2 THÂTIHZYRONA 4:6 - Mara Bible RV (BSI)

⁶ A si nawpa ta rahô miahrawh tao ta, chho lâ miapangawh, maw lâ miapangawh patyu ta. Chazy cha raopa hlâna châta hmâpa hmobaohzy pasi nawpa châ ta, tipâh cha theihthaipazy a si nawpa châta a châ.

2 THÂTIHZYRONA 4:6 ပူးပေါင်းရင်းမြစ်များ

1 ABEIZY 7:38

Chatawhcha dawh biebuh miahrawh tao ta. Biebuh cha a chhôh dy palih a thupa châ ta, kachu sypalih â tlôh. Patyuna miahrawhzy châta biebuh miakha chyu taopa a châ.

1 ABEIZY 7:40

Hirâ ta beihzy, buchâh linazy nata biebuhzy tao hra ta. Chatanachata Hirâ ta Abeipa o sana liata Bei Sawlawmaw châta a tao awpa zydua cha patlô ta.

2 THÂTIHZYRONA 4:2

Chatawhcha dawh tipâh ahlôpa tao ta, a chhôh dy hrawh tla ta, dy pangawh a sâh ta, dy sythôh ahlôpa a châ.

HLAZY 51:2

Ei paraona tawhta liahsa na pasi la, Ei moleina tawhta na pathaisa mah y!

PUASAINA 29:4

Arawna nata a sawchapawzy cha ahmaohna poh o chhikao lâ a vaw chhi aw chi ta, âmo cha ti ta na pasi aw ei.

PUASAINA 30:17

Abeipa ta Mawsi hnohta,

EZEKIA 40:38

Raopa hlânazy pasi nawpa ta, ochhi eihpa a hneipa chhôhpadâhpa miakha chhikao o aikah liata y ta.

THEIHTHAINA 1:13

A chhôrihzy nata a pheizy deikua cha, ti ta a pasi tua awpa a châ. Theihthaipa ta a zydua ta hlâ aw ta, maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 1:9

A chhôrihzy nata a pheizy deikua cha, ti ta a pasi tua awpa a châ. Theihthaipa ta sa cha a zydua ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

HEBRAI 9:23

Chavâta vârâh hmo a lyupazy hmahta atheihnazy ta pathaisa awpa a byuh khiahta cha, vârâh hmo hmeiseihpazy chhochhi cha, chazy hlâta atheihna pha via syulyupa ta pathaisapa ta a y awpa rai a châ.

1 ZAWHÂNA 1:7

Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.