2 THÂTIHZYRONA 34:3 - Mara Bible RV (BSI)

³ Zôsia cha â beina kô chariena liata, hawtipa a châ thlâh ha chy nota, a pathlatuhpa Dâvi Khazohpa cha tlua pathao ta. Kô hrawh hleino â bei kô ta, Zudâh râh nata Zerusale khihpi liata su sâhpazy, Aseri tôhzy, khazoh nothlahpa khiepa nata leihpazy a parao khai haw.

2 THÂTIHZYRONA 34:3 ပူးပေါင်းရင်းမြစ်များ

1 ABEIZY 13:2

Khazohpa chyhsa chata Abeipa bie ta maisâh cha awsao ta, “Hy maisâh, maisâh, Abeipa ta hetana heta a tah: ‘Nathlie teh, Dâvi pathlazy hry liata sawchapawpa, a moh Zôsia vaw pih aw ta, na chô liata atheihna a hlâ tyhpa su sâhpa theihthaipazy kha thie aw ta, âmo cha na chô liata vaw hlâ aw ta, chyhsapa rureihzy na chô liata raopa a châ aw,’” tah ta.

2 ABEIZY 10:27

Bâlâ nothlahpazy parao ei ta, Bâlâ achhyna o chhao parao ei ta, tanoh taihta ie o ta hmâpa a châ.

2 ABEIZY 18:4

Su sâhpazy parao ta, lôbôzy pacho ta, Aseri tôhzy a chhawh pachhô khai haw. Mawsi ta dawh parih a taopa chhao kha a pakeichheih khai haw, cha daihti taihta Izarei sawzy ta Nehustâ ama tahpa dawh parih lâ cha atheihnazy ama hlâ thlâh ha chypa vâta.

2 ABEIZY 20:5

“Kua la, ei phopi hyutuhpa Hezekia hnohta, Abeipa, châ pathlatuhpa Dâvi Khazohpa ta hetana heta a tah: ‘Na thlahchhâna thei na ta, na mothlihzy ei hmô haw. Nathlie teh, cha patlâh aw na ta, noh thôhna noh ta Abeipa o lâ na khy aw.

2 ABEIZY 23:14

Lôbôzy pakeichheihpa ta, Aseri tôhzy thlu ta, cha suzy cha chyhsapa ruzy ta pabie ta.

2 ABEIZY 23:4

Chatawhcha Abei ta theihthai beichaipa Hikia nata ano a pazipa theihthaipazy nata chhikao vaituhpazy cha Abeipa Achhyna o chhôh liata Bâlâ nata Aseri nata avâ liata a ypa zydua châta taopa hmobaoh zydua cha puakhei khai awpa­ta biepie ta. Chazy cha Zerusale khôtho lâ Kidaraw lyurâhpazy liata abei ta mei ta rao ta, a paohpazy Bethel lâ siekhei ta.

1 THÂTIHZYRONA 22:5

Dâvi ta, “Ei sawchapawpa Sawlawmaw cha hawtipa châ ta, hmo yzie pahno tu mâh leipa ta, Abeipa châta o sa awpa hra cha, râh zydua liata a pathâhpa o laipa nata rônahpa a châ awpa châ tlôh ta. Chavâta Khazohpa o sa nawpa cha kei ta ei chhuanoh chhielie aw,” tah ta. Chatanachata Khazohpa o sa nawpa chhaichhi zydua cha Dâvi ta a thi hlâta â chhuanoh khai haw.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

1 THÂTIHZYRONA 29:1

Chatawhcha Bei Dâvi ta zawpi ahmaohpakhypa zydua hnohta, “Ei sawchapawpa Sawlawmaw he, ano deita he Khazohpa ta â tlyhpa châ ta, châhrasala hawtipa a châ chypa vâta hmo pahno tu mâh vei. O rônahpa sa awpa cha chyhsapa châta châ leipa ta, Zehôvâh Khazohpa châta a châpa vâta rai lai ngaitapa châ ta.

2 THÂTIHZYRONA 14:6

Râh cha thlalôhpa ta a ypa vâta, thokhy hneipa khihpizy Zudâh râh liata padua ta. Abeipa ta apahâna a piepa vâta, cha kôzy liata chariah a dyuhpa hnei vei.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 30:14

Thyu ei ta, Zerusale liata maisâhzy nata ropahâhpa raona maisâh zydua la ei ta, Kidaraw chavah lâ thy ei ta.

2 THÂTIHZYRONA 33:15

Chihropa khazohzy nata khazoh nothlahpazy Abeipa o tawhta la papua khai ta, Abeipa o tlâh liata nata Zerusale liata maisâh a taopa zydua chhao khihpi khôtho lâ a thy khai haw.

2 THÂTIHZYRONA 33:17

Chatanachôta chyhsazy ta su sâhpazy liata atheihna hlâ thlâh ha chy ei ta, châhrasala Abeipa ama Khazohpa lâta ama hlâ tyh.

2 THÂTIHZYRONA 33:22

A paw Manase hawhta Abeipa mohmô liata hmo pha leipa tao ta. A paw Manase taopa khazoh nothlahpa zydua lâta atheihnazy hlâpa ta, khazoh nothlahpazy cha chakao ta.

2 THÂTIHZYRONA 34:33

Chatanachata Zôsia ta hmo pasichhihpa zydua Izarei râh zydua tawhta pahlei khai ta, Izarei râh liata a pahrâpa zydua Abeipa ama Khazohpa a chakaosa khai ha ei. Zôsia hro chhôh zydua Izarei sawzy ta Abeipa, ama pathlatuhpazy Khazohpa hnôh ama pazipa tleisai veih ei.

HLAZY 119:9

Thyutliapa ta kheihta a hro a pathaihsa thei aw? Na bie hawhta a hro a vaih khiahta cha, A hro a pathaihsa thei aw.

HLAZY 71:5

Hy Abeipa, nâ cha ei hnabeiseihna châ chi ta, Hy Abeipa, ei hawti no tawhta ei ngâchhâpa na châ.

PUASAINA 34:13

Ama maisâhzy pacho aw ei chi ta, ama lôbôzy pakei khaipa ta, ama Aseri tôhzy nama chhawh pachhô khai awpa a châ.

BIESOZY 20:11

Hawtipa chhao a hro a pathaih nata pathaih leizie zy, Â do nata do leizie zy, A hmotaopa liata anosasyh ta a palâsa tyh.

BIESOZY 8:17

Kyh nâ pachâtuhpazy cha ama kyh pachâ na ta, Palôh hmeiseihpa ta nâ tluapazy ta eina hmô ei.

BIECHHOTUHPA 12:1

Na thyutliana nohzy liata, châ Taotuhpa a thei thlâh ha mah y. Chhiena nohzy a vaw tlô hlâta nata “Alyna rai hnei va na,” na tahna kôzy â vaw hnia hlâta;

THEIHTHAINA 26:30

Nama su sâhpazy parao aw na ta, nama noh khazoh nothlahpazy papao aw na ta, nama khazoh nothlahpazy ri chô liata nâmo ri ei pacho aw. Ei hro ta a châ hao aw ei.

MIKÂ 1:5

Cha zydua cha Zakaw paraona vâta châ ta, Izarei phopi moleina vâta a châ. Zakaw paraona cha khâpa maw? Samâri châ vei ma? Zudâh su sâhpa cha khâpa maw? Zerusale châ vei ma?

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.