2 THÂTIHZYRONA 6:34 - Mara Bible RV (BSI)

³⁴ “Na phopi ta ama chariahzy a dyuh awpa ta sie ei sala, kheihawhpa lâpi lâ tawhta na tuapa chhao ta, nâ tlyhpa khihpi nata na moh châta ei sapa o lâ he a heihpa ta nâ lâta thlah ama chhâ khiahta cha,

2 THÂTIHZYRONA 6:34 ပူးပေါင်းရင်းမြစ်များ

1 ABEIZY 8:13

Na chhâzaw pahrâna su châta, O rônahpa ei cha sapa haw,” tah ta.

2 THÂTIHZYRONA 18:31

Talailih pheisaih hyutuhpazy ta Zehôsaphâ ama hmôpata nahta, “Izarei bei a châ huh,” tah ei ta. Ano cha a heihnaopa ta a dyuh ei ta. Zehôsaphâ cha awh ta, Abeipa ta bao ta, a chadaituhpazy cha Khazohpa ta a pakuasa ha ei.

2 THÂTIHZYRONA 20:4

Zudâh pathlazy cha Abeipa baona hiah awpa ta a hmaohpakhy ei ta. Abeipa tlua awpa ta Zudâh khihpi to tawhta vaw tlô ei ta.

2 THÂTIHZYRONA 6:33

na pahrâna su vârâh tawhta vaw nathlie la, chihropa ta a cha hiapa cha taopa mah y. Chatanachata khizaw phopi zydua ta na moh pahno aw ei ta, Izarei sawzy ta eima cha chipa hawhta, âmo chhao ta cha chi aw ei ta, o ei sapa he na moh a phaohpa a châ tahpa ama pahno aw.

2 THÂTIHZYRONA 6:35

ama thlahchhâna nata ama hiana cha vârâh tawhta vaw nathlie la, ama chhâh a châ mah y.

2 THÂTIHZYRONA 6:6

Tahmâ deikua cha, ei moh y nawpa châta Zerusale a tlyh ha na ta, ei phopi Izarei chhituhpa châta Dâvi ei tlyh haw,’ tahpa ta reih ta.

ISAI 14:32

Râh vyuhpa lyuhchâpazy cha, Kheihta a chhy awpa ma a châ aw? “Abeipa ta Zaio padua ha ta, A phopi saw pasa a taopazy cha, Cha liata amâ chhai aw,” Tahpa ta a chhy awpa a châ.

DÂNIAH 6:10

Pakhâna biepiepa cha moh ro thlupa a châ haw tahpa a pahnopa nahta, Dâniah cha a o lâ thlai a di ta. A o chô chhâh opyzy cha Zerusale lâ paheipa ta pahypa châ ta. A vaw tao tyhpa hawhta, noh kha ta ei thôh a pakhu paneihpa ta, a Khazohpa hmiakô liata thlahchhâpa ta alyna bie reih ta.

1 SAMUELA 15:18

Abeipa ta raihria awpa ta cha tuah ta, ‘Sie la moleipa sahlao Amale mo cha tlokhuh kei pahleipadia khai la, ama leidia khai hlâlei nâ dyuh aw ei,’ cha tah ta.

1 SAMUELA 15:3

Chavâta tahmâ sie la, Amale a kei dyuh la, a hneipa zydua kei pahleipadia khai teh. Khâpa hmah na pahlôh awpa châ vei. Chanô nata chapaw, hawti nata hawsaih, viahchao nata mietaku, râraoseihpa nata alâ zy na thie khai awpa a châ,’” tah ta.