2 THÂTIHZYRONA 4:7 - Mara Bible RV (BSI)

⁷ A taonazie awpa raopa hawhta, ngôh ta meiôh patyuna miahrawh tao ta, Achhyna o chhô liata chho lâchhâh miapangawh, maw lâchhâh miapangawh soh ta.

2 THÂTIHZYRONA 4:7 ပူးပေါင်းရင်းမြစ်များ

1 ABEIZY 7:39

Chatawhcha patyunazy cha Achhyna o chho lâ liata miapangawh soh ta, Achhyna o maw lâta miapangawh soh hra ta, tipâh laipa cha chho nochhi lâ liata a patyu.

1 ABEIZY 7:49

Achhyna o chhôh supathaihpa hmiakô liata, chho lâ miapangawh nata maw lâ miapangawh ta sopa ngôh suapa meiôh tôhzy; ngôh pawpizy, ngôh meiôhzy, ngôh chaikiezy;

1 THÂTIHZYRONA 28:12

Abeipa o dôhpachhôh tlyhmia, tlyhmia a chadôpa chhôhpadâhpa zydua, Khazohpa o sôh sopakhynazy nata hmohlâpa pathaihpa sopakhynazy châta a pachhuapanohnazy chhao pie ta.

1 THÂTIHZYRONA 28:14

Chakaona chi nanopazy châta ngôh hmobaoh taona liata ngôh hmâ awpa zie zy, tâkâ hmobaoh taona liata tâkâ hmâ awpa zie zy,

1 THÂTIHZYRONA 28:15

ngôh meiôh patyunazy nata meiôhzy taona châta ngôh hmâ awpa zie zy, meiôh patyuna miakha nata meiôh miakha châta ngôh hmâ awpa zie zy, tâkâ meiôh patyuna miakha nata a meiôhzy châta tâkâ hmâ awpa zie zy cha, chakaona châta meiôh patyuna tao nawpa ta hmâ byuhpa zie lymâ hawhta a chho khai.

1 THÂTIHZYRONA 28:19

Dâvi ta, “He zydua he, Abeipa ta ano ku tlai ta a ropa na pie ta, â chhuahna nata a taozie awpa zydua eina pahnosapa a châ,” tah ta.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

HEBRAI 8:5

Theihthaipazy cha vârâh hmo nothlahpa nata nohpahlipazy ama chakao tyh. Mawsi kha achhyna byureih a sa chy ta a hnohta, “Hmo to a taozie awpa tlâh liata ei cha pahmôpa hawhna khata na tao khai awpa a châ,” tahpa ta a taozie chhopa a châ.

BIEPHUAH 1:20

Ei ku chachâh lâta awhsi miasari na hmôpazy nata ngôh meiôh patyuna miasari na hmôpazy kyh liata bienyupa cha he he a châ: Awhsi miasarizy cha awnanopa hlao sarizy châta vâlyuhchâpazy châ ei ta, meiôh patyuna miasarizy cha awnanopa hlao sarizy ama châ,” tah ta.