2 THÂTIHZYRONA 32:8 - Mara Bible RV (BSI)

⁸ Ano chhâh a châpa cha sapa pheisaih châ ei ta, keimo chhâh a châpa cha Abeipa eima Khazohpa a châ. Ano ta miah bao aw ta, eima chariah miah â dyuhpa aw,” tahpa ta thapatlôna bie reih ta.

2 THÂTIHZYRONA 32:8 ပူးပေါင်းရင်းမြစ်များ

2 ABEIZY 18:5

Hezekia cha Abeipa, Izarei Khazohpa ngâ ta, ano daihti hlâta Zudâh beizy hry liata ano hawhpa y leipa ei ta, ano khai tawh chhao ta y khao veih ei.

2 ABEIZY 6:16

Elaisâh ta, “Chi khah y, âmo chhâh a châpa hlâta keimo chhâh a châpa ama hluh via mâh tâh,” tah ta.

1 THÂTIHZYRONA 5:22

Adyuhna cha Khazohpa eih a châpa vâta, Rubena chi, Kâdâ chi nata Manase chi khophiezy ta Hâkari mo nata ama hnohta a ypa hluhpi cha thiepa ta papao ei ta, Izarei sawzy seichâna lâ siekheipa ta ama yna daihti taihta Hâkari mo râh liana cha ama pahrâ haw.

2 THÂTIHZYRONA 13:12

Pachâ teh u, eima hnohta y ta, keimo miah chhituhpa cha Khazohpa châ ta, a theihthaipazy ta ama chiahmiezy tô ei ta, nâmo a dyuh awpa ama pahrua. Hy Izarei sawzy saih u, Abeipa châ pathlatuhpazy Khazohpa cha a dyuh cheita khuh vy. Nama hlaotloh aw vei,” tah ta.

2 THÂTIHZYRONA 14:10

Âsâ cha Zerâ a dyuh awpa ta kei pua ta, Mâresâ liata Zephathâ saikao liata a kei paziah ei ta.

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

2 THÂTIHZYRONA 16:7

Cha nota hrohsopa Hânani cha Zudâh bei Âsâ la a vy ta, a hnohta, “Abeipa na Khazohpa liata a pahnieh leipa chi ta, Aramia bei liata nâ pahniehpa vâta, Aramia bei pheisaihzy na ku tawhta ama pua haw.

2 THÂTIHZYRONA 20:15

Zahâzie ta, “Nâmo, Zudâh râhsaw zydua nata Zerusale khihsaw zydua nata Bei Zehôsaphâ y, nathlie teh u. Abeipa ta nama hnohta, ‘Chi leipa u la, pheisaih hri hluh ngaitapazy vâta ngiarohpa ta y hra khuh vy. Adyuhna cha nâmo adyuhna châ leipa ta Khazohpa adyuhna a châ.

2 THÂTIHZYRONA 20:17

He adyuhna he nâmo a dyuh awpa byuh aw vei. Namâ duana liata â ipa ta a duah u la, Hy Zudâh mo nata Zerusale mo saih u, nâmo vyuhpa ta Abeipa pachhana cha moh teh u,’ a tah. Chavâta chi leipa u la, a ngiaroh hra khuh vy. A dyuh awpa ta mylâ pua teh u. Abeipa nama hnohta a y aw,” tah ta.

2 THÂTIHZYRONA 20:20

A mylâ mydi kari ta thyu ei ta, Tekô râhchawhpa lâ sie ei ta. Ama sie hai nota, Zehôsaphâ cha a duah ta, “Hy Zudâh pathla nata Zerusale khihsawzy saih u, na nathlie teh u! Abeipa nama Khazohpa cha zo u la, â ipa ta namâ duah thei aw. A hrohsopazy zo u la, nama hlao a tloh aw,” tah ta.

2 THÂTIHZYRONA 32:15

Chavâta Hezekia a padôveisa leipa u la, cha hawhta a châ chhi chhei awpa ei namâ pasaih awpa châ vei. Hezekia kha zo khuh vy. Kheihawhpa phopi nata khinarâh khazoh hmahta keima ku tawhta tlyma, nâ pathlatuhpazy ku tawhta tlyma, a phopi a pachha theipa y beih veih ei. Nâmo Khazohpa ma ei ku tawhta zua châ pachha aw ei?” tah ta.

