2 THÂTIHZYRONA 32:19 - Mara Bible RV (BSI)

¹⁹ Zerusale Khazohpa cha, khizaw phopizy khazohzy hawhta, ku ta taopa khazoh a châ hrazie reih ei ta.

2 THÂTIHZYRONA 32:19 ပူးပေါင်းရင်းမြစ်များ

1 ABEIZY 20:28

Khazohpa chyhsa ta Izarei bei cha a kei hnia ta, bie a chho ta, a hnohta, “Abeipa ta hetana heta a tah: ‘Aramia mo ta, “Abeipa cha tlâhzy khazoh châ ta, saikaozy khazoh châ vei,” tah ei ta, chavâta he zawpi hluh ngaitapazy he na ku liata cha pie aw na ta, kei he Abeipa cha ei châ tahpa nama pahno aw,’” tah ta.

2 ABEIZY 19:18

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

2 THÂTIHZYRONA 32:20

Cha hawhpa bie ama reipa vâna chata, Bei Hezekia nata Amôza sawchapawpa hrohsopa Isai cha thlahchhâpa ta avâ lâ awh ei ta.

2 THÂTIHZYRONA 6:6

Tahmâ deikua cha, ei moh y nawpa châta Zerusale a tlyh ha na ta, ei phopi Izarei chhituhpa châta Dâvi ei tlyh haw,’ tahpa ta reih ta.

HLAZY 74:18

Hy Abeipa, he he a thei mah y; Chariahpa ta cha pahneisao ta, Phopi hrupa ta na moh a reipachhie.

HLAZY 78:68

Zudâh chi tlao a tlyh ta, A kyhpachâpa Zaio Tlâh tlao â tlyh haw.

ISAI 14:32

Râh vyuhpa lyuhchâpazy cha, Kheihta a chhy awpa ma a châ aw? “Abeipa ta Zaio padua ha ta, A phopi saw pasa a taopazy cha, Cha liata amâ chhai aw,” Tahpa ta a chhy awpa a châ.

ISAI 2:8

Ama râh cha khazoh nothlahpazy ta bie ta, Ama ku ta ama taopazy hmia liata a bôh ei ta, Âmo kuparo ta a taopazy hmia liata amâ bôh tyh.

ISAI 37:19

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

ZEREMIAH 1:16

Chatawhcha na siesai ei ta, khazoh hropazy lâta ropahâhpa raopa ta, âmo ku ta taopa amâ chhyna moleina zydua vâta, âmo kyh liata ei pachiana zydua ei phuah aw.

ZEREMIAH 10:3

Phopizy phôryhpazy cha hraoleipa deita ama châ. Râhmâhpa liata tho thlu ei ta, Ahrei hmâpa ta zôthaipa ku ta khazoh nothlahpa ama tao.

ZEREMIAH 10:9

Tâsi tawhta tâkâ daipa vaw phaoh ei ta, Upha tawhta ngôh ama vaw phao tyh. Chazy cha zôthaipa ta a taopazy châ ei ta, Ngôh daihtuhpa kuzôzy ama châ. Ama chysiazy cha anohpa nata nohsaihpa châ ei ta, Zôthaipa taopa sai ama châ.

ZEREMIAH 32:30

Izarei pathlazy nata Zudâh pathlazy cha ama thyutlia no tawhta ei mohmô liata hmo pha leipa sai a taopa ama châ. Izarei pathlazy cha, ama ku ta a taopazy ta ei hie na pahâh awpa dei pahno ei ta, ama tao hropa y vei, Abeipa ta a tah.

EZEKIA 25:8

“Abeipa Zehôvâh ta hetana heta a tah: Môabâ nata Seirâ ta, ‘Zudâh pathlazy cha phopi hropazy nata amâ nanona y vei,’ ama tahpa vâta,

EZEKIA 35:13

Na pakah ta ei chô liata nâ palai thlupa ta, keima chakhiana bie hluhpi reih chi ta, ei thei khai haw.

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 4:28

Cha liata chyhsapa ku ta taopa tho nata lô khazoh, a hmô thei leipa, a thei thei leipa, a nie thei leipa, roh theina chhao a hnei leipa nama chakao aw.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

1 SAMUELA 17:36

Châ chakaotuhpa he chakeibarôhneipa nata chavyh zy vaw thie ha tyh na ta, he chopawtaileipa Philistinâ chyhsa chhao he, Khazohpa hrohpa pheisaihzy a pahaopa vâta, âmo hawh pyly cha a châ hra aw,” tah ta.