2 THÂTIHZYRONA 6:23 - Mara Bible RV (BSI)

²³ vârâh tawhta vaw nathlie la, châ chakaotuhpazy cha pachia la, thailei a châpa cha a hmotaopa a luh chô liata patlôsapa ta viarithô la, mosiapa cha thaipachâsa la, a siana yzie hawhta lymâ pie mah y.

2 THÂTIHZYRONA 6:23 ပူးပေါင်းရင်းမြစ်များ

2 ABEIZY 9:26

Abeipa ta, ‘Zâhnia Nâbô thisaih nata a sawchapaw­zy thisaih ei hmô. He su liana tlai heta viari ei cha thô aw,’ a vaw tah hapa a châ. Chavâta tahmâ Abeipa bie hawhta, chalo la, he lei su liana tlai heta thy teh,” tah ta.

2 THÂTIHZYRONA 6:22

“Chyhsa ahy tlyma a vaih chô liata hmo a paraopa vâta bie pataihsa awpa byuh sala, he o lâ a vypa ta na maisâh hmiakô liata bie â taih khiahta cha,

HLAZY 10:14

Na hmô mâh tâh, Ruchhôna nata nôchhiena zy ngiapa ta, Na ku liata soh chi ta; Dyhchhiepa ta cha pangai ta, Paw hnei leipa baotuhpa na châ.

BIESOZY 1:31

Âmo yzie thei nie aw ei ta, Âmo hmotaopazy ta lôhrâ amâ patlô aw.

BIESOZY 17:15

Moleipa thai a pachâsatuhpa cha, Abeipa châta pasichhihpa châ ta; Mosiapa thailei a pachâsatuhpa chhao, Abeipa châta pasichhihpa a châ.

ZEREMIAH 51:56

Babylaw cha paraotuhpa ta a vaw tlô thlu hai; A pasaiphazy patupa châ aw ei ta, Ama libawzy thlie pachhôpa a châ aw; Abeipa cha viari a thôpa Khazohpa châ ta, Viari a thô thlyu aw.

EZEKIA 18:20

Moleina a taotuhpa ta a hrona a pahlei aw. Sawchapaw­pa ta a paw paraona phaoh leipa aw ta, a paw chhao ta a sawchapawpa paraona phaoh aw vei. Mosiapa siana cha mosiapa chô liata y aw ta, moleipa moleina chhao moleipa chô liata a y aw.

MALUHREINA 5:27

Ti a padosa khai tawhta hetana heta a vaw y aw: A papuapaleipa ta, a vahpa châta ngâchhih leipa ta a y ha tlai khiahta cha, chhiesana a patlôsapa ti cha a chhôh lâ a ngia aw ta, thata vaw pasa aw ta, a py vaw thloh aw ta, a byhpi a vaw zaoh aw. Chatanachata chanô cha a phopi hry liata chhiesapa ta a y aw.

RAWMA 2:8

Âmo pha nawpa sai tluapa ta, biehmeiseihpa zyh leipa ta, sialeina a zyhtuhpazy chô lia deikua cha, pathiiana nata hiehâhna a y aw.

RYHPACHANEINA 25:1

“Chyhsazy ta ama likah liata biepeipa ama hnei khiahta cha, ryureina lâ tlôkhei aw ei ta, ryureituhpazy ta ama pachia aw. Mosiapa cha thai pachâsa aw ei ta, moleipa cha thailei ama pachâsa aw.