ZAWBÂ 40:9

Khazohpa bâh hawhpa bâh na hnei ma? Ano ao hawhta tôkalôhpa a thuapa ao na papua thei ma?

HLAZY 118:8

Chyhsapa ngâpa hlâta, Abeipa a chhaipa a pha via.

HLAZY 20:7

Thokha ta talailihzy ngâ ei ta, Ahropazy ta arâzy ama ngâ; Keimo deikua cha Abeipa eima Khazohpa moh eima ngâ.

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 46:7

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

BIESOZY 12:25

Palôh rietheina ta chyhsa tha pachhâ ta, Bie phapa deikua ta a palysa tyh.

ISAI 30:32

Abeipa ta chôchahrei rao chiehpa hmâpa ta âmo a tuna maih liata, paotlâ nata totâ zy ta patla panô tyh aw ei ta, a chôchahrei hmâpa ta âmo cha â dyuh aw ei.

ISAI 31:3

Izi mo cha Khazohpa châ veih ei, Chyhsapa dei ama châ; Ama arâzy chhao thlahpa châ veih ei, Sapa dei ama châ. Abeipa ta a ku a pazawh tita la, Baotuhpa a chapia aw ta, A baopa chhao pao aw ta, Ama zydua ta hmaohkha ta ama leidia aw.

ISAI 36:18

Hezekia ta, “Abeipa ta miah a pachha aw,” tahpa ta a châ chhi chhei lei nawpa ei ta a vaih teh u. Râh hropazy khazohzy hry liata, Asuria bei ku tawhta a râh a pachha theipa khazoh a y beih ma?

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 8:10

Pachânazy cha reih pahmaoh teh u, Châhrasala khâpa hmah châ aw vei; Bie cha reih teh u, Châhrasala a duah aw vei, Khazohpa eima hnohta a ypa vâta.

ZEREMIAH 17:5

Abeipa ta hetana heta a tah: “Chyhsapa a ngâchhâpa ta, A sapa cha a thatlôna ta hmâh ta, Abeipa a heihsaina palôh a hneipa cha, Chhiesapa ta y mawh sy.

ZEREMIAH 42:11

Babylaw bei nama chi kawpa he chi khuh vy. A ku tawhta cha pachha awpa nata cha papua awpa ei ta, ei cha ypâ thlâh ha ei mâh tâh. Chavâta ano cha chi khuh vy, Abeipa ta a tah.

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

HMOTAOPAZY 18:10

Na hnohta ei y mâh tâh, cha pasasa awpa ta ahy hmahta na chô liata ama ku hy aw veih ei, he khihpi liata chyhsa hluhpi ei hnei,” tah ta.

RYHPACHANEINA 20:1

“Nama chariahzy a dyuh awpa ta nama sie tita, nâmo hneipa hlâta hluh viapa arâzy, talailihzy nata pheisaihzy nama hmô nahta, âmo cha nama chi awpa châ vei. Izi râh tawhta châ kaw chhi papuatuhpa Abeipa nama Khazohpa nama hnohta a y aw.

RYHPACHANEINA 20:3

Theihthaipa ta zawpi hnohta, ‘Hy Izarei, nathlie teh, tanoh cha nama chariahzy a dyuh awpa ta, adyuhna lâ nama sie aw. Riahchhiepa ta y khuh vy. Chi leipa u la, a chalyu hra leipa u la, âmo vâta thlazohpa ta y khuh vy.

RYHPACHANEINA 20:4

Abeipa nama Khazohpa nama hnohta sie aw ta, nama chariahzy châ dyuhpa aw ei ta, a cha pachha aw ei,’ a tah aw.

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.

2 TIMAWTHY 4:22

Abeipa cha na thlahpa hnohta y mawh sy. Ngiachhiena nama hnohta y mawh sy.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

1 ZAWHÂNA 4:4

Sawzy saih u, nâmo la, Khazohpa tawhtapa châ ei chi ta, nâmo liata a ypa cha khizaw liata a ypa hlâta a rônah viapa vâta, chazy cha nama tiah haw.

1 SAMUELA 17:45

Dâvi ta Philistinâ chyhsa hnohta, “Nâ cha zaozi nata seipi nata seichhi zy chabapa ta naw puahnao chi ta, kei deikua la, Pheisaihzy Abeipa, Izarei pheisaihzy Khazohpa, na pahaopa moh ta ei vaw pua.