2 THÂTIHZYRONA 6:12 - Mara Bible RV (BSI)

¹² Chatawhcha Sawlawmaw cha Izarei a hmaohpakhypa zydua mohmô ta Abeipa maisâh hmiakô liata a duah ta, a ku pazawh ta.

2 THÂTIHZYRONA 6:12 ပူးပေါင်းရင်းမြစ်များ

2 ABEIZY 11:14

Mohmia pasaih ta, abei cha taozietyhpa hawhta, otôh kiapâh liata a duah ta, pheisaih hyutuhpazy nata chiahmie tôtuhpazy cha abei kiapâh liata a duah ei ta, râh chyhsa zydua ta thapha ngaitapa ta y ei ta, chiahmiezy thata ama tôpa hmô ta. Athaliah cha a chysiazy hrie ta, “Râh apaphasaina, Râh apaphasaina!” tahpa ta awh ta.

2 ABEIZY 23:3

Abei cha otôh liata a duah ta, Abeipa hmiakô liata biehrai tao ta. Abeipa hnôh pazipa ta, a biepiepazy, a biepahnokheipazy nata a bieraopazy cha a pathipalôh tlokhuh ta nata a thlahpa tlokhuh ta zyh ta, cha châbu liata â rohpa biehrai biezy hawhta tao lymâ awpa ta biehrai tao ta. Zawpi zydua chhao ta biehrai tao ei ta.

2 THÂTIHZYRONA 6:11

Cha liata Abeipa ta Izarei sawzy hnohta a hraipa Abeipa Biehrai yna Byh ei soh haw,” tah ta.

2 THÂTIHZYRONA 6:13

Sawlawmaw cha dawh laitlâ, a doh lâ dy pangawh, a hâ lâ dy pangawh, â sâhna lâ dy thôh ta tao ta, Achhyna o dôhpachhôh tlyhmia liata a patyupa chô liata a duah ta. Izarei zawpi zydua hmiakô liata a pakhu paneih ta, avâ lâ a heipa ta a bâh pazawh ta, hetana heta thlah a chhâ.

ZAWBÂ 11:13

“Na palôh a chhuahdy la, Ano lâ na kuzy pazawh la,

HLAZY 141:2

Ei thlahchhâna he, Ropahâhpa hawhta na hmiakô liata châ sala; Ei ku chaluahpa he, Zâlâ atheihna hawhta châ mawh sy!

HLAZY 143:6

Ei kuzy nâ lâta pazawh tyh na ta, Ei thlahpa cha nâma vâpa ta alei hipa hawhta a dâh a phi tyh. Selah

HLAZY 28:2

Na baona hiapa ta cha pado na ta, Na su pathaih chaipa lâ ei kuzy ei pazawh tita, Zawngiahna ei châ hiana ao thei mah y.

HLAZY 63:4

Ei hro chhôh zydua ta cha reithai aw na ta, Na moh ta ei kuzy ei chaluah aw.

HLAZY 68:31

Izi râh tawhta lyuhchâpazy a khy aw ei ta, Kusi ta Khazohpa lâ a ku thlai a pazawh aw.

PUASAINA 9:33

Mawsi cha Phiraoh tawhta a pasiepa ta khihpi khôtho lâ pua ta, Abeipa lâ a ku pazawh ta. Chatanachata tôkalôhpa nata pareih cha a chalih ei ta, avâ chhao alei chô liata â vaw hia haw.

ISAI 50:10

Nama hry liata ahy ei Abeipa cha chi ta, A chakaotuhpa bie a zyh tly? Zohna liata chareipa ta Khaihna rai a hnei leipa chyhsa chata, Abeipa moh cha ngâ sala, A Khazohpa cha a ngâchhâ mawh sy.

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.