2 THÂTIHZYRONA 34:9 - Mara Bible RV (BSI)

⁹ Theihthai beichaipa Hikia lâ vawh ei ta, chyhsazy ta Khazohpa o lâ ama vaw cheipa sôhzy kei pie ei ta. Cha sôh cha ochhi vaituhpa Livai pathlazy ta Manase mo, Epharai mo, Izarei laibâhpazy, Zudâh mo nata Benzami mo nata Zerusale khihsawzy tawhta ama lapakhypa a châ.

2 THÂTIHZYRONA 34:9 ပူးပေါင်းရင်းမြစ်များ

2 THÂTIHZYRONA 35:8

A beimachâzy chhao ta zawpizy, theihthaipazy nata Livai pathlazy châta âmo lôhthai ta thyu hra ei ta. Khazohpa o hyutuh laipa Hikia, Zekaria nata Zehie zy ta Zawpakhô atheihna hlâna châta, theihthaipazy hnohta Zawpakhô mietakutaw 2,600 nata viahchao tôhpa 300 pie ei ta.

2 THÂTIHZYRONA 30:18

Zawpi hluh via, Epharai mo, Manase mo, Iskâra mo nata Zebulawna mozy ta ryhpa hawhta a pathai tua leipa ta Zawpakhô pati cha nie ei ta. Hezekia ta, “Abeipa phapa ta chyhsa to a ngiahthai sala,

2 THÂTIHZYRONA 30:10

Châ phaohtuhpazy ta Epharai nata Manase râh zydua liata khih to chahryh lymâ ei ta, Zebulawna taihta ama sie. Châhrasala pahneisao ei ta, mohnaopa ta pasipasawh ei ta.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

2 THÂTIHZYRONA 34:22

Chatanachata Hikia nata abei tuapazy cha hrohsonô Huldâ lâ vawh ei ta, abei bie reipa kyh a kei saohiah ei ta. Hrohsonô Huldâ cha Sâluh lapinô châ ta, Sâluh cha Tôkhâ sawchapawpa châ ta, Tôkhâ cha chysiazy vaituhpa Hâsrâh sawchapawpa a châ. Hrohsonô Huldâ cha Zerusale vaih nona liata a pahrâpa a châ.

2 THÂTIHZYRONA 34:20

Abei ta Hikia, Sâphâ sawchapawpa Ahikâ, Mikâ sawchapawpa Abadaw, chârohtuhpa Sâphâ nata bei chakaotuhpa Asiah zy biepie ta, ama hnohta,

2 THÂTIHZYRONA 34:18

Chârohtuhpa Sâphâ ta abei hnohta, “Theihthaipa Hikia ta châbu eina pie,” tah ta. Chatanachata Sâphâ ta châbu cha abei hmiakô liata reih ta.

2 THÂTIHZYRONA 31:1

Cha zydua cha ama tao khai nahta, cha liata a ypa Izarei saw zydua ta Zudâh khihpizy lâ sie ei ta, lôbôzy nata Aseri tôhzy pakeichheih khai ei ta. Zudâh, Benzami, Epharai nata Manase râhzy liata su sâhpa zydua nata maisâh zydua pacho khai ei ta. Cha khai tawhta, Izarei saw zydua cha ama khihpi nata ama olyu chyu lâta a di ha ei ta.

2 ABEIZY 23:4

Chatawhcha Abei ta theihthai beichaipa Hikia nata ano a pazipa theihthaipazy nata chhikao vaituhpazy cha Abeipa Achhyna o chhôh liata Bâlâ nata Aseri nata avâ liata a ypa zydua châta taopa hmobaoh zydua cha puakhei khai awpa­ta biepie ta. Chazy cha Zerusale khôtho lâ Kidaraw lyurâhpazy liata abei ta mei ta rao ta, a paohpazy Bethel lâ siekhei ta.

2 THÂTIHZYRONA 34:10

Cha sôh cha Abeipa o raihria mohôhtuhpazy hnohta pie ei ta. Abeipa o raihria mohôhtuhpazy ta o pasiepakaona nata taopathina rai hria nawpa ta, sôh cha ama pie pachhuah tyh.