2 THÂTIHZYRONA 6:16 - Mara Bible RV (BSI)

¹⁶ Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei ryhpa ama zyh lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

2 THÂTIHZYRONA 6:16 ပူးပေါင်းရင်းမြစ်များ

1 ABEIZY 2:4

Chatanachata Abeipa ta keima kyh liata, ‘Na pathlazy ta ama lâpi pakhâta ta pachâ ei sala, ama pathipalôh tlokhuh ta nata ama thlahpa tlokhuh ta ei hmiakô liata ngâchhihpa ta ama y khiahta cha, Izarei beidyuchhai liata a tyuh awpa chie aw veih ei,’ tahpa ta a reipa kha a pa-i aw.

1 ABEIZY 6:12

“He Achhyna o na sa haipa kyh liata, ei bieraopazy a pyhpa ta, ei ryureinazy a ngiahpa ta, ei biepiepa zydua zyhpa ta nâ chhih khiahta cha, na paw Dâvi hnohta bie ei vaw taih hapazy kha nâma liata ei patlô aw.

2 THÂTIHZYRONA 13:5

Izarei bei châna cha Dâvi nata a sawchapawzy hnohta, Izarei Khazohpa Zehôvâh ta alôh ta biehraipa ta, chhâzaw châta a piepa a châ tahpa a pahnopa châ veih ei chi ma?

2 THÂTIHZYRONA 21:7

Chatahrasala Abeipa ta Dâvi hnohta bie a vaw hrai hapa vâta nata ano nata a pathlazy taihta chhâzaw châta meiôh pie awpa ta bie â vaw taih hapa vâta, Abeipa ta Dâvi pathla cha pahleipadia khoh vei.

2 THÂTIHZYRONA 23:3

Zawpi ahmaohpakhypa zydua ta abei hnohta Khazohpa o liata biehrai tao ei ta. Zehôdâ ta ama hnohta, “Abei saw he moh teh u! Abeipa ta Dâvi pathlazy thâtih a vaw rei hapa hawhta, ano he â bei awpa a châ.

2 THÂTIHZYRONA 6:17

Chavâta Hy Abeipa, Izarei Khazohpa y, châ chakaotuhpa Dâvi hnohta na reipa bie kha ngiachhiepa ta pa-i mah y.

2 THÂTIHZYRONA 7:17

Nâ chhao, na paw Dâvi hawhta ei mohmô liata y la, bie ei cha piepa zydua tao la, ei bieraopazy nata ei pachianazy na zyh khiahta cha,

2 THÂTIHZYRONA 7:18

na paw Dâvi hnohta, ‘Izarei chô liata ryu a reih awpa na pathla tawhta chie aw veih ei,’ tahpa ta bie ei hrai hapa hawhna khata, nâ beina beidyuchhai cha ei pa-i lymâ aw.

HLAZY 119:1

Hrozie phapakipa chyhsazy cha nohlao ei ta, Abeipa ryhpa a chhihtuhpazy cha ama nohlao na!

HLAZY 119:9

Thyutliapa ta kheihta a hro a pathaihsa thei aw? Na bie hawhta a hro a vaih khiahta cha, A hro a pathaihsa thei aw.

HLAZY 132:11

Abeipa ta Dâvi hnohta hetana heta bie a taih ha ta, A bietai pathleih aw vei: “Na sathei pakha na beidyuchhai liata patyu aw na ta,

HLAZY 132:12

Na sawzy ta ei biehrai zyhpa ta, Âmo ei pachu awpa ei bieraopazy ama zyh khiahta cha, Ama sawzy chhâzaw ta na beidyuchhai liata amâ tyuh lymâ aw.”

HLAZY 26:3

Na ngâchhihna ei hmiakô liata y ta, Na biehmeiseihpa liata a hrohpa ei châ.

EZEKIA 36:37

“Abeipa Zehôvâh ta hetana heta a tah: Izarei pathlazy ta ama phopi maluh sahroh zaw hawhta papôhsa awpa ta ama hia awpa ei pasaih aw.