2 THÂTIHZYRONA 32:17 - Mara Bible RV (BSI)

¹⁷ Senâkeri ta Abeipa, Izarei Khazohpa pasipasawhna nata reipachhiena châ roh ta, “Khizaw phopizy khazohzy ta ei ku tawhta ama phopizy ama pachha thei tlâ leipa hawhta, Hezekia Khazohpa chhao ta, ei ku tawhta a phopi pachha thei aw vei,” tah ta.

2 THÂTIHZYRONA 32:17 ပူးပေါင်းရင်းမြစ်များ

2 ABEIZY 19:11

Pachâ teh, râh zydua chô liata Asuria beizy hmo taozie nata râh zydua ama parao khaizie zy na thei khai. Nâ chhao pachhapa na châ hlei aw ma?

2 ABEIZY 19:12

Nâ pathlatuhpazy ta ama pahleipadia hapa phopizy, Kôzani, Harânâ, Reze nata Telasâ liata a ypa Idâh mo zy kha ama phopi khazohzy ta ama pachha thei ma?

2 ABEIZY 19:14

Hezekia ta lyuhchâpazy vaw phaopa châ cha hmô ta, reih ta. Hezekia cha Abeipa o lâ khy ta, châ cha Abeipa hmiakô liata pakai ta.

2 ABEIZY 19:22

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

2 ABEIZY 19:28

Ei chô liata na ruchhô ta, Nâ palaina ei nah liata â kaw ngia hapa vâta, Na hnari cha daoh aw na ta, Ei chhâri na hmao liata pabawpa ta, Nâ vyna lâpi lâ tlai khata ei cha pakuasa heih aw.”

2 ABEIZY 19:9

Cha nona chata Kusi bei Tihâkâ ta ano a dyuh awpa ta a vaw puapa thâtih Asuria bei ta thei ta. Hezekia lâ lyuhchâpazy tuah heih ta.

2 THÂTIHZYRONA 32:14

Nâ pathlatuhpazy ta parao awpa ta ama rao hapa râhzy cha, ahy râh khazoh ta hmah ei ku tawhta a pachha theipa y veih ei. Nâmo Khazoh bao hra chata ma, ei ku tawhta zua châ pachha aw ei?

2 THÂTIHZYRONA 32:16

Senâkeri pheisaihzy ta Zehôvâh Khazohpa nata a chakaotuhpa Hezekia cha, cha hlâta tha viapa ta reipachhie rili ei ta.

NEHEMIAH 6:5

A ei pangawhna liata Sanbâlâ ta a chakaotuhpa kei lâ vaw tuah ta, châbyh liata khô leipa, vâtlâh pahno awpa châ na vaw paphao ta.

ISAI 10:15

Ahrei ta a hmâhtuhpa hmia liata â reithai aw ma? Thoâna ta a hmâhtuhpa â palai thlu aw ma? Sômasi ta a chabatuhpa chalo â chhuahpa lyu ta, Chôchahrei ta a chhytuhpa a chhy â chhuahpa a lyu.

ISAI 37:14

Hezekia ta lyuhchâpazy vaw phaopa châ cha hmô ta, reih ta. Hezekia cha Abeipa o lâ khy ta, châ cha Abeipa hmiakô liata pakai ta.

BIEPHUAH 13:6

Khazohpa reipachhie awpa ta a pakah â ta, Khazohpa moh nata a pahrâna su nata vârâh liata a pahrâpazy reipachhie ta.

1 SAMUELA 17:26

Dâvi ta a kiah liata a duahpa pheisaihzy hnohta. “He Philistinâ chyhsa he thiepa ta, Izarei hmiachhie a patlâhtuhpa cha kheihta tao awpa ma a châ? He chopawtaileipa Philistinâ chyhsa he ahy ma châ ta, Khazohpa hrohpa pheisaihzy zua a pahao tly?” tah ta.

1 SAMUELA 17:36

Châ chakaotuhpa he chakeibarôhneipa nata chavyh zy vaw thie ha tyh na ta, he chopawtaileipa Philistinâ chyhsa chhao he, Khazohpa hrohpa pheisaihzy a pahaopa vâta, âmo hawh pyly cha a châ hra aw,” tah ta.