2 THÂTIHZYRONA 5:13 - Mara Bible RV (BSI)

¹³ Chiahmie tôtuhpazy nata hlasatuhpazy cha â raohpa ta, ao kha hawhta ao papuapa ta, Abeipa reithaipa ta alyna hla sa ei ta. Hla a vaw puapa nahta, chiahmie pyu, paotlâ pyu nata pyungiapa chhaichhi pyu hropazy vaw pua ta, “Ano cha pha ta, A zawngiahna cha chhâzaw ta a y aw,” tahpa ta Abeipa ama reithai nahta, Abeipa o cha meihdo ta vaw bi ha ta;

2 THÂTIHZYRONA 5:13 ပူးပေါင်းရင်းမြစ်များ

1 THÂTIHZYRONA 16:4

Dâvi ta Livai pathla thokhazy cha Abeipa Byh hmiakô liata chakao ta, Abeipa, Izarei Khazohpa lâ thlahchhâpa ta, alyna bie reih ta, reithai awpa ta rao ta.

2 THÂTIHZYRONA 20:21

Zawpi a pasyu khai nahta, pheisaihzy hmia lâta siepa ta, Abeipa lâta hla sa ta, “Abeipa hnohta alyna bie reih teh u, A zawngiahna chhâzaw ta y tlôh ta,” tahpa ta, Abeipa pathaihna rônahzie a reithai awpazy a rao ei.

2 THÂTIHZYRONA 20:22

Reithaina hla ama sa pathaopa nahta, Abeipa ta Zudâh a dyuh awpa ta a vaw puapa Amawna mo, Mô­abâ mo nata Seirâ Tlâh mo a byh awpazy soh ta, âmo cha ama pahnie haw.

2 THÂTIHZYRONA 7:1

Sawlawmaw ta thlah a chhâ khaipata nahta, avâ tawhta mei za tla ta, raopa hlâna nata atheihna sazy kâ khai ta, Abeipa rônahna ta Achhyna o cha bie ha ta.

2 THÂTIHZYRONA 7:2

Abeipa rônahna ta Abeipa o cha a pabie hapa vâta, theihthaipazy cha Abeipa o lâ a ngia thei khao leipa ei ta.

2 THÂTIHZYRONA 7:3

Izarei saw zydua ta avâ tawhta mei a za tlapa nata Achhyna o chô liata Abeipa rônahna cha ama hmô nahta, lôphia phawpa siphiah chô liata ama hmia alei lâ a khupa ta a bôh ei ta, “Abeipa cha pha ta, A zawngiahna chhâzaw ta a y aw,” tahpa ta Abeipa cha a chhy ei ta, ano lâ alyna bie ama reih.

2 THÂTIHZYRONA 7:6

Theihthaipazy nata Livai pathlazy cha ama su chyu liata a duah ei ta, Abeipa lâ alyna bie reina, “A zawngiahna chhâzaw ta a y,” tahpa hla cha pyungiapa chhaichhizy nata patlapa ta sa ei ta. Âmo dady liata theihthaipazy ta chiahmie tô ei ta, Izarei saw zydua cha a duah thlâh ha ei ta. Cha hla nata pyungiapa chhaichhizy cha Bei Dâvi ta Abeipa reithai nawpa ta a hmâ tyhpa, pyungiapa chhaichhizy chhaota theihthaipazy a pasasa tyhpa hla a châ.

EZRÂ 3:11

Abeipa liata amâ lyna nata ano reithaina cha, “Abeipa cha pha ta, A zawngiahna cha, Izarei chô liata chhâzaw ta a y,” tahpa ta hla ta amâ chhy palie. Abeipa o lôbô ama bô hapa vâta, zawpi zydua ta ao paro ngaitapa ta awh ei ta, Abeipa ama reithai.

NEHEMIAH 12:27

Zerusale thokhy hlâna liata, paotlâzy nata tlaipihzy nata totâzy chhaota hlasapa nata alyna bie reipa ta, thokhy hlâna cha a ly ngaitapa ta hmâpa a châ thei nawpa ta, Livai pathlazy cha ama yna su chyu tawhta Zerusale lâ a vy khai awpa ta pahnosapa châ ei ta.

HLAZY 100:5

Abeipa cha pha ta, A kyhpachâna cha chhâzaw châta a daih ta, A ngâchhihna chhâ zydua taihta â daih.

HLAZY 106:1

Abeipa cha reithai u la, Alyna bie hlâ teh u! Ano cha pha ta, A kyhpachâna a tleih beih leipa a châ.

HLAZY 107:1

Abeipa cha pha ta, A kyhpachâna tlyzaw ta a tleih beih leipa a châpa vâta, Alyna bie hlâ teh u!

HLAZY 118:1

Abeipa lâ alyna bie hlâ teh u, Ano cha pha ta, A kyhpachâna chhâzaw ta a tleih beih leipa a châ.

HLAZY 150:3

Chiahmie pyu ta ano cha reithai u la, Tlaipih nata totâ ta ano cha reithai teh u!

HLAZY 150:5

Paotlâ reih pakyhpa ta ano cha reithai u la, Paotlâ reih chhiehpa ta ano cha reithai teh u!

HLAZY 22:4

Miah pathlatuhzy ta cha ngâ ei ta, Cha ngâ ei ta, na pachha ei.

HLAZY 81:2

Reithaina hla sapa ta khoh tô u la, Totâ nata tlaipih pyu ngiapazy tô teh u.

PUASAINA 29:43

Cha liata Izarei sawzy chhao a tyh tyh hra aw ei na ta, chatanachata poh o cha ei rônahna ta pathaisapa a châ aw.

ISAI 52:8

Na riahvaituhpazy ama ao papua ei ta, Â raohpa ta alyna hla ama sa. Zaio lâ Abeipa a vaw kua tita, Hmiachhy ta ama hmô aw.

ZEREMIAH 32:39

Âmo pha nawpa nata âmo hnôhlâ ta ama pathlazy pha nawpa ta chhâzaw ta eina chi thei nawpa ei ta, palôh miakha paphaosa aw ei na ta hrozie miakha ei pahneisa aw ei.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

HMOTAOPAZY 4:32

Ngiapâtuhpa manôh zydua cha palôh miakha nata pachâna su kha ta y ei ta. Ahy hmahta a sôh hneipazy cha ano eih sai ta rao leipa ta, hmo zydua a hly khai ei ta.

RAWMA 15:6

Chatanachata Khazohpa nata eima Beipa Zisu Krista Paw cha, reihkha tlapa ta nama reithai khoh thei aw.

BIEPHUAH 15:8

Achhyna byureih cha Khazohpa rônahna nata hmotaotheina khuh ta bie ha ta. Vâlyuhchâpa pasarizy tawhta potlana miasarizy a chhâ hlâlei cha, achhyna byureih liata ahy hmah a ngia thei veih ei.