2 THÂTIHZYRONA 4:19 - Mara Bible RV (BSI)

¹⁹ Sawlawmaw ta Khazohpa o hmobaoh zydua tao ta. A taopazy cha, ngôh maisâh nata Ypâna viahchhâ sona tlâhkhaizy;

2 THÂTIHZYRONA 4:19 ပူးပေါင်းရင်းမြစ်များ

2 ABEIZY 24:13

Abeipa ta a vaw reipa hawhta, Abeipa o liata ryusôhpa zydua nata abei o liata ryusôhpa zydua cha Babylaw bei ta a siekhei khai haw. Izarei bei Sawlawmaw ta Abeipa Achhyna o liata ngôh hmobaoh a taopa zydua chhao a pakeichheih khai haw.

1 THÂTIHZYRONA 28:16

Viahchhâ chaluahpa tlâhkhai miakha châta ngôh hmâ awpa zie nata tâkâ tlâhkhaizy châta tâkâ hmâ awpa zie zy;

2 THÂTIHZYRONA 2:3

Sawlawmaw ta Tyre bei Hirâ lâ chyhsa tuah ta, a hnohta, “Ei paw Dâvi chô liata hmo pha tao chi ta, a pahrâ nawpa o sa nawpa ta sidy thozy, na vaw paphaopa hawhna khata, kei chhao na taopa hra mah y.

2 THÂTIHZYRONA 36:10

Châhvâ daihti liata, Bei Nebukaneza ta Zerusale lâ chyhsa tuah ta, Abeipa o liata hmobaoh sôhpazy chhaota Bei Zehôkhi cha Babylaw lâ ama siekhei haw. Nebukaneza ta Zehôkhi unawhpa Zedekia cha Zudâh nata Zerusale bei ta a tao.

2 THÂTIHZYRONA 36:18

Khazohpa o liata hmobaoh zydua, a laipa chhao, a chyhpa chhao, Abeipa o liata sôh sopakhypa zydua, abei sôh nata a beimachâzy sôhzy taihta Babylaw râh lâ a siekhei khai haw.

2 THÂTIHZYRONA 4:8

Tlâhkhai miahrawh tao ta, Achhyna o chhôh liata chho lâchhâh miapangawh, maw lâchhâh miapangawh soh ta. Ngôh rahô chhao za kha a tao.

ZEREMIAH 28:3

Babylaw bei Nebukaneza ta he su tawhta Abeipa hmobaohzy la ta, Babylaw lâ a siekhei hapa zydua kha, kô no chhôh ta he su liata ei vaw tlôkhei heih aw.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

MATHAI 12:4

Khazohpa o liata a ngia ta, ano nata a hnohta a ypazy châta nie pasai leipa, theihthaipazy deita nie theipa Ypâna Viahchhâ ama niepa kyh kha thei beih veih ei chi ma?

BIEPHUAH 8:3

Vâlyuhchâpa hropa a vy ta, ngôh ropahâhpa raona byh chhaota maisâh kiapâh liata a vaw duah ta. Ropahâhpa hluhpi a hnohta piepa châ ta, cha cha mopathaihpa zydua thlahchhânazy chhaota beidyuchhai hmiakô ta ngôh maisâh chô liata hlâ awpa a châ.

BIEPHUAH 9:13

Chatawhcha vâlyuhchapa pacharuna ta a chiahmie vaw tô ta, Khazohpa hmiakô liata ngôh maisâh ki palihzy tawhta ao thei na ta.