2 THÂTIHZYRONA 4:1 - Mara Bible RV (BSI)

¹ Dawh maisâh tao ta, a doh lâ dy kih, a hâ lâ dy kih, â sâhna lâ dy hrawh a châ.

2 THÂTIHZYRONA 4:1 ပူးပေါင်းရင်းမြစ်များ

1 ABEIZY 8:22

Chatawhcha Sawlawmaw cha Izarei a hmaohpakhypa zydua mohmô ta Abeipa maisâh hmiakô liata a duah ta, avâ lâ a ku pazawh ta,

1 ABEIZY 8:64

Cha noh lilaw liata, Abeipa o laihmia lâta dôhpachhôh tlyhmia liah chaipa cha, Bei Sawlawmaw ta Abeipa hmiakô liata pathaisa ta. Cha liata raopa hlâna, niepa hlâna nata aryhna hlâna thawzy hlâ ta. Abeipa hmiakô liata dawh maisâh cha raopa hlâna, niepa hlâna nata aryhna hlâna thaw hlâ nawpazy châta a chyh tu hapa vâta, dôhpachhôh tlyhmia liata hlâpa a châ.

1 ABEIZY 9:25

Sawlawmaw ta Abeipa châta maisâh a taopa liata kô kha ta ei thôh raopa hlâna nata aryhna hlâna hlâ tyh ta. Abeipa hmiakô liata maisâh liana chata ropahâhpazy chhao rao tyh ta. Chatanachata Achhyna o cha a paloh haw.

2 THÂTIHZYRONA 1:5

Hurâ sawchapawpa Uri saw­chapawpa Bezale ta dawh maisâh a taopa chhao kha, Kibiô liata Abeipa achhyna byureih kiapâh liata y ta. Sawlawmaw nata zawpizy ta maisâh cha kei pangai ei ta.

2 THÂTIHZYRONA 15:8

Ôdedâ sawchapawpa Azariah biereipazy cha Âsâ ta a thei nahta, a riah a papha ta. Nothlahpa pasichhihpazy cha Zudâh nata Benzami râh zydua nata Epharai tlâh râh khihpi a lapazy tawhta pahlei khai ta. Abeipa o aikah liata Abeipa maisâh padua pathi ta.

2 THÂTIHZYRONA 29:18

Chatawhcha Bei Hezekia lâ vawh ei ta, a hnohta, “Abeipa o cha pathai khai ha pi ta, raopa hlâna maisâh nata a chhaichhi zydua nata viahchhâ chaluahpa tlâhkhai nata a chhaichhi zydua chhao eima pathai khai haw.

2 THÂTIHZYRONA 7:7

Sawlawmaw ta Abeipa o laihmia lâta dôhpachhôh tlyhmia liah chaipa cha pathaisa ta. Cha liata raopa hlâna nata aryhna hlâna thaw zy hlâ ta. Sawlawmaw taopa dawh maisâh cha raopa hlâna, niepa hlâna nata sa thaw zy hlâ nawpa châta a chyh tupa vâta, tlyhmia liah liata a hlâpa a châ.

2 THÂTIHZYRONA 8:12

Sawlawmaw ta o hmia lâta aikah liata a taopa Abeipa maisâh chô liata, Abeipa lâ raopa hlânazy hlâ ta.