi râh tawhta ei phopi Izarei ei chhi papua noh tawhta, ei moh y nawpa o sa nawpa su châta, Izarei chizy hry liata kheihawhpa khih hmahta a tlyh beih va na. Châhrasala ei phopi Izarei hyutuhpa châta Dâvi cha ei tlyhpa a châ,’ tah ta.

2 ABEIZY 21:4

Abeipa ta, “Zerusale liata ei moh ei paysa aw,” a tahna su, Abeipa o liata khazoh hropa maisâhzy padua ta.

1 THÂTIHZYRONA 17:5

Izi râh tawhta Izarei ei kaw chhi papua noh tawhta tanoh taihta, o liata pahrâ leipa na ta, poh o miakha tawhta miakha lâ a pasie na ta, achhyna byureih miakha tawhta miakha lâ ei pasie lymâ.

2 THÂTIHZYRONA 12:13

Bei Rehôbaw cha Zerusale liata liahsa a pa-i ta, ryureih lymâ ta. Rehôbaw cha â bei pathao nota kô sypalih nata kô khapa a châ. Abeipa ta a moh y nawpa ta Izarei chi zydua tawhta â tlyhpa khihpi Zerusale liata kô hrawh hleisari a bei ta. A nô moh cha Amawna zuah Nâmâh a châ.

2 THÂTIHZYRONA 20:8

He râh liata pahrâ ei ta, he liata na moh châta supathaihpa padua ei ta,

2 THÂTIHZYRONA 20:9

‘Eima chô liata chhiena, zaozi ta pachiana tlyma, potlana tlyma, chakâhna tlyma a vaw tlô khiahta cha, he o he na moh yna o a châpa vâta, he o hmiakô liata nata na hmiakô liata a duah aw pi ta, eima nôpona liata cha pado aw pi ta, miah thei aw chi ta, miah na pachha aw.

2 THÂTIHZYRONA 30:8

Châ pathlatuhpazy hawhta palôh kuhchhapa ta y leipa u la, Abeipa lâta tlao a ngiarih u la, chhâzaw châta a pathaisapa a supathaihpa liata a ngia u la, Abeipa nama Khazohpa cha chakao muh vy. Chatanachata a hiehâhna ru ngaitapa chata a cha kuasai aw ei.

2 THÂTIHZYRONA 33:4

Abeipa ta, “Zerusale liata chhâzaw ta ei moh a y aw,” a tahna Abeipa o liata khazoh hropa maisâhzy padua ta.

2 THÂTIHZYRONA 33:7

Khazohpa ta Dâvi nata a sawchapawpa Sawlawmaw hnohta, “He o nata Zerusale khihpi, Izarei chi zydua tawhta ei tlyhpa liana heta ei moh chhâzaw ta ei paysa aw,” a tahna Achhyna o liata ano taopa khazoh nothlahpa soh ta.

2 THÂTIHZYRONA 6:20

Chatanachata he su lâ he a vaw heih la, châ chakaotuhpa ta he su lâ a heihpa ta a thlahchhâna he nathlie la, ‘Cha liata ei moh a y aw,’ na tahna su, he o lâ tlai he chhô nah zâ ta na mo tawpâ thlâh ha mah y.

2 THÂTIHZYRONA 6:4

Sawlawmaw ta, “Ei paw Dâvi hnohta a pakah ta bie a taih ta, a ku ta a bietai a patlôtuhpa Abeipa, Izarei Khazohpa cha reithaipa ta y mawh sy!

2 THÂTIHZYRONA 6:6

Tahmâ deikua cha, ei moh y nawpa châta Zerusale a tlyh ha na ta, ei phopi Izarei chhituhpa châta Dâvi ei tlyh haw,’ tahpa ta reih ta.

2 THÂTIHZYRONA 7:16

He o liata ei moh chhâzaw ta a y thei nawpa ta, he o he a tlyh na ta, ei pathaisa haw. He liana heta ei mo nata ei palôh chhâzaw ta a y thlâh ha aw.

EZRÂ 7:16

Babylaw râh zydua liata tâkâ nata ngôh na hmôpazy nata zawpi nata theihthaipazy ta Zerusale liata ama Khazohpa o châta âmo lôhthai ta ama piepazy na phaoh khai aw.

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

PUASAINA 23:21

Na nah pachôhpa ta, a bie nathlie la, ano cha chakhia khah y. Ei moh ano liata y tlôh ta, chavâta nama paraonazy a ngiahthai aw vei.

DÂNIAH 9:19

Hy Abeipa, thei la, Hy Abeipa, a ngiahthai mah y. Hy Abeipa, nathlie la, hria mah y. Na moh vâta, na khihpi nata na moh a phaohpa na phopi vâta, Hy ei Khazohpa, hawh khah y,” tah na ta.

ZEKARIA 3:2

Abeipa ta Sâtâ hnohta, “Nâ Sâtâ, Abeipa ta a cha ra! Zerusale a tlyhtuhpa Abeipa ta a cha ra! Kha chyhsa kha mei tawhta thothu a daophipa châ vei ma?” tah ta.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:5

“Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.

1 SAMUELA 10:24

Samuela ta zawpi zydua hnohta, “Abeipa ta â tlyhpa chyhsa he nama hmô ma? Chyhsa zydua hry liata ano hawhpa rai y veih ei,” tah ta. Zawpi zydua ta, “Abei cha hroh pareih mawh sy!” tahpa ta awh ei ta.

1 SAMUELA 15:23

Chhoruna cha pachaopa moleina nata a lyu ta, Akhotlâhna chhao nothlah a chhypa thaileichâna hawh a châ. Abeipa bie na khoh leipa vâta, Ano chhao ta bei châta cha khoh khao vei,” tah ta.